គណៈកម្មាធិការជាតិរៀបចំការបោះឆ្នោតហៅកាត់ថាគ.ជ.បសម្រេចថា នឹងបន្ថែមរយៈពេល៣ថ្ងៃទៀត សម្រាប់ការពិនិត្យបញ្ជីឈ្មោះនិងចុះឈ្មោះបោះឆ្នោតឲ្យប្រជាពលរដ្ឋដែលរស់នៅក្នុងខេត្តមួយចំនួន រងគ្រោះដោយសារទឹកជំនន់។
មូលហេតុនៃការបន្ថែមរយៈពេលនេះដោយសារតែ ឃុំ-សង្កាត់ ទាំងនោះត្រូវបានលិចលង់ ដោយទឹកជំនន់ និងទឹកភ្លៀង ដែលធ្វើឲ្យរាំងស្ទះ ដល់ដំណើរការពិនិត្យបញ្ជីឈ្មោះ និងចុះឈ្មោះបោះឆ្នោត។
នេះបើ់តាមការបញ្ជាក់ឲ្យដឹងពីលោកទេព នីថា អគ្គលេខាធិការនៃគណៈកម្មាធិការជាតិរៀបចំការបោះឆ្នោត។
គួរបញ្ជាក់ថា ការបន្ថែមបីថ្ងៃ សម្រាប់ឲ្យ ប្រជាពលរដ្ឋ ទៅ ពិនិត្យបញ្ជីឈ្មោះនិងចុះឈ្មោះបោះឆ្នោត ឆ្នាំ២០១៣ នឹងធ្វើឡើង នៅខេត្តទាំង១០ដែលរងគ្រោះដោយសារទឹកជំនន់ ក្នុងនោះ រួមមាន ខេត្ត បន្ទាយមានជ័យ បាត់ដំបង កំពង់ចាម កំពង់ឆ្នាំង កំពង់ធំ កណ្តាល ក្រចេះ ស្ទឹងត្រែង និងខេត្តឧត្តរមានជ័យ។
ដូចនេះ ក្រៅពីខេត្តទាំង១០នេះ ចំពោះបណ្តាខេត្តផ្សេងៗទៀត មិនមានការផ្លាស់ប្តូវនោះទេគឺ ការពិនិត្យបញ្ជីឈ្មោះ និងចុះឈ្មោះបោះឆ្នោត ឆ្នាំ២០១៣ ដែលមានមានរយៈពេល២០ថ្ងៃ ចាប់ពីថ្ងៃទី១ និងត្រូវបញ្ចប់ដូចការគ្រោងទុក គឺនៅថ្ងៃទី២០ ខែតុលាខាងមុខនេះ៕
No comments:
Post a Comment
yes