ស្ថានការណ៏នយោបាយនៅក្នុងប្រទេសកម្ពុជាបច្ចុប្បន្នទាមទារឲ្យមានដំណោះស្រាយបន្ទាន់ដើម្បីជាប្រយោជន៏ជាតិនិងពលរដ្ឋ

នៅបន្ទាប់ពីការបោះឆ្នោតបានបញ្ចប់ ស្ថានការណ៏នយោនៅក្នុងប្រទេសកម្ពុជា មានភាពមិន​ ល្អប្រសើរឡើយ ដោយសារតែការបោះឆ្នោតកាលពីថ្ងៃទី២៨ កក្កដា កន្លងមក ពោរពេញទៅ​ភាព​អយុត្តិធម៌យ៉ាងខ្លាំង ដែលធ្វើឲ្យពលរដ្ឋម្ចាស់ឆ្នោត និងគណបក្សសង្គ្រោះជាតិ ធ្វើការទាម​ទារឲ្យមានការស៊ើបអង្កេត ស្រាវ ជ្រាវឡើងវិញ ចំពោះភាពមិនប្រក្រតីនេះ ។

ក្នុងនោះផងដែរ ជំនួបចរចាររវាងគណបក្សសង្គ្រោះជាតិ ជាមួយនិងគណបក្សប្រជាជន បាន ប្រព្រឹត្តិទៅ២លើកមកហើយ តែជំនួបចរចារនោះមិនបានផ្តល់ផលវិជ្ជមានសម្រាប់ដំស្រាយ ជាតិទាល់តែសោះ ដោយសារតែគណបក្សប្រជាជន មិនព្រមឲ្យមានការបង្កើតគណៈកម្មការ​ឯករាជ្យ ធ្វើការស៊ើបអង្កេត ស្រាវជ្រាវ ចំពោះភាពមិនប្រក្រតីនៅថ្ងៃបោះ និងរាប់សន្លឹងឆ្នោត គឺគណបក្សប្រជាជនទាមទារដោយទទូចឲ្យមានការរៀបចំក្បាលម៉ាស៊ីនរដ្ឋសភាទៅវិញ ។

ជាមួយគ្នានេះផងដែរ ជុំវិញការបើកសម័យប្រជុំសភាលើកដំបូង នីតិកាលទី៥នេះ កាលពីថ្ងៃ​ទី២៣ គណកប្សសង្គ្រោះជាតិ ប្រជាពលរដ្ឋ ព្រះសង្ឃ អង្គការសង្គមស៊ីវិល សហគមន៏ដីធ្លី បានដាក់ញត្តិ ស្នាមមេដៃទៅកាន់ព្រះមហាក្សត្រ ដើម្បីស្នើព្រះអង្គមានព្រះរាជតម្រិះឡើងវិញ និងសូមព្រះអង្គកុំយាងជាអធិបតី បើកសម័យប្រជុំសភាលើកដំបូងនៅថ្ងៃទី២៣ កញ្ញា ឲ្យ សោះ ដោយពួកគាត់យល់ឃើញថា ដំណោះស្រាយជាតិ នៅមិនទាន់ត្រូវបានគណបក្សជាប់ ឆ្នោតទាំងពីរធ្វើការដោះស្រាយជាផលវិជ្ជមាននៅឡើយទេ ។

តែអ្វីដែលជាការទទួលស្នើសុំរបស់គណបក្សសង្គ្រោះជាតិ ប្រជាពលរដ្ឋ ព្រះសង្ឃ អង្គការ​សង្គមស៊ីវិល សហគមន៏ដីធ្លី បានបរាជ័យដោយនៅថ្ងៃទី២៣ កញ្ញា ព្រះមហាក្សត្រព្រះអង្គ បានយាងជាធិបតីក្នុងការបើកសម័យប្រជុំសភាដំបូង ។

ជាមួយគ្នានេះផងដែរ មជ្ឈដ្ឋានជាច្រើនបានធ្វើការរិះគន់យ៉ាងខ្លាំង ចំពោះការបើកសម័យប្រ ជុំសភាដោយតក់ក្រហល់នោះ និងបានធ្វើការបដិសេដ្ឋរដ្ឋាភិបាលដែលបានកើតឡើងកាល ពីថ្ងៃទី២៣ផងដែរ ដោយហេតុថា ការបើកស័យប្រជុំសភាសម្រាប់ដំណើរការរយៈពេល មួយ​អាណត្តិប្រាំឆ្នាំនេះ មិនមែនជាសភាជាតិ សភាសម្រាប់បំរើផលប្រយោជន៏ប្រទេសជាតិ និង​ប្រ​ជាពលរដ្ឋឡើយ គឺជាសភាបក្ស ហើយបម្រើសម្រាប់តែបក្សរបស់គេ និងគូរកនតែប៉ុណ្ណោះ ហើយសភានោះទៀតសោត ក៏មិនស្របច្បាប់ថែមទៀត ព្រោះដោយគ្មានការចូលរួម​បើក​របស់​បេក្ខជនជាប់ឆ្នោតគណបក្សសង្គ្រោះជាតិ គឺមានតែបេក្ខជនជាប់ឆ្នោតរបស់គណបក្សប្រ ជាជនចំនួន៦៨រូបនោះ ដែលខុសធ្ងន់ទៅនិងរដ្ឋធម្មនុញ្ញមាត្រា៧៦ ចែងថា រដ្ឋសភាមាន​សមា​ជិកតំណាងរាស្រ្តយ៉ាងតិច១២០រូប ។

ព្រមជាមួយគ្នានោះបេក្ខជនជាប់ឆ្នោតរបស់គណបក្សសង្គ្រោះជាតិចំនួន៥៥រូប និង៨រូបទៀត ដែលត្រូវបានគេលួចសន្លឹកឆ្នោតរបស់ពួកគាត់យ៉ាងអយុត្តិធម៌ ក្រោមការដឹកនាំរបស់​លោក​ប្រ​ធាន សម រង្ស៊ី និងលោកអនុប្រធាន កឹម សុខា កាលពីថ្ងៃទី២២បានធ្វើពិធីសច្ចាប្រណិធាន នៅ​ប្រាសាទអង្គរវត្ត ដោយគណបក្សសង្គ្រោះជាតិ និងបេក្ខជនតំណាង​រាស្រ្តរបស់​គណបក្ស​សង្គ្រោះជាតិ ទាំងអស់ គឺប្តូរផ្តាច់​ហ៊ាន​បូជា​ជីវិត មិន​ក្បត់ជាតិ​មាតុភូមិ​កម្ពុជា មិន​ក្បត់​ឆន្ទៈ​ប្រ​ជាព​លរដ្ឋ​ជា​ដាច់​ខាត និងប្រឆាំង​ដាច់ខាត​អំពើ​ផ្តាច់ការ ពុករលួយ និង​អយុត្តិធម៌​សង្គម​គ្រប់​បែបយ៉ាង​ ។

ដូចគ្នានេះផងដែរ គណបក្សសង្គ្រោះជាតិ និងតស៊ូគ្រប់មធ្យោបាយ ដើម្បីរកយុត្តិធម៌ ជូនប្រជា ពលរដ្ឋដែលជាម្ចាស់ឆ្នោត និងសង្គ្រោះជាតិរបស់យើង មិនឲ្យលិចលង់ក្នុងភាពអត្ថខាត់ទៀត ឡើយ ។ ក្នុងនោះនៅថ្ងៃទី២៥ កញ្ញា វេលាម៉ោង៩ព្រឹក នៅទីស្នាក់ការរបស់គណបក្សសង្គ្រោះ ជាតិ សង្កាត់ចាក់អង្រែលើ ខណ្ឌមានជ័យ លោកប្រធាន សម រង្ស៊ី និងលោកអនុប្រធាន កឹម សុខា ក៏និងធ្វើសន្និសិទសារព័ត៌មានផងដែរ ដើម្បី​បង្ហាញ​ពី​គោលជំហរ​របស់​គណបក្ស​ជុំវិញ​ស្ថានការណ៍​នយោបាយ​បច្ចុប្បន្ន ។

ជាមួយគ្នានេះ ​មហា​បាតុកម្ម​អហិង្សារបស់គណបក្សសង្គ្រោះជាតិ​លើក​ទី​៣ ក៏និងកើតមាន​ក្នុងពេលដ៏ខ្លីខាងមុខផងដែរ ដោយក្នុងមហាបាតុកម្មអហិង្សារបស់គណបក្សលើកទី៣នេះ ក៏​និងធ្វើការ​ប្រមូល​ញត្តិ​ដាក់ថ្វាយ​ព្រះមហាក្សត្រ​បន្ត​ទៀត ដើម្បី​ប្រឆាំង​លទ្ធផល​បោះ​ឆ្នោត​ រក ដំណោះស្រាយជាតិឲ្យល្អប្រសើរ និងផ្តល់យុត្តិធម៌ជូនប្រជាពលរដ្ឋម្ចាស់ឆ្នោត ៕