ក្រុមការងារចលនាប្រជាធិបតេយ្យសង្គ្រោះជាតិខេត្តកំពង់ឆ្នាំងចុះជួបសំណេះសំណាលសួរ សុខទុក្ខនិងផ្សព្វផ្សាយគោលនយោបាយគណបក្សសង្គ្រោះជាតិដល់ប្រជាពលរដ្ឋនៅតាម មូលដ្ឋាន

គណបក្ស​ សង្គ្រោះជាតិ ដែលនិងត្រូវចូលរួមក្នុងការបោះឆ្នោតជាតិសម្រាប់អាណត្តិទី៥ នៅ ថ្ងៃទី២៨ ខែកក្ដដា ឆ្នាំ២០១៣ខាងមុខនេះ កំពុងតែធ្វើតំណើរទៅមុខយ៉ាងលឿន ទាំងការ​ទទួលបានការគាំទ្រពីសំណាក់ប្រជាពលរដ្ឋ និងសកម្មភាពការងារចុះជួបពលរដ្ឋ ទាំងសកម្ម​ភាពលើកស្លាក ក៏ដូចជាការផ្សព្វផ្សាយគោលនយោបាយរបស់គណបក្សជាដើម ។

ជាមួយគ្នានោះកាលពីថ្ងៃទី១៧ ខែកុម្ភៈ ឆ្នាំ២០១៣ ថ្នាក់ដឹកនាំចលនាប្រជាធិបតេយ្យ សង្គ្រោះជាតិ ខេត្តកំពង់ឆ្នាំង បានធ្វើការបែងចែកជាក្រុមដើម្បីចុះជួបពលរដ្ឋនៅតាមមូលដ្ឋាន ដែលក្នុងនោះរួមមាន នៅស្រុកកំពង់លែង ឃុំកំពង់ហៅ និងឃុំស្វាយរំពារ ចំនួន២កន្លែង និង១ក្រុម នៅឃុំត្រងិល ចំនួន២កន្លែង និង២ក្រុម នៅឃុំសំរោងសែន ចំនួន៣កន្លែង និង​៣​ក្រុម នៅឃុំច្រណូក ចំនួន២កន្លែង និង៤ក្រុម ។

ចំណែកឯនៅថ្ងៃទី១៨ ខែកុម្ភៈ ឆ្នាំ២០១៣ ថ្នាក់ដឹកនាំចលនាប្រជាធិបតេយ្យសង្គ្រោះជាតិ ខេត្តកំពង់ឆ្នាំង បានធ្វើតំណើរចុះទៅជួបពលរដ្ឋពេលព្រឹកនៅស្រុកទឹកផុស ដែលដឹកនាំដោយ លោក គី វណ្ណារ៉ា សមាជិករដ្ឋសភា អមតំណើរដោយសមាជិកក្រុមការងារខេត្ត និងស្រុកមួយ ចំនួនទៀត រីឯមួយក្រុមទៀតដែលជាក្រុមការងារខេត្ត ក៏បានចុះទៅជួបពលរដ្ឋចំនួនពីរ​កន្លែង​ផ្សេងទៀតនៅក្នុងស្រុកទឹកផុស ដែលមានចំនួនប្រជាពលរដ្ឋចូលរួមយ៉ាងច្រើនកុះករ ។

ជាមួយគ្នានោះនៅពេលរសៀលលោក គី វណ្ណារ៉ា ក៏បានដឹកនាំក្រុមការងារខេត្ត និងស្រុកចុះ​ជួបពលរដ្ឋនៅស្រុកសាមគ្គីមានជ័យផងដែរ ចំណែកក្រុមការងារខេត្តចំនួនពីកក្រុមទៀត ​ចុះ​ជួបពលរដ្ឋនៅស្រុកទឹកផុសចំនួន២កន្លែង ។

សូមជំរាបជូនថា ថ្នាក់ដឹកនាំចលនាប្រជាធិបតេយ្យសង្គ្រោះជាតិខេត្តកំពង់ឆ្នាំង នៅ​ក្នុង​កម្ម​វិ​ធី​ចុះជួបសំណេះសំណាល សួរសុខទុក្ខ និងផ្សព្វផ្សាយគោលនយោបាយរបស់គណបក្ស​ សង្គ្រោះជា​តិ ដល់ពលរដ្ឋដើម្បីឲ្យពួកគាត់បានដឹងនោះ គឺផ្តោតសំខាន់ទៅលើគោលនយោ​បាយអទិភាពរបស់គណបក្ស សង្គ្រោះជាតិ ដែលនិងត្រូវធ្វើការដោះស្រាយជាបន្ទាន់នៅ បន្ទាប់​ពីគណបក្ស សង្គ្រោះជាតិ ឈ្នះលើការបោះឆ្នោតហើយនោះ ដែលក្នុងនោះរួមមានការ ផ្តល់ប្រាក់ឧបត្ថមដល់ចាស់ៗចាប់ពីអាយុ៦៥ឆ្នាំឡើងទៅឲ្យពួកគាត់ទទួលបានក្នុងមា្នក់ចំ នួន​៤ម៉ឺនរៀលជារៀងរាល់ខែ ការតំឡើងប្រាក់ខែជូនមន្រ្តីរាជការឲ្យបានយ៉ាងតិចក្នុងម្នាក់ចំនួន​១លានរៀល ការតំឡើងប្រាក់ខែដល់កម្មករ-កម្មការីនី ដែលជាប្រាក់ខែគោលយ៉ាងតិច​ចំនួន​៦០ម៉ឺនរៀលក្នុងមួយខែ ការព្យាបាលជំងឺជូនប្រជាពលរដ្ឋទូទៅដោយមិនចាំបាច់​បង់ប្រាក់​នៅ​គ្រប់មន្ទីរ​ពេទ្យរដ្ឋ ការរកការងារធ្វើជូនប្រជាពលរដ្ឋ ការលប់បំបាត់អំពើពុករលួយ ការពង្រឹង​ប្រព័ន្ធអប់រំ ការពង្រឹងប្រព័ន្ធយុត្តិធម៌ លប់បំបាត់ការរំលោភសិទ្ធិពលរដ្ឋ ដូចជាដីធ្លី ស្រែចំការ ផ្ទះ​សម្បែង​របស់ពួក​គាត់ជាដើម ពីសំណាក់អ្នកមានលុយមានអំណាច ។

គណបក្ស សង្គ្រោះជាតិ គឺគិតគូរពីផលប្រយោជន៏របស់ជាតិ និងប្រជាពលរដ្ឋជាធំ ។ ដូច្នេះ​សូមបងប្អូនចូលរួមជាមួយនិងគណបក្ស សង្គ្រោះជាតិ ទាំងអស់គ្នាដើម្បីអនាគតរបស់យើង កូនចៅយើង និងប្រទេសជាតិរបស់យើង ៕