ចរន្តចូលរួមយុទ្ធនាការសង្រ្គោះជាតិរបស់ប្រជាពលរដ្ឋខេត្តកំពង់ស្ពឺបង្ហាញឲ្យឃើញពីជោគជ័យរបស់គណបក្សសង្គ្រោះជាតិ

ប្រជាពលរដ្ឋចូលរួមស្តាប់សារនយោបាយគណបក្សសង្គ្រោះជាតិ

នៅថ្ងៃទី៤ខែមិថុនា គណបក្សសង្រ្គោះជាតិខេត្តកំពង់ស្ពឺបានរៀបចំវេទិកាសាធារណៈពេល ព្រឹកនៅឃុំវាលពន់ ស្រុកថ្ពង និងពេលរសៀលនៅឃុំចាន់សែន ស្រុកឧដុង្គ ដែលមានប្រជា ពលរដ្ឋរាប់ពាន់នាក់ចូលរួម ។

ថ្នាក់ដឹកនាំគណបក្សសង្រ្គោះជាតិដែលចូលរួមក្នុងវេទិកានោះ រួមមានលោក យ៉ែម បុញ្ញាឫទ្ធិ ព្រះអង្គម្ចាស់ស៊ីសុវត្ថិ ធម្មិកោ អតីតលេខាផ្ទាល់ព្រះមហាវីរក្សត្រ លោក គៀត សុគន្ធ លោក ប៉ែន សុវណ្ណ លោក នុដ រំដួល រួមជាមួយថ្នាក់ដឹកនាំមួយចំនួនផ្សេងទៀត។

ការចូលរួមវេទិការគណបក្សសង្រ្គោះជាតិ របស់ប្រជាពលរដ្ឋខ្មែរដ៏ច្រើនលើសលុប ត្រូវបាន​គណបក្សសង្រ្គោះជាតិចាត់ទុកថាជាចរន្តចង់ឲ្យមានការផ្លាស់ប្តូរ និងជាចរន្តចូលរួមយុទ្ធនា​ការ​សង្រ្គោះជាតិ ព្រោះថាវេទិកាសាធារណៈដែលត្រូវបានរៀបចំធ្វើជារៀងរាល់ថ្ងៃនៅតាម​បណ្តាឃុំ ស្រុកទូទាំងប្រទេសកម្ពុជា គឺជាយុទ្ធនាការសង្គ្រោះជាតិដែលទាមទារឲ្យប្រជាពល​រដ្ឋខ្មែរ​គ្រប់ស្រទាប់វណ្ណៈ និងគ្រប់ទិសទី ចូលរួមសង្រ្គោះជាតិនៅថ្ងៃទី២៨ខែកក្កដាខាងមុខ​នេះ៕