លោកស្រីកែសុវណ្ណរតន៏និងលោកប៉ុលហំមចុះជួបពលរដ្ឋនៅស្រុកសុនិគមនិងស្រុក ប្រា សាទបាគងខេត្តសៀមរាបចំណែកនៅខេត្តបាត់ដំបងនិងខេត្តបន្ទាយមានជ័យក្រុមការងារ ខេត្តចុះលើកនិងជួសជុលស្លាកគណបក្សសង្គ្រោះជាតិ

ថ្នាក់ដឹកនាំជាន់ខ្ពស់របស់ចលនាប្រជាធិបតេយ្យសង្គ្រោះជាតិចំនួនពីររូប គឺលោកស្រី កែ សុវណ្ណរតន៏ និងលោក ប៉ុល ហំម នៅបន្ទាប់ពីបានចុះជួបប្រពលរដ្ឋនៅស្រុក​ពួកកាល​ពី​ថ្ងៃទី​២០ ខែមីនា ឆ្នាំ២០១៣រួចមក នៅថ្ងៃទី២១ ខែមីនា ថ្នាក់ដឹកនាំទាំងពីរ រួមជាមួយ​និងក្រុម​ការ​ងារ​ខេត្ត ហើយនិងស្រុកមួយចំនួនទៀត បានបន្តដំណើរចុះជួបពលរដ្ឋនៅស្រុកសុនិគម និង​ស្រុកប្រាសាទបាគង ។

ជាមួយគ្នានេះពេលព្រឹកលោក ស្រី កែ សុវណ្ណរតន៏ និងលោក ប៉ុល ហំម រួមទាំងក្រុមការងារ ខេត្ត និងស្រុក បានចុះជួបពលរដ្ឋនៅភូមិខ្ចាស់ ឃុំខ្ចាស់ ស្រុកសុនិគម និងពេលរសៀលកម្មវិ ធីប្រារព្វធ្វើឡើងនៅភូមិច្បារមន ឃុំចាន់សរ ស្រុកសុនិគម ។ ដែលនៅក្នុងកម្មវិធីទាំងពីរខាង លើលោកស្រី កែ សុវណ្ណរតន៏ និងលោក ប៉ុល ហំម បានលើកយកគោលនយោបាយរបស់ គណបក្ស សង្គ្រោះជាតិ មកធ្វើការជំរាបជូនលោកយាយ លោកតា បងប្អូនប្រជាពលរដ្ឋឲ្យពួក គាត់បានដឹង ព្រមទាំងធ្វើការជំរាបជូនពីប្រភពនៃការរកថវិការរបស់គណបក្ស សង្គ្រោះជាត​សម្រាប់យកមកធ្វើការអភិវឌ្ឍន៏ជាតិ ការផ្តល់ប្រាក់ឧបត្ថមជូនចាស់ៗ ការតំឡើងប្រាក់ខែជូន​កម្មករ-កម្មការិនី និងមន្ត្រីរាជការ ព្រមការព្យាបាលជំងឺជូនប្រជាពលរដ្ឋដោយមិនចាំបាច់​បង់​ប្រាក់ជាដើម ។

ចំណែកនៅឯខេត្តបាត់ដំបងនៅថ្ងៃទី២១ ខែមីនា ឆ្នាំ២០១៣ ក្រុមការងារខេត្ត និងស្រុក បាន និងកំពុងតែចុះលើក និងជួសជុលស្លាករបស់គណបក្ស សង្គ្រោះជាតិផងដែរ ។ ក្នុងនោះបើ​គិតរហូតមកទល់និងថ្ងៃនេះ ស្លាកគណបក្ស សង្គ្រោះជាតិខេត្តបាត់ដំបង លើកនិង​ជួស​ជុល​បាន​ចំនួន១៨៤ស្លាកហើយ និងបន្តលើកជាបន្តបន្ទាប់ទៀត​ ដើម្បីជាការឆ្លើយតបទៅនិងការ​ចង់​បាន​របស់ប្រជា​ពលរដ្ឋ និងក៏ជាទិសដៅថ្មីរបស់គណបក្សផងដែរ ។

រីឯនៅខេត្តបន្ទាយមានជ័យនៅក្នុងសប្តាហ៏នេះ ក្រុមការងារចលនាប្រជាធិបតេយ្យ​សង្គ្រោះ​​ជាតិខេត្ត បានធ្វើការលើក និងជួសជុលស្លាកគណបក្សបានចំនួន៥ស្លាក​ផងដែរ បន្ថែម​លើ​ ស្លាកជាច្រើនទៀត ដែលថ្នាក់ដឹកនាំខេត្តបានលើករួចរាល់នាពេលកន្លងមក ៕