លោក សម រង្ស៊ី ប្រធានគណបក្ស សង្គ្រោះជាតិឮ
ប្រធានគណបក្សសង្គ្រោះជាតិ ដែលកំពុងរស់នៅក្រៅប្រទេស ទាមទារឲ្យគណៈកម្មាធិការជាតិរៀបចំការបោះឆ្នោត ពន្យារពេលបោះឆ្នោតថ្នាក់ជាតិនៅខែកក្កដានេះ ដើម្បីយកពេលពិនិត្យបញ្ជីឈ្មោះចំនួនអ្នកបោះឆ្នោតឲ្យបានត្រឹមត្រូវជាមុនសិន។
ក្នុងលិខិតចំហរបស់ លោកសម រង្ស៊ី ចេញផ្សាយនៅថ្ងៃនៅថ្ងៃទី០៥ ខែមេសា បានលើកឡើងថា គ.ជ.ប មិនអាចដំណើរការបោះឆ្នោតនៅខែកក្កដា ឆ្នាំ២០១៣នេះបានទេ ប្រសិនបើមិនរៀបចំបញ្ជីឈ្មោះអ្នកបោះឆ្នោត ឲ្យបានត្រឹមត្រូវជាមុននោះ។ លោក សម រង្ស៊ី បានលើកឡើងពីភាពមិនប្រក្រតីតាមរបាយការណ៍របស់អង្គការខុមហ្វ្រែល ដែលរកឃើញអ្នកមានសិទ្ធិបោះឆ្នោតជាង១លាននាក់ អាចបាត់ឈ្មោះ ហើយ គ.ជ.ប បានចុះឈ្មោះលើសចំនួនចំនួនពិតជាក់ស្តែង ៣សែននាក់។
លោក សម រង្ស៊ី លើកឡើងដែរថា ប្រសិនបើ គ.ជ.ប មិនបានពិនិត្យលើចំណុចរកឃើញរបស់ខុមហ្វ្រែលទេនោះ គឺលទ្ធផលនៃការបោះឆ្នោតនៅខែកក្កដា សហគមន៍អន្តរជាតិ នឹងមិនទទួលស្គាល់ទេ។
នៅថ្ងៃទី៥ខែមេសានេះ គ.ជ.ប បានបំភ្លឺលើរបាយការណ៍រកឃើញរបស់ខុមហ្វ្រែល។ គ.ជ.ប រកឃើញថា ខុមហ្វ្រែលយកទិន្នន័យ មិនត្រឹមត្រូវមកសិក្សា៕
No comments:
Post a Comment
yes