លោក អេង ឆៃអ៊ាង នៅក្នុងពិធីជួបសំណេះសំណាលជាមួយប្រជាពលរដ្ឋ
នៅក្នុងស្រុកកៀនស្វាយ ខេត្តកណ្តាលនាពេលកន្លងមក
លោក អេង ឆៃអ៊ាង បន្តថា ក្នុងពេលមនុស្សប្រមឹកមួយក្រុមដណ្ដើមយកអាយភេត ពីយុវជននោះ ប៉ូលិសឃុំក្រាំងយ៉ូវ នៅការពារកិច្ចជួបជុំរបស់គណបក្សសង្គ្រោះជាតិ ធ្វើមិនដឹងមិនឮ បណ្តោយឲ្យក្រុមអ្នកផឹកនោះដណ្ដើមយកទៅបាត់៖ «ត្រូវពួកអ្នកស្រវឹងមួយក្រុមដែលគេដឹងថាភាគច្រើនជាអ្នកសកម្មជនគណបក្សប្រជាជនហ្នឹង បានចាក់ធុងបាសរំខានពួកយើងខ្ញុំ។ ដល់ពេលរំខានអ៊ីចឹងទៅ ឯកឧត្ដម អ៊ូ ចន្ទរិទ្ធ ហ្នឹងក៏លោកឲ្យអាយភេតហ្នឹងទៅយុវជនម្នាក់ដើម្បីទៅថតទុកជាភស្តុតាង ប៉ុន្តែដល់ពេលទៅថតហ្នឹង ពួកអស់ហ្នឹងបានមកប្រតាយប្រតប់ប្លន់យកអាយភេតទៅបាត់ទៅ។ ហើយអ្វីដែលសំខាន់ហ្នឹងគឺប៉ូលិសធ្វើមិនដឹងមិនឮទៀត»។
មេប៉ុស្តិ៍រដ្ឋបាលឃុំក្រាំងយ៉ូវ លោក មិន ប៊ុនធឿន ថ្លែងថា លោកកំពុងស្រាវជ្រាវរកអាយភេត នោះ។ លោកសង្ឃឹមថា នឹងរកឃើញអាយភេត នោះមកវិញ៖ «អត់អីទេបង ឥឡូវខ្ញុំកំពុងតែសិក្សាស្រាវជ្រាវ ហើយខ្ញុំបានរាយការណ៍ជូនទៅលោកអធិការហើយ និងលោកឯកឧត្ដមស្នងការហើយ ឥឡូវបើបានឃើញហើយ ខ្ញុំនឹងដកហ្នឹង ខ្ញុំធ្វើបញ្ជូនទៅសាលាស្រុកណាបង។ បាទ! នឹងរកឃើញនាពេលបន្តិចទៀតនេះបង ឥឡូវខ្ញុំកំពុងស្រាវជ្រាវណាបង!»។
លោក អេង ឆៃអ៊ាង ថ្លែងថា ស្ទើរគ្រប់សកម្មភាពគណបក្សសង្គ្រោះជាតិ ដែលចុះជួបជាមួយអ្នកគាំទ្រនៅមូលដ្ឋាន តែងតែមានការរំខានពីអ្នកគាំទ្រគណបក្សប្រជាជនកម្ពុជា និងអាជ្ញាធរមូលដ្ឋានដែលជាសមាជិកគណបក្សប្រជាជនកម្ពុជា៕
No comments:
Post a Comment
yes