លោក ម៉ម សូណង់ដូ ដែលទទូល បាន សេរីភាពវិញ កាលពីព្រឹកមិញ
ដ្ឋាភិបាលបារាំងបានសារទរចំពោះការសម្រេចរបស់សាលាឧទ្ធរណ៏កម្ពុជាក្នុងការបន្ធូរបន្ថយទោស
និង ឈានទៅដោះលែងលោក ម៉ម សូណង់ដូ ឲ្យមានសេរីភាពឡើងវិញ។សេចកក្ដីថ្លែងការណ៏ពីទីក្រុងប៉ារីសថ្ងៃទី១៤មីនា
ហើយដែលត្រូវបានស្ថានទូតបារាំងប្រចាំកម្ពុជា
ធ្វើការផ្សព្វផ្សាយជាសាធារណៈនៅថ្ងៃសុក្រទី១៥មីនានេះ
បានលើកឡើងថាប្រទេសបារាំង បានទទួលដំណឹងពីសាលដីកាសាលាឧទ្ធរណ៍កម្ពុជា
ដែលបានប្រកាស កាលពីថ្ងៃទី១៤ ខែ មីនា
ហើយដែលនឹងអនុញ្ញាតឱ្យមានការដោះលែងលោក ម៉ម សូណង់ដូ នៅពេលបន្ទាប់ ។
សេចក្ដីថ្លែងការណ៏នោះបានបន្តថា ប្រទេសបារាំង
បានខិតខំប្រឹងប្រែងយ៉ាងពេញទំហឹង ដើម្បីធានាឱ្យមានការគោរពសិទ្ធិ លោក ម៉ម
សូណង់ដូ ដូចដែលប្រទេសនេះ ធ្វើចំពោះពលរដ្ឋរបស់ខ្លួន
ដែលកំពុងជាប់ឃុំឃាំងនៅលើពិភពលោក ។
លោក ម៉ម សូណង់ដូ វ័យ៧២ឆ្នាំ
ពលរដ្ឋខ្មែរសញ្ជាតិបារាំង
ជានាយកវិទ្យុសំបុកឃ្មុំនិងជាប្រធានសមាគមអ្នកប្រជាធិបតេយ្យ
ត្រូវបានដោះលែងឲ្យមានសេរីភាពពីពន្ធនាគារព្រៃស កាលពីវេលាម៉ោង៩ និង ៣០នាទី
ព្រឹកមិញ ដោយមានការសាទរពីក្រុមអ្នកគាំទ្ររាប់រយនាក់។
នៅចំពោះមុខពួកអ្នកកាសែតលោក សូណង់ដូ បានថ្លែងថា
លោកនៅតែរក្សាជំហរដើមក្នុងការផ្សព្វផ្សាយឲ្យប្រជាពលរដ្ឋខ្មែរបាន
យល់ពីគោលការលទ្ធិប្រជាធិបតេយ្យនិងសិទ្ធិមនុស្ស ៕
No comments:
Post a Comment
yes