គណៈកម្មាធិការជាតិរៀបចំការបោះឆ្នោតបានប្រកាសកាលពីថ្ងៃទី ១៦ ខែកញ្ញា ថា ការពិនិត្យបញ្ជីឈ្មោះអ្នកបោះឆ្នោត និងការចុះឈ្មោះបោះឆ្នោតសម្រាប់ឆ្នាំ ២០១៣នឹងត្រូវធ្វើឡើងចាប់ពីថ្ងៃទី ០១ ដល់ថ្ងៃទី ២០ ខែតុលា នៅតាមបណ្តាឃុំ សង្កាត់ទាំងអស់ទូទាំងប្រទេស។
ចំពោះអ្នកដែលមិនអាចស្វែករងឈ្មោះរបស់ខ្លួនបាន នៅលើបញ្ជីឈ្មោះបោះឆ្នោត ឬក៏ផ្លាស់ប្តូរអាស័យដ្ឋាន ឬក៏ទើបតែគ្រប់អាយុ ១៨ឆ្នាំ ពួកគេអាចទៅ ឃុំ ឬសង្កាត់ របស់ខ្លួនដោយមានភ្ជាប់អត្តសញ្ញាណប័ណ្ណទៅជាមួយ។
លើសពីនេះទៅទៀត គ.ជ.ប ក៏គ្រោងនឹងរៀបចំបើកចាប់ពីថ្ងៃនេះនូវវគ្គបណ្តុះបណ្តាល លើការពិនិត្យបញ្ជីឈ្មោះ និងការចុះឈ្មោះនៅតាមកម្រិតថ្នាក់ឃុំ សង្កាត់ ថ្នាក់ខេត្ត និងថ្នាក់ជាតិ ទូទាំងប្រទេស។
មានអ្នកបោះឆ្នោតចំនួន ៩,៦ លាននាក់ កាលពីឆ្នាំ២០១២ ដែលមានឈ្មោះនៅក្នុងបញ្ជីបោះឆ្នោត៕
No comments:
Post a Comment
yes