លោក ហ៊ុន ម៉ាណែត កូនប្រុសច្បងរបស់លោក ហ៊ុន សែន
ថ្លែងក្នុងពិធីចែកសញ្ញាបត្រ ដល់ក្រុមមន្ត្រីពីសាលាភូមិន្ទ
រដ្ឋបាលកាលពីព្រឹកមិញ ឯវិទ្យាស្ថានជាតិអប់រំ
នាយករដ្ឋមន្ត្រីបានរំឭកការចោទសួរពីមជ្ឈដ្ឋានខ្លះ ទាក់ទងការដែលអាចតែងតាំងកូនប្រុសច្បងរបស់លោក
ឲ្យដឹកនាំគណបក្សប្រជាជនកម្ពុជា ជំនួសលោក ជា ស៊ីម ដែលមានវ័យជរា ។
លោក ហ៊ុន សែន បានថ្លែងថាលោកបានទទួលទូរស័ព្ទពីបុគ្គលម្នាក់
កាលពីពេលថ្មីៗនេះ ដែលចោទសួរថា
តើលោកនឹងតែងតាំងកូនប្រុសរបស់លោកគឺលោក ហ៊ុន ម៉ាណែត
ឲ្យធ្វើជាប្រធាន គណបក្សប្រជាជនកម្ពុជាទេ នៅពេលដែលលោក
ជា ស៊ីម ប្រធានគណបក្សប្រជាជនកម្ពុជាបច្ចុប្បន្នទទួលមរណៈភាព ?
នេះជាសេចក្ដីថ្លែងថ្មីមួយ ខណៈដែលគេកត់សម្គាល់ថា
លោកនាយករដ្ឋមន្ត្រី ធ្លាប់បានថ្លែងប្រហាក់ប្រហែលនេះ នៅក្នុងពិធីមួយឯភ្នំបូកគោកាលពីឆ្នាំកន្លងទៅ
ដែលសំដៅទៅរកបក្សប្រឆាំង ។ គ្រានោះលោក ហ៊ុន សែន បានលើកឡើងថា
ពួកគេគ្មានឱកាសទេ បើសិនជាអស់ទេវតា ក៏នៅមានកូនទេវតាដែរ ។
សេចក្ដីថ្លែងបែបនេះរបស់លោក ហ៊ុន សែន
បានបង្ហាញនូវភាពប្រាកដថា តំណែងប្រធានគណបក្សប្រជាជនកម្ពុជា
អាចនឹងធ្លាក់ទៅលើលោក ហ៊ុន ម៉ាណែត កូនប្រុសច្បងរបស់លោកបន្ទាប់ពីលោក
ជា ស៊ីម ។
លោក ហ៊ុន ម៉ាណែត វ័យ៣៥ឆ្នាំ
បានបញ្ចប់ការសិក្សាពីសាលាបណ្ឌិតសភាយោធាសហ រដ្ឋ អាមេរិក West Point
Academy ។លោកត្រូវបានដំឡើងឋានន្តរសក្ដិថ្នាក់ឧត្តមសេនីយ៍ទោ
ផ្កាយពីរ មានមុខតំណែងបន្ថែមជាមេបញ្ជាការ រងនៃបញ្ជាការដ្ឋានកងទ័ពជើងគោកនៃកងយោធពល
ខេមរភូមិន្ទ ៕
No comments:
Post a Comment
yes