គណបក្សសង្រ្គោះជាតិខេត្តកំពង់ចាមប្រជុំប្រចាំខែផ្តោតលើការរៀបចំវេទិកាសាធារណៈ

គណបក្សសង្រ្គោះជាតិខេត្តកំពង់ចាម នៅព្រឹក​ថ្ងៃ​ទី៥ខែឧសភាបានបើកកិច្ចប្រជុំប្រចាំខែ នៅ ទីស្នាក់ការគណបក្ស សង្គ្រោះជាតិខេត្ត ក្រោមវត្តមានលោក គួយ ប៊ុនរឿន និងលោក ម៉ៅ មុន្នីវណ្ណ ដែលមានអ្នកចូលរួមប្រមាណជាង១០០នាក់ ដែលជាថ្នាក់ដឹកនាំខេត្ត និងថ្នាក់ដឹក​នាំ​ស្រុកទូទាំងខេត្តកំពង់ចាម។

គួរជំរាបជូនថា កិច្ចប្រជុំនេះបានផ្តោតធ្ងន់លើផែនការណ៏រៀបចំវេទិកា​សាធារណៈប្រមាណ​៣០​កន្លែង ក្នុងខែឧសភានេះ ក្នុងការផ្តល់ឱកាសអោយប្រជាពលរដ្ឋដែលជាម្ចាស់ឆ្នោតបាន​ជួប​ជា​មួយ​ថ្នាក់ដឹកនាំគណបក្ស សង្រ្គោះជាតិ ថ្នាក់ខេត្ត និងថ្នាក់ជាតិ ដើម្បីពួកគាត់ទទួល​បាន​ការពន្យល់ផ្ទាល់មាត់នូវគោលនយោបាយរបស់គណបក្សសង្គ្រោះជាតិ ៕