ការប៉ះទង្គិចរវាងកម្មកររោងចក្រ SL និងកម្លាំងសមត្ថកិច្ច
(រូបថត តាត ឧត្តម)
យ៉ាងហោចណាស់ មនុស្សម្នាក់ស្លាប់ និង ៥នាក់ផ្សេងទៀតរងរបួស ក្នុងការប៉ះទង្គិចរវាងកម្មកររោងចក្រSL និងកម្លាំងសមត្ថកិច្ច នៅត្រង់ចំណុចស្ពានស្ទឹងមានជ័យ រាជធានីភ្នំពេញ នៅព្រឹកថ្ងៃអង្គារនេះ។
នៅព្រឹកនេះ កម្មកររោងចក្រSL មានទីតាំងនៅសង្កាត់បឹងទំពុន ខណ្ឌមានជ័យ ជាង១ពាន់នាក់ បានហែក្បួនទៅកាន់ផ្ទះលោកនាយករដ្ឋមន្ត្រី ហ៊ុន សែន នៅក្បែរវិមានឯករាជ្យ តែកម្លាំងសមត្ថកិច្ចប្រមាណជាង ៣០០នាក់ ដាក់របាំងរារាំងនៅត្រង់ចំណុចស្ពានស្ទឹងមានជ័យ នាំឲ្យមានការប៉ះទង្គិចគ្នា។ ពេលប៉ះទង្គិចគ្នា សមត្ថកិច្ចបានប្រើគ្រាប់បែកផ្សែង រថយន្តពន្លត់ អគ្គិភ័យ និងគ្រាប់កាំភ្លើងបាញ់លើកម្មករ ចំណែកកម្មករ បានប្រើដុំថ្មចោលលើសមត្ថកិច្ច។
តាមព័ត៌មានបឋម បានឲ្យដឹងថា អ្នកដែលស្លាប់នោះជាស្ត្រីឈ្មោះ អេង សុខុម អ្នកលក់បាយ នៅក្បែរវត្តស្ទឺងមានជ័យ និងអ្នករបួស ដោយសារគ្រាប់ភ្លើង ៨នាក់ ជាកម្មករ និង អ្នករត់ម៉ូតូឌុប។
ក្នុងហេតុការណ៍ប៉ះទង្គិចគ្នានេះ កម្មករបាន ដុតបំផ្លាញរថយន្តពីរគ្រឿង និងម៉ូតូពីរគ្រឿង របស់សមត្ថកិច្ច។
ហិង្សាបានបញ្ចប់នៅម៉ោង១២ និង៣០នាទីថ្ងៃត្រង់ សមត្ថកិច្ច បានចាប់ខ្លួនកម្មករ២៥នាក់ និង ព្រះសង្ឃវត្តស្ទឹងមានជ័យ១២អង្គ ដើម្បីយកទៅសាកសួរជុំវិញហេតុការណ៍ប៉ះទង្គិចគ្នានេះ។
ឡានសមត្ថកិច្ចពីរគ្រឿងដែលរងការខូចខាត (រូបថត តាត ឧត្តម)
រថយន្តនិងម៉ូតូសមត្ថកិច្ចដែលត្រូវបានដុតបំផ្លាញ (រូបថត តាត ឧត្តម)
សមត្ថកិច្ចចុះបង្ក្រាបការតវ៉ារបស់ក្រុមកម្មកររោងចក្រ SL នៅស្ពានស្ទឹងមានជ័យ (រូបថត តាត ឧត្តម)
No comments:
Post a Comment
yes