ការដឹកនាំមិនត្រឹមត្រូវតាមរបៀបផ្តាច់ការ មិនគោរពសិទ្ធិមនុស្សផ្ទុយពីកិច្ចព្រមព្រៀងសន្តិភាពក្រុងប៉ារីស និងដើរខុសគន្លងនៃលទ្ធិប្រជាធិបតេយ្យបានធ្វើឲ្យប្រជារាស្ត្រខ្មែរទូទៅរងទុក្ខវេទនាការជិះជាន់សង្កត់សង្កិនការកាប់សម្លាប់ វាយធ្វើបាបគួរឲ្យអាណោចអាធ័មបំផុត ហើយប្រជាពលរដ្ឋខ្មែរជាច្រើន បានធ្វើពលិកម្មធំធេងដើម្បីបុព្វហេតុនៃលទ្ធិប្រជាធិបតេយ្យ និងបុព្វហេតុសង្គ្រោះប្រទេសជាតិឲ្យរួចផុតពី គ្រោះមហន្តរាយ។ សម្រាប់ទិវាជ័យជំនះជាប្រវត្តិសាស្ត្រនៅពេលនេះ លោកប្រធាន សម រង្ស៊ី នៅតែចងចាំជានិច្ចនូវពលិកម្មដ៏ធំធេងរបស់បងប្អូនជនរួមឈាមខ្មែរ បើទោះបីជាបងប្អូនបានស្លាប់បាត់បង់អាយុជីវិតទៅហើយក៏ ដោយ ក៏វិញ្ញាណក្ខន្ធរបស់បងប្អូនជាវីរបុរសស្នេហាជាតិ នៅតែសណ្ឋិតជាមួយយើងទាំងអស់គ្នា និងជួយឲ្យយើងទទួលបានជ័យជំនះយ៉ាងភ្លូកទឹកភ្លូកដី ហើយជា មួយការប្តេជ្ញាចិត្តដ៏មោះមុតលោក ប្រធាន សម រង្ស៊ី បានបញ្ជាក់ថា ពន្លឺយុត្តិធម៌នឹងកើតមានក្នុងពេលដ៏ឆាប់ខាងមុខនេះ សម្រាប់ពលរដ្ឋខ្មែរក្រីក្ររងគ្រោះ។
ក្នុងទឹកមុខស្រងូតស្រងាត់រលីងរលោងទឹកភ្នែក លោកប្រធាន សម រង្ស៊ី បានរៀបចំពិធីតាមបែបសាសនាមួយ បង្សុកូលជូនដល់វិញ្ញាណក្ខន្ធនៃជនរងគ្រោះដោយសារការវាយប្រហារដោយគ្រាប់បែកដៃយ៉ាងសាហាវឃោរឃៅដែលមកដល់ពេលនេះជនរងគ្រោះដែលស្លាប់បាត់បង់ជីវិតនិងរងគ្រោះមិនទាន់ទទួលបានយុត្តិធម៌នៅឡើយទេ។ លោក ប្រធាន សម រង្ស៊ី បានរៀបចំពិធីបង្សុកូលឧទ្ទិសកុសលជូនវិញ្ញាណ ក្ខន្ធជនរងគ្រោះនៅមុខស្តូបអ្នកស្នេហាជាតិនៅខាងត្បូងព្រះបរមរាជវាំង កាលពីល្ងាចថ្ងៃទី៣០ ខែកក្កដា នេះមានតម្លៃខ្លាំងណាស់ក្រៅពីរំលឹកនូវគុណបំណាច់ដ៏ធំធេងរបស់វីរជនស្នេហាជាតិដែលបានលះបង់អាយុជីវិតក្នុងបុព្វហេតុការពារយុត្តិធម៌ និងសិទ្ធិសេរីភាព ក៏ចង់បញ្ជាក់ពីភាពអង់អាចក្លាហានរបស់ប្រជារាស្ត្រខ្មែរដែលមិនចាញ់ការសម្លុត ការគំ រាមកំហែង ឬការសម្លាប់នោះទេ។
លោកប្រធាន សម រង្ស៊ី បានមានប្រសាសន៍ថា ”យើងសូមគោរពចំពោះដួងវិញ្ញាណក្ខន្ធរបស់វីរបាតុករដែលបានលះបង់អាយុជីវិតកាលពីថ្ងៃទី៣០ ខែមីនា ឆ្នាំ ១៩៩៧ ហើយវត្តមានយើងនៅថ្ងៃនេះបង្ហាញសាជាថ្មីម្តងទៀត ថាយើងមិនភ្លេចអ្នកស្នេហាជាតិដែលបានបូជាជីវិតសម្រាប់ជាតិមាតុភូមិ សម្រាប់លទ្ធិប្រជាធិបតេយ្យនិងសម្រាប់សិទ្ធិសេរីភាព យុត្តិធម៌របស់ជនរួមឈាមខ្មែរទាំងអស់។អ្វីៗដែលយើងធ្វើកំពុងតែធ្វើ និងត្រូវបន្តធ្វើតទៅថ្ងៃមុខទៀត គឺដើម្បីបញ្ចប់ទម្លាប់អាក្រក់ ដែលអ្នកមានអំណាចប្រើអំណាចផ្តាច់ការរបស់ខ្លួនធ្វើបាបប្រជារាស្ត្រស្លូតត្រង់ ប្រជារាស្ត្រទន់ខ្សោយ រហូតដល់សម្លាប់ខ្មែរគ្នាឯងជាអំពើអយុត្តិធម៌បំផុតនៅលើលោក”។
លោកប្រធាន សម រង្ស៊ី បានមានប្រសាសន៍ថា ”យើងសូមគោរពចំពោះដួងវិញ្ញាណក្ខន្ធរបស់វីរបាតុករដែលបានលះបង់អាយុជីវិតកាលពីថ្ងៃទី៣០ ខែមីនា ឆ្នាំ ១៩៩៧ ហើយវត្តមានយើងនៅថ្ងៃនេះបង្ហាញសាជាថ្មីម្តងទៀត ថាយើងមិនភ្លេចអ្នកស្នេហាជាតិដែលបានបូជាជីវិតសម្រាប់ជាតិមាតុភូមិ សម្រាប់លទ្ធិប្រជាធិបតេយ្យនិងសម្រាប់សិទ្ធិសេរីភាព យុត្តិធម៌របស់ជនរួមឈាមខ្មែរទាំងអស់។អ្វីៗដែលយើងធ្វើកំពុងតែធ្វើ និងត្រូវបន្តធ្វើតទៅថ្ងៃមុខទៀត គឺដើម្បីបញ្ចប់ទម្លាប់អាក្រក់ ដែលអ្នកមានអំណាចប្រើអំណាចផ្តាច់ការរបស់ខ្លួនធ្វើបាបប្រជារាស្ត្រស្លូតត្រង់ ប្រជារាស្ត្រទន់ខ្សោយ រហូតដល់សម្លាប់ខ្មែរគ្នាឯងជាអំពើអយុត្តិធម៌បំផុតនៅលើលោក”។
លោកប្រធាន សម រង្ស៊ី បានបញ្ជាក់ទៀតថា ”ការគប់គ្រាប់បែកទៅលើក្រុមបាតុករអហិង្សា កាលពីថ្ងៃទី៣០ ខែមីនា ឆ្នាំ១៩៩៧ នោះគឺជាអំពើសាហាវឃោរឃៅបំផុតយើងមិនអាចបំភ្លេចបានទេ ហើយជារៀងរាល់ឆ្នាំស មាជិកគណបក្សជាតិខ្មែរ បន្តមកទៀតគណបក្ស សម រង្ស៊ី និងគណបក្សសង្គ្រោះជាតិ គឺយើងតែងតែមកជួបជុំគ្នានៅទីនេះដើម្បីប្រារព្ធពិធីបង្សុកូលឧទ្ទិសបុណ្យកុសលដល់ដួងវិញ្ញាណក្ខន្ធ ហើយដើម្បីឲ្យបងប្អូនយើងនៅទូទាំងប្រទេសទូទាំងពិភពលោកនៅទីណាមានជនជាតិខ្មែរត្រូវតែ នឹកគុណដល់អ្នកស្នេហាជាតិដែល បានបូជាជីវិតសម្រាប់យើងទាំងអស់គ្នា សម្រាប់កូនចៅយើង”។ ក្នុងពិធីបង្សុកូលឧទ្ទិសដល់វិញ្ញាណ ក្ខន្ធវីរបាតុករដែលបានស្លាប់បាត់បង់ជីវិតយ៉ាងអយុត្តិធម៌គេសង្កេត ឃើញមនុស្សរាប់ម៉ឺននាក់បានចូលរួមហើយសម្តែងនូវភាពក្តុ្កកក្តួលរលីងរលោងទឹកភ្នែក សូម្បី តែលោកប្រធាន សម រង្ស៊ី ដែលបានថ្លែងទៅកាន់អង្គពិធីបានអួលណែនដើម.ក និយាយអ្វីសឹងមិនចេញដោយសារស្រណោះអាឡោះ អាល័យនិងសោកស្តាយចំពោះការកាប់សម្លាប់ខ្មែរគ្នាឯង ក្នុងបុព្វហេតុតោងអំណាចដែលត្រង់ចំណុចនេះ ប្រវត្តិសាស្ត្រនឹងចាត់ទុកនូវអំពើសាហាវឃោរឃៅឲ្យកូនខ្មែរជំនាន់ក្រោយបានដឹងបានឃើញគ្រប់ៗគ្នា។
លោកប្រធាន សម រង្ស៊ី បានបន្តទៀតថា ”ទោះជាខ្ញុំ សម រង្ស៊ីបានចាកឆ្ងាយពីមាតុភូមិអស់រយៈ ពេលជិត៤ឆ្នាំក៏ដោយ ប៉ុន្តែគ្មានថ្ងៃណាមួយ គ្មានវិនាទីណាមួយដែលខ្ញុំភ្លេចទឹកដីកំណើតរបស់ខ្ញុំ គ្មានពេលវេលាណាមួយដែលខ្ញុំភ្លេចជនជាតិខ្មែរសាច់ឈាមរបស់បងប្អូនជនរួមជាតិទាំងអស់ ហើយក៏គ្មានថ្ងៃណាមួយដែលខ្ញុំភ្លេចអ្នកតស៊ូ ដែលអ្នកបានតស៊ូមិនខ្លាចលះបង់អាយុជីវិត ជាពិ សេសក្នុងរយៈពេល២០ឆ្នាំកន្លង មកនេះ។ ការបូជាជីវិតដើម្បីបុព្វ ហេតុជាតិ របស់បងប្អូនទាំងអស់មានតម្លៃ ខ្លាំងណាស់ ដូច្នេះការងារដែលយើងត្រូវធ្វើបន្តទៀតនេះ គឺស្រោចស្រង់សង្គ្រោះប្រ ទេសជាតិយើង ដើម្បីរៀបចំប្រ ទេសជាតិយើង ឲ្យមានភាពស្អាតស្អំឲ្យមានសេរីភាពយុត្តិធម៌ហើយ ខ្ញុំជឿថាជោគជ័យយើងបានមកដល់ហើយ”។
ជាមួយនឹងភាពអួលណែនដើម.ក អាណិតអាសូរចំពោះឈាមខ្មែរស្នេហាជាតិដែលបានហូរស្រក់ពេញព្រះធរណីក្នុងបុព្វហេតុការពារជាតិ ការពារលទ្ធិប្រជាធិបតេយ្យ លោកប្រធាន សម រង្ស៊ី បានបញ្ជាក់ដោយភាពក្លាហានថា ”នៅសល់តែប៉ុន្មានថ្ងៃ ប៉ុន្មានសប្តាហ៍ទៀតប៉ុណ្ណោះព្រលឹងវីរបាតុករដែលបានលះបង់បូជាអាយុជីវិតដើម្បីសង្គ្រោះជាតិ ដើម្បីបុព្វហេតុនៃលទ្ធិប្រជាធិបតេយ្យ លោកនឹងបែរមកឃើញយើងសម្រេចជោគជ័យមកអបអរសាទរអ្នកតស៊ូដែលកំពុងបន្តបេសកកម្មដ៏អង់អាចក្លាហានធ្វើការសង្គ្រោះជាតិ ស្វែងរកការពិតផ្តល់យុត្តិធម៌ជូនជនរងគ្រោះទាំងអស់គ្រប់ជំនាន់ដើម្បីឲ្យវិញ្ញាណក្ខន្ធរបស់ជនរងគ្រោះជាវីរជនស្នេហាជាតិទាំងអស់បានទៅកាន់សុគតិភពនិងទៅកាន់ឋានស្ងប់សុខ”។ ពិធីបង្សុកូលឧទ្ទិសកុសលជូនវិញ្ញាណក្ខន្ធរបស់វីរបាតុករដែលបានស្លាប់បាត់បង់ជីវិតយ៉ាងអយុត្តិធម៌នៅពេលនេះធ្វើឡើងក្រោមបរិយាកាសក្តុកក្តួលអួលណែនដើម.ក សោកសៅយ៉ាងក្រៃលែងខុសពីពេលណាៗទាំងអស់ព្រោះនៅពេលអ្នកដែលស្នេហាជាតិ អ្នកប្រជាធិបតេយ្យទទួលបានជ័យជំនះ បងប្អូនជនរងគ្រោះទាំងអស់ បានស្លាប់បាត់បង់អាយុជីវិតទៅហើយ។ ដូច្នេះអ្នកបន្តវេនក្នុងបេសកកម្មដើម្បីបុព្វហេតុនៃលទ្ធិប្រជាធិបតេយ្យនិងដើម្បីរំដោះប្រទេសជាតិឲ្យរួចផុតពីអំពើផ្តាច់ការ សូមប្តេជ្ញាយ៉ាងមោះមុតធ្វើការងារដើម្បីជាតិមាតុភូមិយ៉ាងអង់អាចក្លាហានតទៅទៀត។
គេនៅចាំបានថា កាលពីព្រឹកថ្ងៃទី៣០ ខែមីនា ឆ្នាំ២០១៣ អំឡុងពេលដែលសមាជិកគណបក្សសង្គ្រោះជាតិនាំគ្នារៀបចំពិធីបង្សុកូលឧទ្ទិសដល់វិញ្ញាណក្ខន្ធជូនវីរបាតុករទាំងអស់ លោកប្រធាន សម រង្ស៊ី បានប្តេជ្ញារួចហើយថា ចាប់ពីឆ្នាំ២០១៤នេះតទៅ គឺក្រោយពេលគណបក្សសង្គ្រោះជាតិទទួលបានជ័យជំនះក្នុងការបោះឆ្នោត នឹងរៀបចំប្រព័ន្ធតុលាការឲ្យឯករាជ្យ ដើម្បីលុបបំបាត់ទម្លាប់ដ៏អាក្រក់នៃការកាប់សម្លាប់ជាតិសាសន៍ឯងយ៉ាង សាហាវឃោរឃៅនិងសំដៅបញ្ចប់ វប្បធម៌និរទណ្ឌភាពទាំងអស់តាមរយៈការនាំយកឃាតកដៃឆៅ និងអ្នកបញ្ជាពីក្រោយខ្នងទៅផ្តន្ទាទោសនិងឲ្យទទួលខុសត្រូវចំពោះបទឧក្រិដ្ឋកម្មដែលពួកគេបានសាងឡើង។ ជាមួយនឹងការប្តេជ្ញាចិត្តស្វែងរកយុត្តិធម៌ជូនប្រជារាស្ត្រខ្មែររងគ្រោះគ្រប់ជំនាន់ឲ្យទទួលបានពន្លឺយុត្តិធម៌ឡើងវិញ គេសង្កេតឃើញប្រជារាស្ត្រខ្មែរទូទៅបានអបអរស្វាគមន៍និងតាំងចិត្តរួមចំណែកជាមួយ លោកប្រធាន សម រង្ស៊ី ក្នុងការបំពេញបេស កកម្មបម្រើជាតិមាតុភូមិយ៉ាងអង់អាចក្លាហានទប់ស្កាត់កុំឲ្យអំណាច ផ្តាច់ការនិងការកាប់សម្លាប់ជាតិសាសន៍ឯងវិលត្រឡប់មកវិញលើទឹកដីប្រទេសកម្ពុជា៕
No comments:
Post a Comment
yes