ថ្នាក់ដឹកនាំចលនាប្រជាធិបតេយ្យសង្គ្រោះជាតិខេត្តបាត់ដំបងចុះជួបពលរដ្ឋតាមមូលដ្ឋាន រីឯក្រុមការងារចលនាប្រជាធិបតេយ្យសង្គ្រោះជាតិខេត្តបន្ទាយមានជ័យចុះលើកនិងជួសជុល ស្លាកថ្មីរបស់គណបក្សសង្គ្រោះជាតិនៅស្រុកមង្គលបុរី

ដោយសារតែទឹកចិត្តស្រលាញ់ជាតិ មាតុភូមិ និងប្រជាពលរដ្ឋខ្មែរដែលមានឈាមជ័រដូចគ្នា ថ្នាក់ដឹកនាំ និងក្រុមការងារចលនាប្រជាធិបតេយ្យសង្គ្រោះជាតិ ជារៀងរាល់ថ្ងៃបានធ្វើតំណើរ ចុះជួបពលរដ្ឋនៅតាមូលដ្ឋាននានាគ្មានពេលសំរាកឡើយ ក៏ដូចជាការចុះលើកនិងជួសជុល​ស្លាកគណបក្ស សង្គ្រោះជាតិ ជាដើម ។

យ៉ាងណាម៉ិញ នៅថ្ងៃទី២០ ខែមីនា ឆ្នាំ២០១៣ លោក សោ ចាន់ដេត ក្រុមការងារចលនាប្រ​ជា​​ធិ​​បតេយ្យសង្គ្រោះជាតិខេត្តបាត់ដំបង រួមជាមួយនិងសហការី ពេលព្រឹកបានធ្វើតំណើរចុះ ទៅជួបសំណេះសំណាល និងធ្វើការបង្ហាញស្លាកសញ្ញា ព្រមទាំងគោលនយោបាយរបស់​គណបក្ស សង្គ្រោះជាតិ ឲ្យលោកយាយ លោកតា បងប្អូនប្រជាពលរដ្ឋនៅក្នុងភូមិទួលស្នួល ឃុំឃ្លាំងមាស ស្រុកបវេល ពួកគាត់បានដឹង និងស្គាល់ ។ ហើយបន្ទាប់មកនៅពេលរសៀល​លោក សោ ចាន់ដេត ព្រមទាំងក្រុមការងារបានបន្តតំណើរចុះជួបពលរដ្ឋនៅភូមិបឹងសង្កែ ឃុំឃ្លាំងមាស ស្ថិតនៅក្នុងស្រុកបវេលដដែល ។

សូមជំរាបថានៅក្នុងកម្មវិធីទាំងពីរខាងលើ គឺមានប្រជាពលរដ្ឋលោកយាយ លោកតា ពួកគាត់ អញ្ជើញមកចូលរួមយ៉ាងច្រើនកុះករ ដោយពួកគាត់ម្នាក់ៗមានការយកចិត្តទុកដាក់ស្តាប់បំផុត ចំពោះការលើកឡើងរបស់លោក សោ ចាន់ដេត ទាក់ទងទៅនិងគោលនយោបាយរបស់គណ បក្ស សង្គ្រោះជាតិ ដែលបានដាក់ចេញនៅពេលនេះ និងត្រូវអនុវត្តន៏ភ្លាមៗក្រោយការបោះ​ឆ្នោត ដែលគណបក្ស សង្គ្រោះជាតិ បានដឹកនាំរដ្ឋាភិបាលហើយនោះ ។

ជាមួយគ្នានេះគោលនយោបាយរបស់គណបក្ស សង្គ្រោះជាតិ ដែលលោក សោ ចាន់ដេត

លើកមកធ្វើការជំរាបជូនលោកយាយ លោកតា បងប្អូនប្រជាពលរដ្ឋរស់នៅក្នុងភូមិទួលស្នួល និងភូមិបឹងសង្កែ ស្ថិតនៅក្នុងឃុំឃ្លាំងមាស ស្រុកបវេលឲ្យពួកគាត់បានដឹងគឺជុំវិញទៅនិង​គោលនយោបាយអទិភាពរបស់គណបក្ស​ សង្គ្រោះជាតិ ចំនួន៧ចំណុចដែលក្នុងនោះរួមមាន ១ការផ្តល់ប្រាក់ឧបត្ថមដល់ចាស់ៗដែលមានអាយុចាប់ពី៦៥ឆ្នាំឡើងទៅឲ្យពួកគាត់ទួលបាន ក្នុងម្នាក់ចំណួន៤ម៉ឺនរៀលជារៀងរាល់ខែ ២ធ្វើការតំឡើងប្រាក់ខែដល់កម្មករ-កម្មការីនី ឲ្យពួក​គាត់ទទួលបានប្រាក់ខែចំនួន៦០រៀលក្នុងមួយខែដែលជាប្រាក់ខែគោល ៣ធ្វើការតំ​ឡើង​ប្រាក់​ខែដល់មន្រ្តីរាជការទាំងអស់ ឲ្យពួកគាត់ទទួលបានទាបបំផុតក្នុងម្នាក់ចំនូន១លានរៀល ៤រកទីផ្សារជូនប្រជាកសិករនៅពេលដែលពួកគាត់ធ្វើកសិកម្មទទួលបានទិន្នផល ដែលក្នុង​នោះ​ស្រូវ តម្លៃទាបបំផុតមួយគីឡូ១ពាន់រៀល ៥ព្យាបាលជំងឺជូនប្រជាពល​រដ្ឋដោយ​មិនចាំ​បាច់​បង់ប្រាក់នៅគ្រប់មន្ទីរពេទ្យរដ្ឋ មិនថាអ្នកមានឬអ្នកក្រ ៦ផ្តល់ឱកាសឲ្យយុវ​ជនបានសិក្សា​រៀលសូត្រដូចគ្នា ទាំងកូនអ្នកមាន និងកូនអ្នកក្រ ដែលរដ្ឋមានកញ្ចប់ថវិការ​សម្រាប់ផ្តល់ជូន​កូនប្រជាពលរដ្ឋក្រីក្រខ្ចី ​សម្រាប់យកទៅបន្តការសិក្សារៀលសូត្រ​ដែលមានអត្រា​ការប្រាក់​ទាបបំផុត ព្រមទាំងផ្តល់ជាអាហាររូបករណ៏ជាដើម និងឲ្យយុវជនទាំងអស់អាចទទួលបានឱ​កាសការងារដូចៗគ្នាផងដែរ និង៧រដ្ឋាភិបាលសង្គ្រោះជាតិ និងធ្វើការបញ្ចុះតម្លៃប្រេង សាំង ជីកសិកម្ម និងអគ្គីសនី ព្រម​ទាំងឲ្យមានអត្រាការប្រាក់ទាបផងដែរ ចំពោះការកម្ចីប្រាក់របស់ ពលរដ្ឋនៅតាមបណ្តាគ្រឹះស្ថានមីក្រូហិរញ្ញវត្ថុនានា​ ។

ព្រមជាមួយគ្នានោះនៅឯខេត្តបន្ទាយមានជ័យឯណោះវិញ លោក ឃ្លាំង ប៊ុនឡាយ ក្រុមការ​ងារចលនាប្រជាធិបតេយ្យសង្គ្រោះជាតិ និងលោក ទួត វាសនា ប្រធានគណបក្ស សង្គ្រោះ​ជាតិ ​ស្រុក​មង្គលបុរី រួមជាមួយនិងក្រុមកាងារមួយចំនួនទៀតនៅថ្ងៃទី២០ ខែមីនា ឆ្នាំ២០១៣ បានចុះលើក និងជួសជុលស្លាកថ្មីរបស់គណបក្ស សង្គ្រោះជាតិ ចំនួន៤ស្លាកស្ថិតនៅក្នុងឃុំតា ឡុំ ស្រុកមង្គលបុរី ដើម្បីជាការឆ្លើយតបទៅនិងការចង់បានរបស់ប្រជាពលរដ្ឋក្នុងឃុំ និងក៏​ជា​ការសម្រេចទៅតាមផែនការណ៏របស់គណបក្ស ដែលបានដាក់ចេញនាពេលកន្លងមកថ្មីៗ​នេះ​ផងដែរ ៕