ប្រធានសហជីពសេរីកម្មករ នៃព្រះរាជាណាចក្រកម្ពុជា លោក ជា មុនី ជាប្អូនបង្កើត លោក ជា វិជ្ជា មានប្រសាសន៍ថា ពិធីសែនក្រុងពាលីនេះ ធ្វើឡើងនៅលើសួនច្បារ ខាងលិចវិមានឯករាជ្យ ទល់មុខវត្តលង្ការ នៅម៉ោង៧ព្រឹក ថ្ងៃអាទិត្យ ទី២១ ខែមេសា នេះ ដោយមានការចូលរួមពី ដូនជី តាជី ថ្នាក់ដឹកនាំសហជីពសេរីកម្មករ មន្ត្រីសហជីព កម្មករ កម្មការិនី តាមបណ្តារោងចក្រ សហគ្រាសនានាប្រមាណ៥០នាក់។
លោក ជា មុនី ឲ្យដឹងទៀតថា ការតម្លើងរូបសំណាក លោក ជា វិជ្ជា ដែលមានទម្ងន់ជាង ២តោន នឹងធ្វើឡើងនៅថ្ងៃទី៣ ខែឧសភា ខាងមុខនេះ បន្ទាប់ពីសាងសង់រួចជាស្ថាពរ។ ដោយឡែក លោកនៅមិនទាន់អាចកំណត់ពីការចំណាយថវិកា សម្រាប់សាងសង់រូបសំណាក លោក ជា វិជ្ជា នៅឡើយទេ។ តែលោកឲ្យដឹងថា ប្រភពចំណូលនៃថវិកាសម្រាប់សាងសង់នេះ គឺបានមកពីសប្បុរសជនទាំងក្នុង និងក្រៅប្រទេស ហើយសាលារាជធានីភ្នំពេញ បានចូលរួមផ្តល់ទឹកប្រាក់៥០០០ដុល្លារអាមេរិកផងដែរ។
អតីតមេដឹកនាំសហជីពសេរីកម្មករ នៃព្រះរាជាណាចក្រកម្ពុជា លោក ជា វិជ្ជា ត្រូវបានឃាតករបាញ់សម្លាប់កាលពីថ្ងៃទី២២ ខែមករា ឆ្នាំ២០០៤ នៅតូបលក់កាសែតក្បែររបងវត្តលង្ការ ខណៈពេលដែលលោកកំពុងឈរអានកាសែត៕
អតីតមេដឹកនាំសហជីពសេរីកម្មករ នៃព្រះរាជាណាចក្រកម្ពុជា លោក ជា វិជ្ជា ត្រូវបានឃាតករបាញ់សម្លាប់កាលពីថ្ងៃទី២២ ខែមករា ឆ្នាំ២០០៤ នៅតូបលក់កាសែតក្បែររបងវត្តលង្ការ ខណៈពេលដែលលោកកំពុងឈរអានកាសែត៕
No comments:
Post a Comment
yes