ក្រុមការងារចលនាប្រជាធិបតេយ្យសង្គ្រោះជាតិខេត្តពោធិ៍សាត់ចុះជួបសំណេះសំណាលជា មួយប្រជាពលរដ្ឋនៅតាមមូលដ្ឋាន រីឯថ្នាក់ដឹកនាំចលនាប្រជាធិបតេយ្យសង្គ្រោះជាតិខេត្តកំ ពង់ស្ពឺប្រជុំអាណត្តិស្រុកនិងបើកវគ្គបណ្តុះបណ្តាលភាពជាអ្នកដឹកនាំដល់ថ្នាក់ដឹកនាំឃុំទាំង ៨ស្រុក

ស្របពេលដែលគណបក្ស សង្គ្រោះជាតិ ក្រោមការដឹកនាំរបស់លោកប្រធាន សម រង្ស៊ី ជាប្រ ធាន និងលោកប្រធាន កឹម សុខា​ជាអនុប្រធាន ដែលកំពុងតែទទួលបានការគាំទ្រពីសំណាក់ ប្រជាពលរដ្ឋកាន់តែមានសន្ទុះខ្លាំងឡើងជារៀងរាល់ថ្ងៃ ក្នុងនោះថា្នក់ដឹកនាំចលនាប្រជាធិប តេយ្យសង្គ្រោះជាតិ និងថ្នាក់ដឹកនាំគណបក្ស សង្គ្រោះជាតិ ទាំងថ្នាក់ជាតិ ថ្នាក់ខេត្ត ថ្នាក់ស្រុក ថា្នក់ឃុំ ហើយនិងថ្នាក់ភូមិ ក៏នៅតែធ្វើសកម្មភាពក្នុងការចុះជួបជាមួយប្រជាពលរដ្ឋគ្មានពេល សម្រាកនោះដែរ ដើម្បីស្វែងរកការគាំទ្រពីពលរដ្ឋមកលើគណបក្ស សង្គ្រោះជាតិ ឲ្យបានចំនួន កាន់តែច្រើនឡើងបន្ថែមទៀតជាងនេះជាតិបរមា ក្នុងការឆ្ពស់ទៅទទួលបានជ័យជំនះលើការ​បោះ​ឆ្នោតនៅថ្ងៃទី២៨ ខែកក្កដា ឆ្នាំ២០១៣នេះ ។

ជាមួយគ្នានោះ នៅថ្ងៃទី០៩ ខែមីនា ឆ្នាំ២០១៣ ចលនាប្រជាធិបតេយ្យសង្គ្រោះ​ជាតិខេត្ត​ពោធិ៍​សាត់ ដែលដឹកនាំដោយលោក ងឹម ញ៉េញ រួមដំណើរដោយក្រុមការខេត្ត និងស្រុក បានធ្វើតំ ណើរចុះជួបពលរដ្ឋពេលព្រឹកនៅភូមិថ្លុកដង្កោ ឃុំផ្ទះរ៉ុង ស្រុកភ្នំក្រវ៉ាញ ពេលរសៀលកម្មវីធី ប្រារព្វធ្វើឡើងនៅភូមិស្តុកឃ្លោក ឃុំអូរតាប៉ោង ស្រុកបាកាន ។

សូមជំរាបជូនថា នៅក្នុងកម្មវិធីទាំងពីរខាងលើ ថ្នាក់ដឹកនាំខេត្តពោធិ៍សាត់ បានលើក​យកគោ​ល​​នយោបាយអទិភាពរបស់គណបក្ស មកធ្វើការជំរាបជួនដល់ពលរដ្ឋឲ្យពួកគាត់បានដឹង និង  ជំរុញឲ្យប្រជាពលរដ្ឋទៅចូលរួមបោះឆ្នោតឲ្យបានគ្រប់គ្នានៅថ្ងៃបោះឆ្នោត ដើម្បីជ្រើសរើស គណបក្សនយោបាយណាដែលខ្លួនពេញចិត្ត ហើយត្រូវសំលឹងមើលថា គណបក្សណា​មួយ​

ដែលបំរើរាស្រ្ត ជួយរាស្រ្ត ជួយជាតិ ស្រលាញ់រាស្រ្ត និងជាតិយ៉ាងពិតប្រាកដនោះ ។

គួរជំរាបជូនផងដែរថា នៅថ្ងៃទី០៩ ខែមីនា ឆ្នាំ២០១៣ ថ្នាក់ដឹកនាំចលនាប្រជាធិបតេយ្យ​សង្គ្រោះជាតិខេត្តកំពង់ស្ពឺ ក៏បានអញ្ជើញទៅចូលរួមប្រជុំអាណត្តិស្រុក របស់ក្រុមការងារ​ស្រុក​ឧត្តងផងដែរ ដើម្បីបូកសរុបការងារដែលបានធ្វើនាពេលកន្លងមក និងដាក់ផែនការណ៏​សម្រាប់​​ខែថ្មី ព្រមទាំងប្រជុំសម្រេចក្នុងការរៀបចំរចនាសម្ព័ន្ធស្រុក រៀបចំគំរោងសម្រាប់វគ្គ​បណ្តុះ​បណ្តាលភាពជាអ្នកដឹកនាំដល់ថ្នាក់ដឹកនាំស្រុកឧត្តង និងឃុំ រៀបចំពង្រាងវេទិការរបស់​ថ្នាក់​ដឹកនាំថ្នាក់ជាតិ ចុះជួបប្រជាពលរដ្ឋនៅស្រុកឧត្តង ការលើកស្លាកគណបក្សបន្ថែមលើ ស្លាកដែលបានលើក និងជួសជុលហើយនាពេលកន្លងមកជាដើម ។

ចំណែកនៅថ្ងៃទី១០ ខែមីនា ឆ្នាំ២០១៣ ថ្នាក់ដឹកនាំចលនាប្រជាធិបតេយ្យសង្គ្រោះជាតិថ្នាក់ ជាតិ ក៏បានបើកវគ្គបណ្តុះបណ្តាលភាពជាអ្នកដឹកនាំដល់ថ្នាក់ដឹកនាំឃុំផងដែរ  ​ដែលវគ្គបណ្តុះ​បណ្តាល​ធ្វើឡើងទូទាំង៨ស្រុករបស់​ខេត្តកំ​ពង់​ស្ពឺ នៅតាមស្រុកនីមួយៗ ហើយថ្នាក់ដឹកនាំឃុំ​ ត្រូវ​បាន​ជ្រើស​រើសមកចូលរួមក្នុងវគ្គបណ្តុះបណ្តាលភាពជាអ្នក​ដឹកនាំចំនួន១០រូប​ក្នុងមួយឃុំ ៕