ព្រះសង្ឃកម្ពុជាក្រោម ដាក់ញត្តិទៅស្ថានទូតវៀតណាមប្រចាំនៅ
កម្ពុជានៅថ្ងៃ២៧កញ្ញា
ព្រះសង្ឃនិងសមាគមខ្មែរកម្ពុជាក្រោមនៅកម្ពុជា នឹងជួបប្រជុំគ្នា នៅរសៀលថ្ងៃសៅរ៍នេះ ដើម្បីកំណត់ថ្ងៃធ្វើបាតុកម្មប្រឆាំងអាជ្ញាធរវៀតណាម ដែលរងការចោទថា កំពុងរឹតបន្តឹងសេរីភាពពលរដ្ឋនៅទៅនោះ ។
ប្រធានសមាគមខ្មែរកម្ពុជាក្រោម លោក ស៊ឺន ជុំជួន ប្រាប់VODនៅថ្ងៃទី២៨ខែកញ្ញានេះថា គម្រោងធ្វើបាតុកម្មនោះ ក្នុងបំណងជំរុញឲ្យស្ថានទូតរៀតណាមប្រចាំកម្ពុជា ជួយអន្តរាគមន៍ ទៅអាជ្ញាធរ របស់ខ្លួន ឈប់យកប្រព័ន្ធតុលាការមកគាបសង្កត់ សេរីភាព និងជំនឿសាសនាដល់ព្រះសង្ឃ និងពលរដ្ឋខ្មែរក្រោម ជាម្ចាស់ស្រុក ដែកកំពុងរស់នៅក្រោមកាគ្រប់គ្រងរបស់ប្រទេសវៀតណាមនោះ ។
គម្រោងធ្វើបាតុកម្មនេះ ធ្វើឡើងបន្ទាប់ពីតុលាការនៅប្រទេសវៀតណាម កាលពីថ្ងៃសុក្រទី២៧ខែកញ្ញា ម្សិលមិញ បានផ្តន្ទាទោសព្រះតេជគុណ នីវ លី និងព្រះតេជគុណ ថាច់ ធឿន ឲ្យជាប់ពន្ធនាគារចំនួន៦ឆ្នាំ និងមួយអង្គទៀត ៣ឆ្នាំ រួមទាំងប្រពលរដ្ឋខ្មែរកម្ពុជាក្រោមមួយចំនួនទៀត ចោទពីបទផ្ដល់ព័ត៌មានទៅសហគមន៍ខ្មែរក្រោមក្រៅប្រទេស និងផ្ដល់បទសម្ភាសន៍ជូនសារព័ត៌មានផ្សេង។
កម្ពុជាក្រោមត្រូវបានអាណានិគមន៍និយមបារាំង ប្រគល់ឲ្យប្រទេសវៀតណាមគ្រប់គ្រងដោយខុសច្បាប់ ជាង៦០ឆ្នាំមកហើយ ចាប់ពីឆ្នាំ១៩៤៩ ដែលមាន២១ខេត្ត និងមានទំហំដីជិត៧ម៉ឺនគីឡូម៉ែត្រក្រឡា(៦៨៩៦៥) និងមានប្រជាពលរដ្ឋជាង១២លាននាក់ (១២៥៤៧២៥០)។ ក្រោយមកមានការរើបម្រាស់ពីខ្មែរក្រោមញឹកញាប់ តែត្រូវបានបង្ក្រាបពីអាជ្ញាធរវៀតណាម៕
No comments:
Post a Comment
yes