លោក សម រង្ស៊ី ជួបជាមួយលោកស្រី អ៊ុងសានស៊ូជី
ប្រធានគណបក្សសង្គ្រោះជាតិលោកសម រង្ស៊ី
និងប្រធានគណបក្សសម្ព័ន្ធជាតិ ដើម្បីភូមាលោកស្រីអ៊ុង សានស៊ូជី
បានប្តេជ្ញារួមគ្នាតស៊ូដើម្បីប្រជាធិបតេយ្យសម្រាប់ប្រទេសទាំងពីរ ។
លោក សម រង្ស៊ី
ដែលគេមើលឃើញថាជាអ្នកប្រជែងនយោបាយសំខាន់ជាមួយលោក ហ៊ុន សែន
ហើយកំពុងនិរទេសខ្លួននៅបរទេសដោយសារជាប់បណ្តឹង
បានជួបជាមួយលោកស្រីអ៊ុង សានស៊ូជី កាលពីថ្ងៃសៅរ៍
ហើយក្នុងជំនួបនោះមេដឹកនាំគណបក្សប្រឆាំងនៃប្រទេសទាំងពីរ
បានសន្យាសហការជាមួយគ្នា ដើម្បីពង្រឹងប្រជាធិបតេយ្យ
សម្រាប់ប្រទេសទាំងពីរ ។ អ្នកនាំពាក្យគណបក្សសង្គ្រោះជាតិ លោក យឹម
សុវណ្ណ បានប្រាប់ទីភ្នាក់ងារសារព័ត៌មាន AFP ថា លោក
សម រង្ស៊ី បានជួបជាមួយលោកស្រី អ៊ុង សានស៊ូជី
ហើយបានរំលែកបទពិសោធជាមួយគ្នាក្នុងការតស៊ូដើម្បីប្រជាធិបតេយ្យ
និងការទាមទារឲ្យមានការបោះឆ្នោតដោយសេរី និងត្រឹមត្រូវ
សម្រាប់ការបោះឆ្នោតនៅក្នុងប្រទេសទាំងពីរផងដែរ ។
អ្នកនាំពាក្យប្រឆាំងរូបនេះបានឲ្យដឹងទៀតថា
មេដឹកនាំគណបក្សប្រឆាំងនៃប្រទេសទាំងពីរ មានទស្សនៈដូចៗគ្នា
គឺជំរុញឲ្យមានប្រជាធិបតេយ្យពិតៗសម្រាប់ប្រទេសទាំងពីរ
ដែលក្នុងនោះ ឥស្សរជនទាំងពីរ បានលើកឡើងពីបញ្ហារំលោភសិទ្ធិមនុស្ស
និងការកៀបសង្កត់សេរីភាពនៃការបញ្ចេញមតិផងដែរ ។
ជំនួបរវាងគណបក្សប្រឆាំងទាំងពីរនេះ
បានធ្វើឡើងនៅក្នុងសន្និបាត របស់គណបក្សសម្ព័ន្ធជាតិប្រជាធិបតេយ្យ
របស់លោកស្រីអ៊ុង សានស៊ូជី នៅទីក្រុងរ៉ង់ហ្គូន ដែលនៅទីនោះលោកសម
រង្ស៊ី ត្រូវបានស្នើរឲ្យធ្វើជាភ្ញៀវកិត្តិយស
ក្នុងនាមជាប្រធានក្រុមប្រឹក្សាអ្នកប្រជាធិបតេយ្យសេរីអាស៊ី
និងជាប្រធានគណបក្សសង្គ្រោះជាតិ ៕
No comments:
Post a Comment
yes