ស្វែងយល់ពីកម្មវិធីនយោបាយសុខមាលភាពសង្គមរបស់គណបក្សសង្គ្រោះជាតិ

គណបក្សប្រជាជនក្តី គណបក្សខឹម វាសនាក្តី ពួកគេរាល់ថ្ងៃគិតថា កម្មវិធីនយោបាយ ផ្តល់​ប្រាក់៤០០០០ រៀលដល់មនុស្សចាស់ ថាជាកម្មវិធីនយោបាយ បោកប្រាស់ មិនបានការ ហើយ​ពួកគេមិនឲ្យតំលៃ គិតតែពីនិយាយចំអកឡកឡើយ ដោយប្រហែលពួកគេគិតថា​កម្មវិធីនយោបាយបែបនេះប្រហែលជាគ្មានប្រទេសណាធ្វើទេ។ 

សូមបងប្អូនគិតពិចារណាឡើងវិញ ព្រោះថាអ្វីដែលគណបក្សសង្រ្គោះជាតិសម្រេច​ដាក់រឿង​នេះ​ ក្នុងកម្មវិធីនយោបាយរបស់ខ្លួន មិនមែនជារឿងថ្មីសម្រាប់ប្រទេស ប្រកាន់យករបប​នយោ​បាយសេរីឬសង្គមនិយមបានធ្វើថ្មីនោះទេ។ វាជាគោលនយោបាយ មួយដែលគេហៅថា «គោលនយោបាយ សុខមាលសង្គម- Social Welfare Policy »។ គោលនយោបាយ​នេះនៅ​ប្រទេសសេរីនិងអភិវឌ្ឍន៍មិនត្រឹមតែជួយមនុស្សចាស់ទេ ពោលគេជួយទាំងមនុស្ស៖ (១) អត់​ការងារធ្វើ, (២) ក្មេងកំព្រា, (៣) ជនពិការ, (៤) មនុស្សមានសតិមិនគ្រប់គ្រាន់ ឬមនុស្សវិក​លច​រិក, (៥) អ្នកមានជំងឺធ្វើការមិនកើត ។ល។ ជនទាំងនេះនឹងទទួលបានប្រាក់ ឧប្បត្ថម្ភតាមរបប​នយោបាយប្រទេសនិមួយៗ ប្រកាន់យក (មូលធន, សង្គមនិយម, និងពាក់កណ្តាលសេរី)។ ​​

ជាក់​ស្តែងនៅប្រទេសស៊ុយអែដ ដោយលើកពីអ្នកចូលនិវត្តន៍។ ជាសង្វេបនិងទូទៅអ្នក​ចូល​និវត្តចំពោះ អ្នកដែល មានការងារធ្វើរហូតមកនឹងមិនខ្វល់ពីប្រាក់ចូលនិវត្តន៍ទេ ព្រោះវានឹង​លើសពី គ្រប់គ្រាន់ សម្រាប់ពួកគេរស់នៅ។

តែចំពោះអ្នកដែលធ្វើការបានតិចតួច អ្នកមានជំងីប្រចាំកាយធ្វើការមិនកើតឬអ្នកអត់ធ្វើការសោះតែ ន្តងជាពិសេសជនភាសខ្លួនដែលមកដល់ប្រទេសនេះជាមនុស្សចាស់ ពួកគេក៏ត្រូវ​បាន​ទទួល ប្រាក់ សង្គមផ្តល់ដោយរដ្ឋាភិបាលអាចរស់នៅបានយ៉ាងសមរម្យផងដែរ។ ពោលគឺ​ថ្លៃមិនតិចជាង៨០០០ ក្រោន (ប្រហែលជា១២០០ដុល្លា)ទេសម្រាប់ម្នាក់ក្នុងមួយខែ ហើយ​ថ្លៃ​ពេទ្យ ឬព្យាបាលផ្សេងៗគឺ មិនគិតថ្លៃទេ។ ពួកគាត់អាចរស់នៅផ្ទះខ្លួនឯងឬនៅផ្ទះមនុស្សចាស់តាមចិត្ត។ 

នៅផ្ទះមនុស្សចាស់មានពេទ្យ មានអ្នកជំនាញផ្នែកមនុស្សចាស់ចាំមើលថែរនៅធ្វើការ២៤ម៉ោង ពេញសម្រាប់មើលការខុសត្រូវនឹងជួយពួកគាត់ដែលជាបន្ទុករបស់រដ្ឋាភិបាលទាំងអស់។ ចំពោះ អ្នកបាត់បង់ការ​ងារ​ហើយ​កំពុងស្វែងរកការងារ ពូកគេត្រូវក៏ទទួលបានប្រាក់ឧប្បត្ថម្ភពីមន្ទីរការងារ​ដែលហៅថា​ប្រាក់ទ្រទ្រង់ បើមិនគ្រប់ត្រូវបានបន្ថែមពីមន្ទីរសង្គមកិច្ច ដែលផ្តល់ជូនឲ្យទាំងថ្លៃ ហូប ចុក ថ្លៃ​ទឹកភ្លើង ថ្លៃផ្ទះ និងថ្លៃចំណាយធ្វើដំណើរស្វែងការងារថែមទៀត។ និងមានផលប្រយោជន៍​ច្រើនទៀតដែលប្រជាជនរបស់គេត្រូវទទួលបានពីគោលនយោបាយសុខមាលភាពសង្គមនេះ។

ជារួមបើគណបក្សសង្គោះជាតិជាប់ឆ្នោត តាមយោបល់ខ្ញុំផ្ទាល់គឺចង់ឲ្យពួកគាត់រហូតដល់ ២០ដុល្លា ឯណោះក្នុងមួយខែ ព្រោះថាចាស់ៗនៅស្រុកយើងនាពេលនេះអាចនិយាយថា​ជាពិ​សេសអ្នក ស្រែ សុទ្ធ តែបានឆ្លងកាត់ជីវិតលំបាក តោកយ៉ាកពេញមួយជីវិត ដូច្នេះយើងជាខ្មែរ ជារដ្ឋាភិបាលគួរខឹត ខំដឹកនាំស្រុក ពង្រឹងតម្លាភាពដឹកនាំ គ្រប់គ្រងសេដ្ឋកិច្ចជាតិ និងជម្រុញវា​ឲ្យមានភាពរឹងមាំដើម្បី ធ្វើឲ្យសេដ្ឋកិច្ចជាតិរីកចំរើននិងអាចជួយពួកគាត់ឲ្យរស់នៅបានធូរចិត្តនិងមានសង្ឃឹមដោយជួយសម្រួលទុក្ខលំបាករបស់ពួកគាត់ បានខ្លះពេលគាត់ចាស់ជរាធ្វើការ​មិនកើត។ អ្នកត្រូវចាំថា ចាស់ៗ ស្រុកយើងច្រើន ណាស់រស់ នៅឯកាគ្មានកូនចៅ ដោយរបប​ប៉ុល​ពតបន្សល់ទុក។ជាកាត្វកិច្ច ដែលត្រូវតែបានមើលថែពួកគាត់ដោយរដ្ឋាភិបាលនិងក្នុងនាមជាជាតិសាសន៍តែមួយ។