ពន្ធនាគារក្នុងប្រទេសកម្ពុជា បានឃុំឃាំងអ្នកទោសច្រើនលើសចំណុះ
អង្គការការពារសិទ្ធិមនុស្សលីកាដូ សំដែងការព្រួយបារម្ភ ចំពោះចំនួនស្ត្រីដែលជាប់ពន្ធនាគារចេះតែកើនឡើង ព្រោះស្ត្រីងាយព្រឈម នឹងគ្រោះថ្នាក់ច្រើនពិសេសមានផ្ទៃពោះ។
ក្នុងសេចក្តីថ្លែងការណ៍របស់អង្គការពារសិទ្ធិមនុស្សលីកាដូបង្ហាញថា ស្រី្ត និងក្មេងស្រីជាប់ពន្ធនាគារនៅកម្ពុជាមានអត្រាកើនឡើង។ ក្នុងសេចក្តីថ្លែងការណ៍ឲ្យដឹងទៀតថា ត្រឹមពាក់កណ្តាលខែធ្នូឆ្នាំ២០១២ អ្នកទោសជាស្ត្រី មានចំនួន១២៧០នាក់(មួយពាន់២៧០) ដែលចំនួននេះកើនឡើង៣៩% បើប្រៀបនឹងខែធ្នូឆ្នាំ២០១០។ ស្ត្រី និងក្មេងស្រីមានអត្រា៨%នៃចំនួនអ្នកទោសជាបុរស តែចំនួននេះកើនឡើងបួនដងច្រើនជាងចំនួនបុរស។ នៅចុងឆ្នាំ២០១២ ស្ត្រី៦៧នាក់ រស់នៅក្នុងពន្ធនាគារជាមួយកូន ហើយមានស្ត្រី១៤នាក់ មានផ្ទៃពោះ។
អ្នកគ្រប់គ្រងគម្រោងពន្ធនាគារនៃអង្គការការពារសិទ្ធិមនុស្សលីកាដូ កញ្ញា ង៉ែត សុគន្ធ មានប្រសាសន៍ថា បច្ចុប្បន្នពន្ធនាគារផ្ទុកមនុស្ស មានកន្លែងតូចចង្អៀត ហើយម្យ៉ាងទៀតមិនអាចមានកន្លែងបណ្តុះបណ្តាលវិជ្ជាជីវៈសម្រាប់ស្ត្រី និងកូនៗរបស់ពួកគេទេ៕
No comments:
Post a Comment
yes