គណបក្សប្រជាជនកម្ពុជា
បានដាក់កំលាំងយុវជនជំនាន់ថ្មីរបស់ខ្លួន ដែលគេដឹងថា ជាកូនលោក
និងកូនមន្ត្រីជាន់ខ្ពស់ជាថ្នាក់ដឹកនាំគណបក្សប្រជាជនកម្ពុជា សរុប ១៤ រូប
ឲ្យឈរជាបេក្ខជនតំណាងរាស្ត្រ ពេញសិទ្ធិ និងបម្រុង។ បេក្ខជនវ័យក្មេងទាំងនោះ
មានអាយុចាប់ពី ២៨ ឆ្នាំ ដល់ ៣៩ ឆ្នាំ។
ឈ្មោះកូនបង្កើត និងកូនប្រសាររបស់លោក ហ៊ុន សែន
រួមទាំងឈ្មោះកូនមន្ត្រីជាន់ខ្ពស់ នៅក្នុងគណបក្សប្រជាជនកម្ពុជា
ត្រូវដាក់បញ្ចូលនៅក្នុងបញ្ជីបេក្ខជនឈរឈ្មោះបោះឆ្នោតជ្រើសតាំងតំណាងរាស្ត្រ
នីតិកាលទី៥ ឆ្នាំ២០១៣។ បញ្ជីឈ្មោះនោះ បានចុះបញ្ជី នៅគណៈកម្មាធិការជាតិរៀបចំការបោះឆ្នោត
(គ.ជ.ប) កាលពីថ្ងៃទី២៩ ខែមេសា ឆ្នាំ២០១៣។ គ.ជ.ប
បានទទួលស្គាល់ជាផ្លូវការ ក្នុងការចូលរួមបោះឆ្នោត កាលពីថ្ងៃទី២ឧសភា។
យុវជន ដែលជាកូនបង្កើត និងកូនប្រសាររបស់កូនលោក ហ៊ុន
សែន រួមទាំងកូនមន្ត្រីជាន់ខ្ពស់
ដែលបានឈរឈ្មោះបេក្ខជនបោះឆ្នោតជ្រើសតាំងតំណាងរាស្ត្រ នីតិកាលទី៥ រួមមាន៖
១- លោក ហ៊ុន ម៉ានី កូនប្រុសបង្កើតលោក ហ៊ុន សេន
ឈរឈ្មោះជាបេក្ខជនពេញសិទ្ធិ លេខរៀងទី៤ នៅមណ្ឌលខេត្តកំពង់ស្ពឺ
២- លោក ឌី វិជ្ជា កូនប្រសារលោក ហ៊ុន សែន ឈរឈ្មោះជាបេក្ខជនបម្រុង
លេខរៀងទី១ នៅមណ្ឌលខេត្តស្វាយរៀង
៣-លោក ជាម ចន្ទសោភណ្ឌ កូនលោក ជាម យៀប
ឈរឈ្មោះជាបេក្ខជនបម្រុង លេខរៀងទី៨ នៅមណ្ឌលខេត្តបាត់ដំបង
៤- លោក សាយ សំអាល់ កូនលោក សាយ ឈុំ
ឈរឈ្មោះជាបេក្ខជនពេញសិទ្ធិ លេខរៀងទី១០ នៅមណ្ឌលខេត្តកំពង់ចាម
៥- លោក ឌិត ទីណា កូនលោក ឌិត មន្ទីរ
ឈរឈ្មោះជាបេក្ខជនបម្រុង លេខរៀងទី២ នៅមណ្ឌលខេត្តកណ្តាល
៦- លោក គីម រិទ្ធី កូនប្រុសលោកនាយឧត្តមសេនីយ៍ គន់ គីម
ឈរឈ្មោះជាបេក្ខជនបម្រុង លេខរៀងទី៥ នៅមណ្ឌលខេត្តកណ្តាល
៧- លោក ស សុខា កូនលោក ស ខេង ឈរឈ្មោះជាបេក្ខជនពេញសិទ្ធិ
លេខរៀងទី៦ នៅមណ្ឌលខេត្តព្រៃវែង
៨-លោក សុខ សូកាន កូនលោក សុខ អាន
ឈរឈ្មោះជាបេក្ខជនពេញសិទ្ធិ លេខរៀងទី៨ នៅមណ្ឌលខេត្តតាកែវ ជាមួយលោក សុខ អាន
៩-លោក ថេង ច័ន្ទសង្វារ ឈរឈ្មោះជាបេក្ខជនបម្រុង លេខរៀងទី១៥
នៅមណ្ឌលខេត្តកំពង់ចាម
១០-លោកស្រី ដាំ ដារិនី ឈរឈ្មោះជាបេក្ខជនបម្រុង លេខរៀងទី១៦
នៅមណ្ឌលខេត្តកំពង់ចាម
១១-លោក ទុយ ស៊ីផាន់ ឈរឈ្មោះជាបេក្ខជនបម្រុង លេខរៀងទី៦
នៅមណ្ឌលខេត្តកំពង់ស្ពឺ
១២-លោក សួស យ៉ារ៉ា ជាបេក្ខជនពេញសិទ្ធិ ឈរឈ្មោះ
នៅមណ្ឌលខេត្តព្រះវិហារ ដែលមានបេក្ខ
ជនតែម្នាក់គត់
១៣-លោកស្រី បាន ស្រីមុំ ជាបេក្ខជនពេញសិទ្ធិ ឈរឈ្មោះ
នៅមណ្ឌលខេត្តប៉ៃលិន ដែលមានបេក្ខជនតែម្នាក់គត់
១៤-លោក តង់ ធារ៉ា ជាបេក្ខជនបម្រុង នៅមណ្ឌលខេត្តប៉ៃលិន
នៅក្នុងបញ្ជីបេក្ខជនឈរឈ្មោះបោះឆ្នោតជ្រើសតាំងតំណាងរាស្ត្រ
នីតិកាលទី៥ ឆ្នាំ២០១៣ របស់គណបក្សប្រជាជនកម្ពុជា មានបេក្ខជនពេញសិទ្ធិ ចំនួន
១២៣ នាក់ និងបេក្ខជនបម្រុងចំនួន ១៤៥នាក់ សរុបទាំងបេក្ខជនពេញសិទ្ធិ
និងបេក្ខជនបម្រុង មានចំនួន ២៦៨នាក់ និងមានបេក្ខជននារីចំនួន ៤៨នាក់។
ក្នុងនោះ លោក ហ៊ុន សែន បន្តឈរលេខរៀងទី១
នៅខេត្តកណ្តាល។ លោក ជាស៊ីម ឈរនៅលេខរៀងទី១ នៅមណ្ឌលភ្នំពេញ និងលោក ហេង
សំរិន ឈរនៅលេខរៀងទី១ នៅខេត្តកំពង់ចាម។
ចំណែកអតីតអភិបាលខេត្តរាជធានី ដែលត្រូវបានប្តូរចេញ
ហើយត្រូវបានគណបក្សប្រជាជនកម្ពុជា ដាក់ឲ្យឈរឈ្មោះ ជាបេក្ខជនតំណាងរាស្ត្រ
រួមមាន៖
១-លោក អ៊ុង អឿន អតីតអភិបាលខេត្តបន្ទាយមានជ័យ
ឈរឈ្មោះជាបេក្ខជនពេញសិទ្ធិ នៅលេខរៀងទី៤ នៅមណ្ឌល ខេត្តបន្ទាយមានជ័យ
២-លោក ហ៊ុន ណេង អតីតអភិបាលខេត្តកំពង់ចាម
ឈរឈ្មោះជាបេក្ខជនពេញសិទ្ធិ លំដាប់លេខរៀងទី៣ នៅមណ្ឌល ខេត្តកំពង់ចាម
៣-លោក កង ហ៊ាង អតីតអភិបាលខេត្តកំពង់ស្ពឺ
ឈរឈ្មោះជាបេក្ខជនពេញសិទ្ធិ លំដាប់លេខរៀងទី៣ នៅខេត្តកំពង់ស្ពឺ
៤-លោក ឈុន ឈន់ អតីតអភិបាលខេត្តកំពង់ធំ
ឈរឈ្មោះជាបេក្ខជនពេញសិទ្ធិ លំដាប់លេខរៀងទី៥ នៅខេត្តកំពង់ធំ
៥-លោក ឈុន ស៊ីរុន អតីតអភិបាលខេត្តកណ្តាល
ឈរឈ្មោះជាបេក្ខជនពេញសិទ្ធិ លំដាប់លេខរៀងទី៩ នៅមណ្ឌលខេត្តកណ្តាល
៦-លោក កែប ជុតិមា អតីតអភិបាលរាជធានីភ្នំពេញ
ឈរឈ្មោះជាបេក្ខជនពេញសិទ្ធិ លំដាប់លេខរៀងទី៣ ប្រចាំមណ្ឌលរាជធានីភ្នំពេញ
៧-លោក ឡូយ សុផាត អតីតអភិបាលខេត្តស្ទឹងត្រែង
ឈរឈ្មោះជាបេក្ខជនពេញសិទ្ធិ តែម្នាក់គត់ នៅមណ្ឌល ខេត្តស្ទឹងត្រែង
ដែលមានតែមួយអាសនៈ
ក្រៅពីនោះ ក្នុងបញ្ជីបេក្ខជនឈរឈ្មោះបោះឆ្នោត
ជ្រើសតាំងតំណាងរាស្ត្រ នីតិកាលទី៥ ឆ្នាំ២០១៣ របស់គណបក្សប្រជាជនកម្ពុជា
ក៏បានដាក់បញ្ចូលឈ្មោះឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី
និងរដ្ឋលេខាធិការ ក្នុងរាជរដ្ឋាភិបាល អាណត្តិទី៤
ដែលជាកូត្តាគណបក្សប្រជាជនកម្ពុជា ឲ្យឈរឈ្មោះជាបេក្ខជនពេញសិទ្ធិ
និងបេក្ខជនបម្រុងផងដែរ៕
No comments:
Post a Comment
yes