អ្នកអង្គម្ចាស់ធម្មិកោ៖ អ្នករាជានិយមទាំងអស់សូមរួមគ្នា ជាមួយគណបក្ស សង្រ្គោះជាតិ

កាលពីរសៀលថ្ងៃទី៩ ខែឧសភា អ្នកអង្គម្ចាស់ ស៊ីសុវត្ថិ ធម្មិកោ អតីតលេខាផ្ទាល់ ព្រះមហាវី រក្សត្រ នរោត្តម សីហនុ រួមជាមួយលោក គង់ គាំ ប្រធានគណបក្ស សម រង្ស៊ី និងលោក កែវ ភីរម្យ ប្រធានគណបក្សសង្រ្គោះជាតិខេត្តក្រចេះ បានចូលរួមវេទិកាសាធារណៈនៅឃុំថ្មី ស្រុកចិត្របុរី ខេត្តក្រចេះ ដែលមានប្រជាពលរដ្ឋប្រមាណជាង៦០០នាក់បានចូលរួម ។

ថ្លែងក្នុងពិធីនេះ អ្នកអង្គម្ចាស់ ស៊ីសុវត្ថិ ធម្មិកោ បានអំពាវនាវឲ្យអ្នករាជានិយមទាំងអស់រួម គ្នា ជាសម្លេងតែមួយជាមួយគណបក្សសង្គ្រោះជាតិ នៅថ្ងៃបោះឆ្នោតខាងមុខ ដើម្បីសង្រ្គោះជាតិ និងដោះស្រាយបញ្ហាជីវភាពប្រជាពលរដ្ឋ។

អ្នកអង្គម្ចាស់ក៏បានបង្ហើបឲ្យដឹងដែរថា ខ្សែរាជវង្សទាំងខាងស៊ីសុវត្ថិទាំងខាងនរោត្តម ភាគ ច្រើនបានសម្រេចព្រះទ័យចូលរួមជាមួយគណបក្សសង្រ្គោះជាតិ គឺក្នុងព្រះទ័យចង់សង្រ្គោះ ជាតិទាំងអស់គ្នា ៕