ប្រជាពលរដ្ឋខេត្តកំពង់ស្ពឺស្វាគមន៍យ៉ាងកក់ក្តៅចំពោះវត្តមានថ្នាក់ដឹកនាំគណបក្សសង្រ្គោះជាតិ

ប្រជាពលរដ្ឋប្រមាណជាង១០០០នាក់ មកពីស្រុកភ្នំស្រួច ស្រុកសំរោងទង ស្រុកបរសេដ្ឋ និងស្រុកគងពិសី ខេត្តកំពង់ស្ពឺ បានមកស្វាគមន៍ថ្នាក់ដឹកនាំគណបក្សសង្រ្គោះជាតិ ដឹកនាំ​ដោយលោក កឹម សុខា ប្រធានស្តីទីគណបក្ស នៅក្នុងវេទិកាសាធារណ:មួយកាលពីថ្ងៃទី០៥ ខែឧសភានេះ ។

សូមបញ្ជាក់ថា នេះគឺជាវត្តមានរយ:ពេលពីរថ្ងៃជាប់គ្នារបស់ថ្នាក់ដឹកនាំកំពូលរបស់គណបក្ស​សង្គ្រោះជាតិ នៅក្នុងវេទិកាសាធារណ:នៅលើទឹកដីខេត្តកំពង់ស្ពឺ ដែលវត្តមាននេះទទួលបាន​ការ​ស្វាគមន៍ និងគាំទ្រយ៉ាងផុលផុសពីសំណាក់ប្រជាពលរដ្ឋរាប់ពាន់នាក់ ។

វេទិកាសាធារណ:របស់គណបក្ស សង្រ្គោះជាតិ គឺជាវេទិកាផ្តល់ឱកាសឲ្យប្រជាពលរដ្ឋ​ម្ចាស់​ឆ្នោតជួបពិភាក្សាដោយផ្ទាល់ជាមួយថ្នាក់ដឹកនាំកំពូលៗ អំពីគោលនយោបាយរបស់​គណបក្ស​សង្រ្គោះជាតិ ៕