លោកប្រធាន សម រង្ស៊ី ជួបពលរដ្ឋនៅវត្តស្ទឹងមានជ័យ
លោកប្រធាន សម រង្ស៊ី ជួបអាជីវកម្មនៅផ្សារស្ទឹងមានជ័យ
ជាថ្មីម្តងទៀតលោកប្រធាន សម
រង្ស៊ី បានធ្វើការអំពាវនាវដល់ប្រជាពលរដ្ឋឲ្យចូលរួមមហាបា
តុកម្មអហិង្សាជាមួយនិងគណបក្សសង្គ្រោះជាតិ នៅថ្ងៃទី០៧ កញ្ញា ខាងមុខនេះ ដើម្បីស្វែងរកយុត្តិធម៌ជូនពលរដ្ឋដែលជាម្ចាស់ឆ្នោត
ក្នុងការទាមទារឲ្យ គជប បង្កើតគណៈកម្មការឯករាជ្យ ធ្វើការសិក្សាស្រាវជ្រាវជាថ្មីចំពោះលទ្ធផលបោះឆ្នោត
ព្រោះមានភាពមិនប្រក្រតីយ៉ាង ខ្លាំងសំបើម ។
ការអំពាវនាវរបស់លោកប្រធាន សម
រង្ស៊ី ខាងលើ គឺធ្វើឡើងនៅពេលដែលលោកប្រធានចុះ ជួបសំណេះសំណាល
និងថ្លែងអំណរគុណដល់ប្រជាពលរដ្ឋនៅវត្តស្ទឹងមានជ័យ និងនៅក្នុងផ្សារស្ទឹងមានជ័យ
ព្រឹកថ្ងៃទី០៥ កញ្ញា ។
ជាមួយគ្នានោះប្រជាពលរដ្ឋពួកគាត់បានសម្តែងការគាំទ្រ
និងប្តេជ្ញាចូលរួមធ្វើមហាបាតុកម្មអហិង្សាជាមួយនិងគណបក្សសង្គ្រោះជាតិ នៅថ្ងៃទី០៧
កញ្ញា ដើម្បីទាមទាររកយុត្តិធម៌ ព្រោះ ពួកគាត់ជាម្ចាស់ឆ្នោត ម្ចាស់អំណាចពិត
ដាច់ខាត់មិនឲ្យគេរំលោភលើឆន្ទៈរបស់ខ្លួនឡើយ ។
សូមជំរាបជូនថា
មហាបាតុកម្មអហិង្សារបស់គណបក្សសង្គ្រោះជាតិ គ្រោងពលរដ្ឋចូលរួមចំនួន២ម៉ឺននាក់
ដែលកម្មវិធីប្រព្រឹត្តទៅនៅទីលានប្រជាធិបតេយ្យចាប់ពីម៉ោង៨ព្រឹក និងបញ្ចប់នៅវេលាម៉ោង១១ថ្ងៃត្រង់
។
ក្នុងនោះផងដែរ
បើតាមប្រសាសន៏របស់លោកអនុប្រធាន កឹម សុខា ដែលបានថ្លែងកាលពីពេលថ្មីៗនេះឲ្យដឹងថា ប្រសិនបើនៅថ្ងៃទី០៧
កញ្ញា ការធ្វើមហាបាតុម្មអហិង្សាមិនទទួលបានផលជាវិជ្ជាមានទេនោះ
ពលរដ្ឋនិងបន្តធ្វើមហាបាតុកម្មអហិង្សាជាបន្តបន្ទាប់ទៀតដោយមិន កំណត់ពេល រហូតទទួលបានដំណោះស្រាយជាវិជ្ជាមាន ជូនដល់ពួកគាត់ជាប្រជាពលរដ្ឋដែលជាម្ចាស់ឆ្នោត
ម្ចាស់អំណាចពិត ៕
No comments:
Post a Comment
yes