លោកកឹមសុខានឹងវិលត្រឡប់ពីសហរដ្ឋអាមេរិកវិញនៅសប្តាហ៍ក្រោយ

លោក កឹម សុខា​អនុប្រធានគណបក្សសង្គ្រោះជាតិ ក្នុងពិធី​​ចុះជួប​សំណេះ

សំណាលជាមួយប្រជាពលរដ្ឋនៅស្រុក​ស្វាយជ្រុំ ខេត្តស្វាយរៀង 

កាលពីថ្ងៃទី២ ខែឧសភា ឆ្នាំ២០១៣

បើទោះបីជាមានចលនាគ្រោងធ្វើបាតុកម្មប្រឆាំងនឹងលោក កឹម សុខា យ៉ាងណាក៏ដោយក្តី ក៏លោក កឹម សុខា អនុប្រធានគណបក្សសង្គ្រោះជាតិ  គ្រោងនឹងវិលត្រឡប់ពីសហរដ្ឋអាមេរិកមកប្រទេស​កម្ពុជាវិញ នៅថ្ងៃទី៤ ខែមិថុនា ខាង​មុខនេះ ។ 

នេះគឺជាការអះអាងរបស់លោក យឹម សុវណ្ណ អ្នកនាំពាក្យគណបក្សសង្រ្គោះជាតិ​នៅថ្ងៃសៅរ៍ចុង​សម្តាហ៏នេះ។

លោក យឹម សុវណ្ណ បានបន្តទៀតថា លោក កឹម សុខា មិនមានការព្រួយបារម្ភចំពោះ​គម្រោង​បាតុ​កម្មរបស់ជនរងគ្រោះគុកទួលស្លែងប្រឆាំងនឹងលោកទេ ពីព្រោះលោកមិនបានធ្វើអ្វី​ខុសឡើយ។