ថ្នាក់ដឹកនាំគណបក្សសង្គ្រោះជាតិចុះជួបពលរដ្ឋនៅខេត្តបាត់ដំបងខេត្តសៀមរាបខេត្តកំពង់ស្ពឺនិងខេត្តកំពង់ឆ្នាំងដើម្បីផ្សព្វផ្សាយគោលនយោបាយគណបក្សសង្គ្រោះជាតិ

គណបក្ស សង្គ្រោះជាតិ ដែលមានលោក​ សម រង្ស៊ី ជាប្រធាន និងលោក កឹម សុខា​ ជាអនុប្រ ធាន នាពេលនេះបាននិងកំពុងតែទទួលបានការគាំទ្រយ៉ាងខ្លាំងពីសំណាក់ពលរដ្ឋ ។

ទាំងអស់នេះក៏ដោយសា​រតែគណបក្ស​ សង្គ្រោះជាតិ បានដាក់ចេញនូវគោលនយោបាយល្អៗ ជាច្រើនចំណុច ដែលសុតតែផ្តល់ផលប្រយោជន៏ដល់រាស្រ្ត និងប្រទេសជាតិទាំងអស់ ហេតុ​ដូច្នេះហើយបានជាពលរដ្ឋពួកគាត់ងាកមកគាំទ្រគណបក្ស សង្គ្រោះជាតិយ៉ាងខ្លាំង ដោយពួក​គាត់ប្តេជ្ញាបោះ​ឆ្នោតជូនគណបក្ស សង្គ្រោះជាតិ គ្រប់ៗគ្នានៅថ្ងៃអាទិត្យ ទី២៨ ខែកក្កដា ឆ្នាំ២០១៣នេះ ។

ស្របពេលដែលការគាំទ្ររបស់ពលរដ្ឋកាន់តែច្រើនបែបនេះ ថ្នាក់ដឹកនាំគណបក្ស សង្គ្រោះ ជាតិក៏បានបន្តរចុះជួបជាមួយប្រជាពលរដ្ឋនៅតាមមូលដ្ឋាននានាដោយគ្មានពេលសំរាកផងដែរ ដើម្បីស្វែងរកកាគាំទ្របន្ថែមមកលើគណបក្ស សង្គ្រោះជាតិ ពីពលរដ្ឋឲ្យបានកាន់តែច្រើន ជាអតិបរមា ។

ជាមួយគ្នានោះ នៅរសៀលថ្ងៃទី០៩ ខែឧសភា ឆ្នាំ២០១៣ លោកស្រី មូរ សុខហួរ អគ្គនាយក ទំនាក់ទំទងសាធារណៈ និងជាប្រធានក្រុមការងារគណបក្ស សង្គ្រោះជាតិ ខេត្តបាត់ដំបង  អម​តំណើរដោយសមាជិកក្រុមការងារខេត្ត និងស្រុក បានចុះជួបសំណេះសំណាល ក៏ដូច​ជា​ធ្វើ​ការផ្សព្វផ្សាយគោលនយោបាយរបស់គណបក្ស ដល់ពលរដ្ឋនៅឃុំម៉ោង ស្រុកម៉ោងឬស្ស៊ី ។ 


ជាមួយគ្នានោះលោក សោ ចាន់ដេត ក្រុមការងារគណបក្ស សង្គ្រោះជាតិ ខេត្តបាត់តំបង និង​ស​ហការរី ក៏បានចុះជួបសំណេះសំណាលជាមួយប្រជាពលរដ្ឋនៅតាម​មូលដ្ឋានផងដែរ ពេល​ព្រឹកនៅភូមិព្រៃចែក ឃុំកំពង់ព្រះ ស្រុកសង្កែ ពេលរសៀលនៅ​ភូមិវត្ត​ខ្វែង ឃុំវត្តតាម៉ិម ស្រុក​សង្កែដដែល ហើយនៅថ្ងៃដដែលនោះលោក ពិន រតនា និងលោក ឈុន សារ៉ាវ័ន្ត ក្រុមការ​ងារ​ ខេត្ត ក៏បានចុះទៅពង្រឹងសមត្ថភាពដល់ថ្នាក់ដឹក​នាំស្រុកសំពៅ​លូន  សម្រាប់ការ ផ្សព្វផ្សាយ​គោលនយោបាយគណបក្ស​ដល់ពល​រដ្ឋក្នុងមូលដ្ឋាន ។

រីឯនៅខេត្តសៀមរាប នៅថ្ងៃទី០៩ ខែឧសភា ឆ្នាំ២០១៣ លោកស្រី កែ សុវណ្ណរតន៏ សមាជិក គណៈកម្មាធិការអចិន្ត្រៃ និងជាប្រធានក្រុមការងារគណបក្ស សង្គ្រោះជាតិ ខេត្តសៀមសៀប ១ថ្ងៃពេញបានជួបសំណេះសំណាល ក៏ដូចជាចុះចែកខិតប័ណ្ណដល់ពលរដ្ឋនៅឃុំច័ន្ទស និង​ឃុំពពេល ស្ថិតនៅក្នុងស្រុកសុនិគម ។

ដោយឡែកនៅខេត្តកំពង់ស្ពឺ ក្រុមទី១ ដែលដឹកនាំដោយលោក សុខ អ៊ុំស៊ា លោក ទៀន សៀន និងលោក ប៉ក់ ស៊ីណាវុធ ពេលព្រឹកបានចុះជួបពលរដ្ឋនៅភូមិត្រពាំងទាប ឃុំកក់ ស្រុក​បសេដ្ឋ ពេលរសៀលនៅភូមិជុំស្រុក ឃុំជង្រក់ ស្រុកគងពិសី ។

ក្រុមទី២ ដឹកនាំដោយលោក នុត រំដួល ប្រធានក្រុមការងារគណបក្ស សង្គ្រោះជាតិ ខេត្តកំពង់ ស្ពឺ អមតំណើរដោយលោកស្រី ឌុច នូសេរី ព្រមទាំងក្រុមការងារស្រុកមួយចំនួនទៀត ពេល ព្រឹកជួបសំណេះសំណាលជាមួយប្រជាពលរដ្ឋ នៅភូមិតាំងកាពី ឃុំសម្ព័រទេព ស្រុកសំរោង​ទង ពេលរសៀលនៅភូមិតារោង ឃុំរកាកោះ ស្រុកគងពិសី ។

ក្នុងនោះនៅថ្ងៃដដែលលោក គី វណ្ណដារ៉ា អគ្គនាយកហិរញ្ញវត្ថុ និងជាប្រធានក្រុមការងារគណ បក្ស សង្គ្រោះជាតិ ខេត្តកំពង់ឆ្នាំង អមតំណើរដោយសមាជិកក្រុមការងារខេត្ត និងស្រុក ក៏បាន ជួបសំណេះសំណាល និងផ្សព្វផ្សាយគោលនយោបាយគណបក្ស ដល់ពលរដ្ឋនៅតាម​មួល​ដ្ឋានផងដែរ ដែលកម្មវិធីពេលព្រឹករព្វធ្វើនៅភូមិគ្រែក្តោង ឃុំកំពង់អុស ស្រុកជុលគិរី និង​ពេល​រសៀលលោក គី វណ្ណដារ៉ា និងសហការី បានបន្តតំណើរចុះជួបពលរដ្ឋនៅ​ភូមិឧទុម​ព ឃុំពង្ររ ស្រុករលាប្អៀផងដែរ ៕