លោក ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និង ជាប្រធានគណៈ
បញ្ជាការសន្តិសុខអចិន្ត្រៃយ៍សម្រាប់ការបោះឆ្នោត
លោក ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និង ជាប្រធានគណៈបញ្ជាការសន្តិសុខអចិន្ត្រៃយ៍សម្រាប់ការបោះឆ្នោត បានសរសេរលិខិតមួយច្បាប់ ជូន លោក សម រង្ស៊ី ប្រធានគណបក្សសង្គ្រោះជាតិ ដោយប្រាប់ថា បើសិនជាលោក សមរង្ស៊ីចង់ធ្វើបាតុកម្ម គាត់ត្រូវផ្តល់ឈ្មោះនិងអាស័យដ្ឋានអ្នកចូលរួម បើសិនជាគាត់ត្រូវធ្វើបាតុកម្មតវ៉ានឹងលទ្Fផលនៃការបោះឆ្នោត។
ក្នុងលិខិតចុះ ថ្ងៃទី៣១ ខែកក្កដា ឆ្នាំ២០១៣ គឺ លោក ស ខេង ស្នើឲ្យ លោក សម រង្ស៊ី ធ្វើការតវ៉ាបោះឆ្នោតឲ្យស្រប តាមច្បាប់បាតុកម្ម ហើយត្រូវធ្វើនៅទីលាន ប្រជាធិបតេយ្យនៅជិតវត្តភ្នំ។
ក្នុងលិខិត លោកឧបនាយករដ្ឋមន្ត្រី ស ខេង បានលើកឡើងថា ដើម្បីបន្តថែរក្សាសន្តិសុខ សណ្តាប់ធ្នាប់ និងសុវត្ថិភាពសង្គម នៃព្រះរាជាណាចក្រកម្ពុជាយើង ឲ្យស្តិតក្នុងស្ថានភាពល្អប្រសើរ ដែលជាលក្ខខ័ណ្ឌចាំបាច់ សំដៅធានាបាននូវនិរន្តភាព ជីវភាពសង្គម សេចក្តីសុខក្សេមក្សាន្តរបស់ប្រជាពលរដ្ឋ និងដំណើរការវិវត្តន៍រីកចំរើនរបស់ប្រទេសជាតិ ជៀសវាងបាននូវការប្រទូស្តរ៉ាយ ឬអសន្តិសុខណាមួយជាយថាហេតុ នាំឲ្យមានហានិភ័យដល់ប្រទេសជាតិយើង គណៈបញ្ជាការសន្តិសុខអចិន្ត្រៃយ៍ សូមសំណូមពរឯកឧត្តម ដូចតទៅ៖
១-យើងខ្ញុំទទួលស្គាល់ថា ការទាមទារតវ៉ានានា ទាក់ទងនឹងដំណើរការនៃការរៀបចំការបោះឆ្នោត គឺជាសិទ្ធិរបស់គណបក្សនយោបាយ ប៉ុន្តែស្នើសុំឯកឧត្តម ចាត់ចែងឲ្យបានស្របទៅតាមច្បាប់ជាធរមាន ពិសេសច្បាប់ស្តីពីការធ្វើបាតុកម្មដោយសន្តិវិធី។ ក្នុងករណីដែលមានការចាំបាច់បំផុតនោះ ការប្រមូលផ្តុំប្រជាពលរដ្ឋ គួរត្រូវបានរៀបចំឡើងនៅទីលានប្រជាធិបតេយ្យ។
២-ស្នើឯកឧត្តម ចាត់តាំងមន្ត្រីបង្គោល ដែលទទួលការងារសន្តិសុខ សណ្តាប់ធ្នាប់ ផ្ញើឈ្មោះ និងអាស័យដ្ឋានទាក់ទង មកគណៈបញ្ជាការសន្តិសុខអចិន្ត្រៃយ៍សម្រាប់ការបោះឆ្នោត សំដៅងាយស្រួលក្នុងការទំនាក់ទំនងសហការគ្នាបានល្អ ដើម្បីការពារសន្តិសុខ សណ្តាប់ធ្នាប់ និងសុវត្ថិភាពពេលមានការជួបជុំ ឬប្រមូលផ្តុំប្រជាពលរដ្ឋ។
ក្នុងលិខិត លោក ស ខេង បានគូសបញ្ជាក់ថា "យើងខ្ញុំ សូមសម្តែងនូវក្តីសង្ឃឹមយ៉ាងមុតមាំថា ឯកឧត្តមប្រធាន នឹងយោគយល់ ព្រមទាំងបង្កលក្ខណៈសហការល្អ ដើម្បីឲ្យគណៈបញ្ជាការសន្តិសុខអចិន្ត្រៃយ៍ សម្រាប់ការបោះឆ្នោត បំពេញបេសកកម្មជាប្រវត្តិសាស្ត្រ របស់ជាតិ បានប្រកបទៅដោយជោគជ័យ ដើម្បីជាឧត្តមប្រយោជន៍ និងសេចក្តីថ្លៃថ្នូរបស់ជាតិយើង"។
ក្នុងលិខិតដដែល លោក ស ខេង បានលើកឡើងថា គិតមកដល់ពេលនេះ ការរៀបចំដំណើរការបោះឆ្នោតជ្រើសតាំងតំណាងរាស្ត្រ នីតិកាលទី៥ នៃរដ្ឋសភា ទោះបីជាការរារាំងរំខានដល់ការប្រព្រឹត្តចប់ចុងចប់ដើម ប្រកបដោយបរិយាកាសសន្តិសុខ និងសណ្តាប់ធ្នាប់ល្អប្រសើរ ពុំមានឧបសគ្គអ្វីកើតឡើងធំដុំ ធ្វើឲ្យជះឥទ្ធិពលមិនល្អដល់ការបោះឆ្នោតឡើង រាប់តាំងពីមុនពេលបើកយុទ្ធនាការឃោសនាបោះឆ្នោត ក្នុងពេលឃោសនាបោះឆ្នោត ថ្ងៃស្ងាត់ស្ងៀម និងថ្ងៃបោះឆ្នោតទី២៨ ខែកក្កដា ឆ្នាំ២០១៣ផង។
លិខិតបន្តថា ការកត់សម្គាល់គួរជាទីមោទនភាពរបស់ជាតិនោះ គឺគ្រប់កម្មវិធីទាំងអស់រាប់ទាំងការជួបប្រជុំសមាជិកគណបក្សនយោបាយ ឬការដង្ហែក្បូនឃោសនាតូចធំ ត្រូវបានប្រព្រឹត្តទៅតាមកម្មវិធីគោងទុក ប្រកបដោយសុវត្ថិភាព គ្មានអំពើឃាដកម្មនយោបាយ និងហិង្សានយោបាយ ដែលនាំឲ្យបាត់បង់អាយុជីវិតមនុស្ស គ្រោះថ្នាក់និងមហន្តរាយនានាដល់សង្គមជាតិ លើកលែងតែមានប៉ះទង្គិចតិចតួចក្នុងពេលក្បូនដង្ហែការឃោសនាជួបគ្នាប៉ុណ្ណោះ ប៉ុន្តែករណីទាំងនោះក៏ត្រូវបានអាជ្ញាធរមានសមត្ថកិច្ចនិងភ្នាក់ងារសន្តិសុខបោះឆ្នោតធ្វើការសម្របសម្រួលបានទាន់ពេលវេលា។
លោក ស ខេង ក៏បានលើកឡើងថា ទោះបីលទ្ធផលនៃការបោះឆ្នោតត្រូវបានគណៈកម្មាធិការជាតិរៀបចំការបោះឆ្នោតប្រកាសជាបឋមក្តី ក៏សហគមន៍អន្តរជាតិមួយចំនួន រួមមាន សហរដ្ឋអាមេរិក សហភាពអឺរ៉ុប ចិន កូរ៉េ ថៃ ហុងគ្រី បង់ក្លាដេស អង្គការសន្និសីទអន្តរជាតិនៃគណបក្សនយោបាយអាស៊ី អង្គការចលនាប្រជាធិបតេយ្យនិយមកណ្តាលអន្តរជាតិអាស៊ីប៉ាស៊ីហ្វិក ដែលហៅកាត់ថា ICAPP CAPDI បានធ្វើសេចក្តីថ្លែងការណ៍បញ្ជាក់ថា ការបោះឆ្នោតបានដំណើរការទៅដោយសេរី យុត្តិធម៌ និងសន្តិសុខល្អ។
មិនទាន់មានការឆ្លើយតបបែបណាពីលោកសមរង្ស៊ី ចំពោះលិខិតរបស់លោកឧបនាយករដ្ឋមន្ត្រី ស ខេង នៅឡើយទេ។
លិខិតរបស់លោកសខេង ខាងលើនេះ បានធ្វើឡើងតែ ៣ ថ្ងៃប៉ុណ្ណោះ ក្រោយថ្ងៃបោះឆ្នោត កាលពីថ្ងៃទី២៨កក្កដា ឆ្នាំ២០១៣។ ជាការបោះឆ្នោត ដែលលោកសមរង្ស៊ី បានប្រកាសមិនទទួលស្គាល់លទ្ធផលបោះឆ្នោត ហើយថា គណបក្សសង្គ្រោះជាតិរបស់លោក នឹងដឹកនាំមហាជនធ្វើបាតុកម្មតវ៉ានៅពេញផ្ទៃប្រទេស។ លោកសមរង្ស៊ី និងលោក កឹមសុខា ក៏បានប្រកាសថា គណបក្សសង្គ្រោះជាតិរបស់លោក ជាអ្នកឈ្នះការបោះឆ្នោតនោះ៕
១-យើងខ្ញុំទទួលស្គាល់ថា ការទាមទារតវ៉ានានា ទាក់ទងនឹងដំណើរការនៃការរៀបចំការបោះឆ្នោត គឺជាសិទ្ធិរបស់គណបក្សនយោបាយ ប៉ុន្តែស្នើសុំឯកឧត្តម ចាត់ចែងឲ្យបានស្របទៅតាមច្បាប់ជាធរមាន ពិសេសច្បាប់ស្តីពីការធ្វើបាតុកម្មដោយសន្តិវិធី។ ក្នុងករណីដែលមានការចាំបាច់បំផុតនោះ ការប្រមូលផ្តុំប្រជាពលរដ្ឋ គួរត្រូវបានរៀបចំឡើងនៅទីលានប្រជាធិបតេយ្យ។
២-ស្នើឯកឧត្តម ចាត់តាំងមន្ត្រីបង្គោល ដែលទទួលការងារសន្តិសុខ សណ្តាប់ធ្នាប់ ផ្ញើឈ្មោះ និងអាស័យដ្ឋានទាក់ទង មកគណៈបញ្ជាការសន្តិសុខអចិន្ត្រៃយ៍សម្រាប់ការបោះឆ្នោត សំដៅងាយស្រួលក្នុងការទំនាក់ទំនងសហការគ្នាបានល្អ ដើម្បីការពារសន្តិសុខ សណ្តាប់ធ្នាប់ និងសុវត្ថិភាពពេលមានការជួបជុំ ឬប្រមូលផ្តុំប្រជាពលរដ្ឋ។
ក្នុងលិខិត លោក ស ខេង បានគូសបញ្ជាក់ថា "យើងខ្ញុំ សូមសម្តែងនូវក្តីសង្ឃឹមយ៉ាងមុតមាំថា ឯកឧត្តមប្រធាន នឹងយោគយល់ ព្រមទាំងបង្កលក្ខណៈសហការល្អ ដើម្បីឲ្យគណៈបញ្ជាការសន្តិសុខអចិន្ត្រៃយ៍ សម្រាប់ការបោះឆ្នោត បំពេញបេសកកម្មជាប្រវត្តិសាស្ត្រ របស់ជាតិ បានប្រកបទៅដោយជោគជ័យ ដើម្បីជាឧត្តមប្រយោជន៍ និងសេចក្តីថ្លៃថ្នូរបស់ជាតិយើង"។
ក្នុងលិខិតដដែល លោក ស ខេង បានលើកឡើងថា គិតមកដល់ពេលនេះ ការរៀបចំដំណើរការបោះឆ្នោតជ្រើសតាំងតំណាងរាស្ត្រ នីតិកាលទី៥ នៃរដ្ឋសភា ទោះបីជាការរារាំងរំខានដល់ការប្រព្រឹត្តចប់ចុងចប់ដើម ប្រកបដោយបរិយាកាសសន្តិសុខ និងសណ្តាប់ធ្នាប់ល្អប្រសើរ ពុំមានឧបសគ្គអ្វីកើតឡើងធំដុំ ធ្វើឲ្យជះឥទ្ធិពលមិនល្អដល់ការបោះឆ្នោតឡើង រាប់តាំងពីមុនពេលបើកយុទ្ធនាការឃោសនាបោះឆ្នោត ក្នុងពេលឃោសនាបោះឆ្នោត ថ្ងៃស្ងាត់ស្ងៀម និងថ្ងៃបោះឆ្នោតទី២៨ ខែកក្កដា ឆ្នាំ២០១៣ផង។
លិខិតបន្តថា ការកត់សម្គាល់គួរជាទីមោទនភាពរបស់ជាតិនោះ គឺគ្រប់កម្មវិធីទាំងអស់រាប់ទាំងការជួបប្រជុំសមាជិកគណបក្សនយោបាយ ឬការដង្ហែក្បូនឃោសនាតូចធំ ត្រូវបានប្រព្រឹត្តទៅតាមកម្មវិធីគោងទុក ប្រកបដោយសុវត្ថិភាព គ្មានអំពើឃាដកម្មនយោបាយ និងហិង្សានយោបាយ ដែលនាំឲ្យបាត់បង់អាយុជីវិតមនុស្ស គ្រោះថ្នាក់និងមហន្តរាយនានាដល់សង្គមជាតិ លើកលែងតែមានប៉ះទង្គិចតិចតួចក្នុងពេលក្បូនដង្ហែការឃោសនាជួបគ្នាប៉ុណ្ណោះ ប៉ុន្តែករណីទាំងនោះក៏ត្រូវបានអាជ្ញាធរមានសមត្ថកិច្ចនិងភ្នាក់ងារសន្តិសុខបោះឆ្នោតធ្វើការសម្របសម្រួលបានទាន់ពេលវេលា។
លោក ស ខេង ក៏បានលើកឡើងថា ទោះបីលទ្ធផលនៃការបោះឆ្នោតត្រូវបានគណៈកម្មាធិការជាតិរៀបចំការបោះឆ្នោតប្រកាសជាបឋមក្តី ក៏សហគមន៍អន្តរជាតិមួយចំនួន រួមមាន សហរដ្ឋអាមេរិក សហភាពអឺរ៉ុប ចិន កូរ៉េ ថៃ ហុងគ្រី បង់ក្លាដេស អង្គការសន្និសីទអន្តរជាតិនៃគណបក្សនយោបាយអាស៊ី អង្គការចលនាប្រជាធិបតេយ្យនិយមកណ្តាលអន្តរជាតិអាស៊ីប៉ាស៊ីហ្វិក ដែលហៅកាត់ថា ICAPP CAPDI បានធ្វើសេចក្តីថ្លែងការណ៍បញ្ជាក់ថា ការបោះឆ្នោតបានដំណើរការទៅដោយសេរី យុត្តិធម៌ និងសន្តិសុខល្អ។
មិនទាន់មានការឆ្លើយតបបែបណាពីលោកសមរង្ស៊ី ចំពោះលិខិតរបស់លោកឧបនាយករដ្ឋមន្ត្រី ស ខេង នៅឡើយទេ។
លិខិតរបស់លោកសខេង ខាងលើនេះ បានធ្វើឡើងតែ ៣ ថ្ងៃប៉ុណ្ណោះ ក្រោយថ្ងៃបោះឆ្នោត កាលពីថ្ងៃទី២៨កក្កដា ឆ្នាំ២០១៣។ ជាការបោះឆ្នោត ដែលលោកសមរង្ស៊ី បានប្រកាសមិនទទួលស្គាល់លទ្ធផលបោះឆ្នោត ហើយថា គណបក្សសង្គ្រោះជាតិរបស់លោក នឹងដឹកនាំមហាជនធ្វើបាតុកម្មតវ៉ានៅពេញផ្ទៃប្រទេស។ លោកសមរង្ស៊ី និងលោក កឹមសុខា ក៏បានប្រកាសថា គណបក្សសង្គ្រោះជាតិរបស់លោក ជាអ្នកឈ្នះការបោះឆ្នោតនោះ៕
No comments:
Post a Comment
yes