សន្និសីទសារព័ត៌មានរបស់គណបក្សសង្គ្រោះជាតិ
គណបក្សសង្គ្រោះជាតិ ព្រមានថា នឹងមានមហាបាតុកម្មនៅតាមដងផ្លូវ ប្រសិនបើមានការឃាត់រថយន្តនិងប្រជាពលរដ្ឋទុក នៅតាមដងផ្លូវ ពីសំណាក់អាជ្ញាធរនៅតាមតំបន់ណាមួយ។
ក្នុងសន្និសីទសារព័ត៌មាន នៅព្រឹកថ្ងៃសុក្រនេះ អគ្គនាយកទំនាក់ទំនងសាធារណៈ លោកស្រី មូរ សុខហួរ ថ្លែងថា គណបក្សសង្គ្រោះជាតិ មានការព្រួយបារម្ភ ដោយសារមានការឃាត់ពលរដ្ឋតាមបណ្តាខេត្តនានា ដែលបានធ្វើដំណើរតាមផ្លូវជាតិសំខាន់ៗ ចូលមករាជធានីភ្នំពេញ។ លោកស្រីបន្ថែមថា គណបក្សសង្គ្រោះជាតិ មានគណៈកម្មការតាមខេត្ត ដើម្បទទួលខុសត្រូវបញ្ហានេះ។ លោកស្រីថា នេះការបំបាក់ទឹកចិត្តប្រជាពលរដ្ឋ និងការរំលោភសិទ្ធិពលរដ្ឋ។
អ្នកនាំពាក្យអគ្គស្នងការដ្ឋាននគរបាលជាតិ លោក គៀត ច័ន្ទថារិទ្ធ មានប្រសាសន៍ថា អាជ្ញាធរគ្រាន់តែត្រួតពិនិត្យអាវុធ និងជាតិផ្ទុះផ្សេង ដើម្បីការពារសន្តិសុខជូនប្រជាពលរដ្ឋ។
គណបក្សសង្គ្រោះជាតិ បានបង្វែរពីការធ្វើមហាបាតុកម្មនៅទីលានប្រជាធិបតេយ្យ មកជាការបួងសួងសុំសន្តិភាព និងយុត្តិធម៌វិញ ដែលអាចនឹងមានមនុស្សចូលរួមប្រមាណជា២ម៉ឺន៕
ប្រភពពី VOD
No comments:
Post a Comment
yes