សម្ដេចអគ្គមហាសេនាបតីតេជោ បណ្ឌិតសភាចារ្យ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា អតីតនាយឧត្ដមសេនីយ៍ផ្កាយមាស៤ ត្រូវបានដំឡើងឋានន្ដរស័ក្ដិថ្នាក់នាយឧត្ដមសេនីយ៍៎ផុតលេខផ្កាយមាស៥នៃកងយោធពលខេមរភូមិន្ទ ដោយព្រះរាជក្រឹត្យលេខនស/រកត/១២០៩/១១៨៩ ចុះថ្ងៃទី២១ ខែធ្នូ ឆ្នាំ២០០៩ ។ មានន័យថា ផ្កាយចំនួន៥បានរះនៅលើស្មាម្ខាងរបស់“សម្ដេចតេជោសែន” ។
លោក ហ៊ុន ម៉ាណែត នាយទាហានជាន់ខ្ពស់នៃកងយោពលខេមរភូមិន្ទ អត្ដលេខ០៣៣៨៨៣ និងត្រូវជាកូនប្រុសច្បងរបស់“សម្ដេចតេជោសែន” ត្រូវបានដំឡើងឋានន្ដរស័ក្ដិថ្នាក់ឧត្ដមសេនីយ៍ឯក“ផ្កាយ៣” ដោយព្រះរាជក្រឹត្យលេខនស/រកត/០៦១៣/៦៧១ ចុះថ្ងៃទី១៩ ខែមិថុនា ឆ្នាំ២០១៣ ។ មានន័យថា ផ្កាយចំនួន៣បានរះនៅលើស្មាម្ខាងរបស់លោកឧត្ដមសេនីយ៍យោធា ហ៊ុន ម៉ាណែត ។
លោក ហ៊ុន ម៉ានិត នាយទាហានជាន់ខ្ពស់នៃកងយោធពលខេមរភូមិន្ទ អត្ដលេខ០៧៥៥៥៥ និងត្រូវជាកូនប្រុសទី២“ជាកូនទី៣”របស់“សម្ដេចតេជោសែន” ត្រូវបានដំឡើងឋានន្ដរស័ក្ដិថ្នាក់ឧត្ដមសេនីយ៍ត្រី “ផ្កាយ១” ដោយព្រះរាជក្រឹត្យលេខនស/រកត/០៦១៣/៦៤៩ ចុះថ្ងៃទី១២ ខែមិថុនា ឆ្នាំ២០១៣ ។ មានន័យថា ផ្កាយចំនួន១បានរះនៅលើស្មាម្ខាងរបស់លោកឧត្ដមសេនីយ៍យោធា ហ៊ុន ម៉ានិត “សូមចូលអានគេហទំព័រសារព័ត៌មានដើមត្នោតចុះផ្សាយនៅថ្ងៃទី២០ខែកក្កដានិងថ្ងៃទី២៦ខែកក្កដាឆ្នាំ២០១៣បន្ថែម” ។
រីឯលោក ឌី វិជ្ជា នាយនគរបាលជាតិជាន់ខ្ពស់នៃក្រសួងក្រសួងមហាផ្ទៃទទួលបន្ទុកផ្នែកចារកម្មព្រំដែន អត្ដលេខ០១២៧៨ ត្រូវជាកូនប្រុសសពឯកឧត្ដមនាយឧត្ដមសេនីយ៍ ហុក ឡងឌី អតីតអគ្គស្នងការនគរបាលជាតិ និងលោកជំទាវ ម៉ែន ភក្ដី ហុក ឡងឌី និងត្រូវជាស្វាមីលោកស្រី ហ៊ុន ម៉ាណា អគ្គនាយិកាស្ថានីយ៍ទូរទស្សន៍-វិទ្យុបាយ័ន ថៅកែក្រុមហ៊ុនកម្ពុជាថ្មីប្រចាំថ្ងៃ“កាសែតកម្ពុជាថ្មី” និងក្រុមហ៊ុនជាច្រើនទៀត ជាកូនស្រីច្បង“កូនទី២”របស់“សម្ដេចតេជោសែន” ព្រមទាំងត្រូវជាកូនប្រសារបស់“សម្ដេចតេជោសែន” ត្រូវបានដំឡើងឋានន្ដរស័ក្ដិថ្នាក់ឧត្ដមសេនីយ៍ទោ“ផ្កាយ២”ដោយព្រះរាជក្រឹត្យលេខនស/រកត/០៧១១/៦៤០ ចុះថ្ងៃទី០៤ ខែកក្កដា ឆ្នាំ២០១១ ។ មានន័យថា ផ្កាយចំនួន២បានរះនៅលើស្មាម្ខាងរបស់លោកឧត្ដមសេនីយ៍ ប៉ូលិស ឌី វិជ្ជា ។
លោកឧត្ដមសេនីយ៍ទោ ឌី វិជ្ជា ក្រៅពីមានមុខងារជានាយនគរបាលជាតិជាន់ខ្ពស់ក្រសួងមហាផ្ទៃ ទទួលបន្ទុកផ្នែកចារកម្មព្រំដែន ក៏ត្រូវបានតែងតាំងផងដែរជាមេបញ្ជាការរងទទួលបន្ទុកកិច្ចការរួមកងហោះដឹកជញ្ជូនប្រតិភូជាន់ខ្ពស់បន្ថែមលើមុខងារបច្ចុប្បន្ន ដោយសេចក្ដីសម្រេចរបស់រាជរដ្ឋាភិបាលលេខ១២សសរ ចុះថ្ងៃទី២១ ខែកុម្ភៈ ឆ្នាំ២០១២ ។ ក្រៅពីនេះលោកឧត្ដមសេនីយ៍ទោប៉ូលិស ឌី វិជ្ជា ក៏មានតួនាទីជាអ្នកគ្រប់គ្រងក្រុមហ៊ុនជំនួញឯកជនជាច្រើនទៀតរាប់មិនអស់ ។
សរុបសេចក្ដីមក “សម្ដេចតេជោសែន”មានកូនប្រុសជានាយទាហានជាន់ខ្ពស់នៃកងយោពលខេមរភូមិន្ទ ចំនួន២នាក់ និងមានកូនប្រសាជានាយនគរបាលជាតិជាន់ខ្ពស់ក្រសួងមហាផ្ទៃចំនួន១នាក់ ដែលមានឋានន្ដរស័ក្ដិថ្នាក់ឧត្ដមសេនីយ៍ ដោយមិនទាន់រាប់ទៅដល់សែស្រឡាយបងប្អូន កូនក្មួយឯទៀតៗផង ។ ពោលគឺ មានផ្កាយចំនួន១១បានរះនៅលើស្មាម្ខាង“ឬផ្កាយសរុបចំនួន២២នៅលើស្មាទាំងសងខាង”របស់ “សម្ដេច តេជោសែន” និងកូនបង្កើត-កូនប្រសាបុរសខ្លាំងនៃកម្ពុជានាពេលបច្ចុប្បន្ន ហើយនឹងអាចមានច្រើនជាងហ្នឹងទៀតនៅពេលអនាគតខាងមុខឆាប់ៗ ៕
No comments:
Post a Comment
yes