និសិត្សពេទ្យតវ៉ាដុតកង់ឡាននៅមុខសាកលវិទ្យាល័យអន្តរជាតិ
និស្សិតពេទ្យប្រមាណជា២០០នាក់ នៅសាកលវិទ្យាល័យអន្តរជាតិ(IU) ព្រឹកថ្ងៃអាទិត្យនេះ បានតវ៉ាដុតកង់ឡាន នៅខាងមុខសាលា ដើម្បីទាមទារឲ្យសាលាមួយនេះ បញ្ចុះតម្លៃសិក្សាសម្រាប់ឆ្នាំចុងក្រោយ ក្នុងការធ្វើសារណា និងចុះកម្មសិក្សា ពី២០០០ដុល្លារ ទៅ ១៥០០ដុល្លារ។
លោក ប៉េង សុវណ្ណ និស្សិតពេទ្យឆ្នាំទី៦ ដែលរង់ចាំប្រឡងដាច់ឆ្នាំ មានប្រសាសន៍ថា អ្នកតវ៉ា លើកឡើងថា សាកលវិទ្យាល័យពេទ្យមួយនេះ គិតតែបញ្ហាលុយ ដូច្នេះពួកគេ ដុតក្រដាសមានរូបលុយ បង្ហាញទៅសាលាថា កុំឲ្យគិតតែពីបញ្ហាលុយ។ អ្នកតវ៉ា បានដុតកង់ឡាននៅវេលាម៉ោងប្រមាណជា១១ព្រឹកនេះ ដើម្បីបង្ហាញពីការមិនពេញចិត្ត។លោកបន្តថា អ្នកតវ៉ាសង្ឃឹមថា ក្រសួងអប់រំ នឹងជួយអន្តរាគមន៍ កុំឲ្យតែសាលា គិតតែគាបសង្កត់និស្សិត ហើយគិតតែពីការកេងចំណេញ។
មិនទាន់មានការឆ្លើយតបយ៉ាងណា ពីមន្ត្រីគ្រប់គ្រងសាលានៅឡើយទេ តែមានអាជ្ញាធរមួយចំនួនបានចុះមកត្រួតពិនិត្យ។
និស្សិតពេទ្យសាលាIU ក្នុងមួយឆ្នាំ ចំណាយជាង៩០០ដុល្លារ សម្រាប់ការសិក្សាមុខវិជ្ជានេះ។
កាលពីរបីខែមុន និស្សិតសាលាពេទ្យ បានតវ៉ាសុំឲ្យសាលានេះ កំណត់ថ្ងៃប្រលងឲ្យបានច្បាស់លាស់ និងសុំឲ្យសាលានេះគោរពតាមសន្យា ដូចដែលកាលពីពួកគេចុះឈ្មោះចូលរៀន កាលពី ឆ្នាំ ២០០៦។ ការតវ៉ានេះ រហូតដល់មានការឯកភាព បន្តការសិក្សាមួយឆ្នាំចុងក្រោយ នេះចូលរួមប្រឡងថ្នាក់ជាតិ។ តែការតវ៉ាចុងក្រោយ ដុតកង់ឡាននេះ គឺដើម្បីទាមទារតែការបញ្ចុះតម្លៃរៀនឆ្នាំចុងក្រោយ ពី២០០០ដុល្លារ មក១៥០០ដុល្លារ៕
No comments:
Post a Comment
yes