កន្លែងកម្មករធ្វើកូដកម្ម ក្នុងតំបន់សេដ្ឋកិច្ចពិសេស ក្រោយលោក ឈូក បណ្ឌិត បាញ់កម្មករ
មន្ត្រីនៃមន្ទីរការងារខេត្តស្វាយរៀងបានឲ្យដឹងកាលពីរសៀលថ្ងៃនេះថា កម្មករទាំងអស់នៅតំបន់សេដ្ឋកិច្ចពិសេសក្រុងបាវិតត្រូវបានផ្អាកពីការងាររហូតដល់ថ្ងៃ ច័ន្ទសប្តាហ៌ ដើម្បីរង់ចាំការដោះស្រាយពីភាគីពាក់ព័ន្ធ។
លោក វ៉ា សារ៉ន ប្រធានមន្ទីរការងារខេត្តស្វាយរៀងបានមានប្រសាសន៌ថា ក្រុមហ៊ុន និងមន្រ្តីខេត្តបានយល់ព្រមផ្អាកការងាររបស់កម្មករនៅគ្រប់រោងចក្រទាំងអស់មួយរយៈសិនរង់ចាំការដោះស្រាយការទាមទាររបស់ពួកគេឲ្យដាច់ស្រេចសិន។
លោកបានឲ្យដឹងថា៖ «យើងនឹងព្យាយាមដោះស្រាយជូនពួកគាត់ ដោយធ្វើការ ជួយចរចាជាមួយថៅកែរោងចក្រទាំងអស់ ហើយកម្មករនឹងអនុញ្ញាតឲ្យចូលធ្វើការវិញថ្ងៃច័ន្ទ»។
ជាមួយគ្នានេះដែរ គណៈកម្មការថ្មីមួយត្រូវបានបង្កើតឡើងដើម្បីចុះទៅពិនិត្យ នៅក្នុងរោងចក្រយ៉ុងវ៉ាដែលកម្មកររាប់ពាន់នាក់កំពុងធ្វើការតវ៉ាបិទផ្លូវលេខ២១បេ។
លោកអ៊ុំ វិសាល មន្រ្តីដោះស្រាយវិវាទការងារនៃសហជីពស៊ីខៅឌូ បានមានប្រសាសន៌ថា លោករដ្ឋមន្រ្តីក្រសួងសង្គមកិច្ចបានចារឲ្យមានគណៈកម្មការនេះឡើង។
លោកបានបន្ថែមថា៖ «គណៈកម្មការនេះចុះទៅក្នុងរោងចក្រនៅរសៀលនេះ ហើយស្របពេលនេះដែរ តុលាការខេត្តកណ្តាលក៏បានចេញដីការក្សាការពារ មិនឲ្យក្រុមហ៊ុនយកសំភារៈចេញពីក្រុមហ៊ុនមុនពេលបើកប្រាក់ខែជូនកម្មករបានទេ»។
No comments:
Post a Comment
yes