ពលរដ្ឋខ្មែររស់នៅក្រៅស្រុកធ្វើបុណ្យផ្ការស្មីសាមគ្គីដើម្បីប្រមូលថវិការជួយពលរដ្ឋរងគ្រោះដោយទឹកជំនន់នៅកម្ពុជាតាមរយៈគណបក្សសង្គ្រោះជាតិ

ទឹកជំនន់បំផ្លាញលំនៅដ្ឋានប្រជាពលរដ្ឋ

មកទល់និងពេលនេះ ទឹកជំនន់បាននិងកំពុងតែយាយីយ៉ាងខ្លាំង ដល់ប្រជាពលរដ្ឋនៅ​តាម​​បណ្តាខេត្ត-ក្រុងនានា ក្នុងប្រទេសកម្ពុជា ។

ទន្ទឹមនិងនេះផងដែរ ថា្នក់ដឹកនាំគណបក្សសង្គ្រោះជាតិ ក៏បានចុះដល់មូលដ្ឋានរបស់បងប្អូន ពលរដ្ឋដែលជាជនរងគ្រោះដោយទឹកជំនន់ ក្នុងការពាំនាំស្បៀងអាហា តង់ ជាដើម ដើម្បីចែក ជូនពួកគាត់ ដែលអំណោយទាំងនេះគណបក្សសង្គ្រោះជាតិ ទទួលបានពីបងប្អូ​នប្រជាពល​រដ្ឋ​ខ្មែរទាំងក្នុងស្រុក និងក្រៅស្រុក ។

ព្រមជាមួយគ្នានោះ ពលរដ្ឋខ្មែររស់នៅក្រៅប្រទេសជាបន្តបន្ទាប់ ក៏បានធ្វើបុណ្យផ្ការស្មីសាមគ្គី ដើម្បីប្រមូលថវិការ ជួយដល់ពលរដ្ឋរងគ្រោះដោយទឹកជំនន់តាមរយៈគណបក្សសង្គ្រោះជាតិ ផងដែរ ។

ក្នុងនោះនៅថ្ងៃទី១២ តុលា ២០១៣ ប្រជាពលរដ្ឋខ្មែររស់នៅរដ្ឋរ៉ូដ្ឋអៃឡិន្ត រដ្ឋម៉ាសាឈូ​សិត្តស៏ រដ្ឋខនណិកធីខិត និងមជ្ឈដ្ឋាននានា ធ្វើបុណ្យផ្ការស្មីសាមគ្គីនៅភោជនីយដ្ឋាន ​Five Star ដែល ពិធីបុណ្យនិងប្រព្រឹត្តិទៅចាប់ពីវេលាម៉ោង៩ព្រឹក ដើម្បីប្រមូលថវិការជួយពលរដ្ឋរងគ្រោះ​ដោយទឹកជំនន់ ។ ចំណែកនៅប្រទេសកាណាដា ប្រជាពលរដ្ឋខ្មែររស់នៅក្រុងម៉ុងរេអ៉ាល់ ខេត្តកេបិក ក៏បានមូលមតិគ្នាធ្វើបុណ្យផ្ការស្មីសាមគ្គីផងដែរ កម្មវិធីបុណ្យប្រព្រឹត្តទៅនៅថ្ងៃ​ទី១២ តុលា ២០១៣ នៅវត្តធម្មិការាម ចាប់ពីវេលាម៉ោង៩ព្រឹក រហូតដល់ម៉ោង១២ថ្ងៃត្រង់ ។

ដោយឡែកពលរដ្ឋខ្មែររស់នៅប្រទេសអូស្ត្រាលី នៅថ្ងៃទី១២ តុលា ២០១៣ ក៏បានមូលមតិគ្នា ជាឯកឆ័ន្ទប្រារព្វធ្វើពិ​ធីបុណ្យផ្ការស្មីសាមគ្គីផងដែរ ដើម្បីប្រមូលថវិការជួយដល់ពលរដ្ឋរង​គ្រោះ​ដោយទឹក​ជំនន់ ដែលកម្មវិធីបុណ្យនិងប្រព្រឹត្តិទៅចាប់ពីវេលា​ម៉ោង៩ព្រឹកតទៅ នៅ វត្តពុទរង្សី ។

គណបក្សសង្គ្រោះជាតិ សូមអំពាវនាវដល់បងប្អូនប្រជាពលរដ្ឋទាំងក្នុងស្រុក និងក្រៅស្រុក ទាំងអស់ សូមបន្តចូលរួមជួយដល់ជនរងគ្រោះដោយទឹកជំនន់ ជាបន្តបន្ទាប់ទៀត ដើម្បីជួយ សម្រួលដល់ជិវភាពរស់នៅរបស់ពួកគាត់ ដែលកំពុងតែជួបការលំបាក និងការខ្វះខាតយ៉ាង ខ្លាំងនោះ ។

សូមជំរាបជូនផងដែរថា រហូតមកទល់និងពេលនេះ ទឹក​ជំនន់​កំពុង​បន្ត​បំផ្លិច​បំផ្លាញ​ខេត្ត​ចំនួន ១៥ ក្នុង​ចំណោម​ខេត្ត​ទូទាំង​ប្រទេស​របស់​កម្ពុជា និង​ប៉ះពាល់​ធ្ងន់​ធ្ងរ​ទៅ​លើ​ខេត្ត សៀមរាប ប៉ៃលិន បាត់ដំបង និង​ខេត្តបន្ទាយ​មាន​ជ័យ ហើយ​បាន​សម្លាប់​ជីវិត​មនុស្ស​ចំនួន១០៤នាក់​ដែលចំនួន​នេះ​អាច​នឹង​កើន​ឡើងបន្ថែមទៀត ​ខណៈ​ប្រជាពលរដ្ឋជាង១លាន៥សែននាក់ ទទួលរងផលប៉ះពាល់ និងផ្ទះជាង១២ម៉ឺនខ្នងនោះ ។

ដូចគ្នានេះផងដែរ ផលដំណាំស្រួវរបស់ប្រជាពលរដ្ឋទទួលរងផលប៉ះពាល់ដោយទឹកជំនន់ប្រ មាណជាង២៥ម៉ឺនហិតា រីឯសាលារៀងទទួលរងដោយទឹកជន់លិខចំនួន២៧០កន្លែង និងវត្ត ចំនួន៣៧០ក៏ត្រូវទឹកជន់លិចផងដែរ ។

នេះបើយោយតាមតួលេខបណ្តោះអាសន្នរបស់គណៈកម្មាធិការជាតិ គ្រប់គ្រងគ្រោះ​មហន្តរាយ ៕