ប្រជាពលរដ្ឋធ្វើដំណើរតាមផ្លូវជាតិមួយចំនួន មករាជធានីភ្នំពេញ សម្តែងការព្រួយបារម្ភពីការធ្វើដំណើរ ដោយសារកម្លាំងសមត្ថកិច្ច បានចុះត្រួតពិនិត្យខុសពីធម្មតា ទំនងខ្លាចពួកគេឡើងមកភ្នំពេញ ដើម្បីចូលរួមមហាបាតុកម្ម របស់គណបក្សសង្គ្រោះជាតិនៅថ្ងៃស្អែកនេះ។
វីដេអូនៃការចុះត្រួតពិនិត្យរបស់កម្លាំងប៉ូលិស ត្រូវបានបង្ហោះតាមបណ្តាញសង្គមហ្វេសប៊ុក (Facebook)។ វីដេអូ បង្ហាញថា សមត្ថកិច្ចដែលចុះត្រួតពិនិត្យនោះ រួមមានប៉ូលិស និងកងរាជអាវុធហត្ថ។ សមត្ថកិច្ចទាំងនោះ បានត្រួតពិនិត្យម៉ូតូ និងរថយន្តជាច្រើនគ្រឿង នៅតាមផ្លូវជាតិសំខាន់ៗដូចជា ផ្លូវជាតិលេខ៥ និងផ្លូវជាតិលេខ១ជាដើម ដែលពលរដ្ឋមកពីខេត្តព្រៃវែង ខេត្តស្វាយរៀង និងទីប្រជុំជនអ្នកលឿង។
អ្នកនាំពាក្យក្រសួងមហាផ្ទៃ លោក ខៀវ សុភ័គ មានប្រសាសន៍ថា ការចុះត្រួតពិនិត្យ យាន្តជំនះផ្សេងៗនេះ ធ្វើឡើងដើម្បីការពារបាតុករ ក៏ដូចជាសន្តិសុខប្រទេសជាតិទាំងមូល៖
ក្នុងសន្និសីទសារព័ត៌មាន នៅព្រឹកថ្ងៃសុក្រនេះ អគ្គនាយកទំនាក់ទំនងសាធារណៈ លោកស្រី មូរ សុខហួរ ថ្លែងថា គណបក្សសង្គ្រោះជាតិ មានការព្រួយបារម្ភ ដោយសារមានការឃាត់ពលរដ្ឋតាមបណ្តាខេត្តនានា ដែលបានធ្វើដំណើរតាមផ្លូវជាតិសំខាន់ៗ ចូលមករាជធានីភ្នំពេញ។ លោកស្រីបន្ថែមថា គណបក្សសង្គ្រោះជាតិ មានគណៈកម្មការតាមខេត្ត ដើម្បទទួលខុសត្រូវបញ្ហានេះ។ លោកស្រីថា នេះការបំបាក់ទឹកចិត្តប្រជាពលរដ្ឋ និងការរំលោភសិទ្ធិពលរដ្ឋ។
អនុប្រធានគណៈកម្មការវិន័យគណបក្សសង្គ្រោះជាតិ លោក ហូរ វ៉ាន់ មានប្រសាសន៍ថា លោកចាត់ទុក នេះជាចេតនាហាមឃាត់ប្រជាពលរដ្ឋ មិនឲ្យមកចូលរួមមហាបាតុកម្មរបស់គណបក្សសង្គ្រោះជាតិ ៖
គណបក្សសង្គ្រោះជាតិ បានបង្វែរពីការធ្វើមហាបាតុកម្ម នៅទីលានប្រជាធិបតេយ្យ មកជាការបួងសួងសុំសន្តិភាព និងយុត្តិធម៌ ដែលអាចនឹងមានមនុស្សចូលរួមប្រមាណជា២ម៉ឺននាក់៕
ប្រភពពី VOD
No comments:
Post a Comment
yes