ធនាគារអភិវឌ្ឍអាស៊ី ADB បានប្រកាសផ្តល់ថវិកាបន្ថែមប្រមាណជិត ៤,៥ លានដុល្លាដល់រដ្ឋបាលព្រៃឈើក្នុងតំបន់ចំនួនពីរ គឺខេត្តកោះកុង និងមណ្ឌលគីរី ដើម្បីបន្តអនុវត្តគម្រោងធ្វើឲ្យប្រសើរឡើងនូវ កម្មវិធីទប់ស្កាត់នូវការប្រែប្រួសអាកាសធាតុ និងការការពារធនធានព្រៃ និងជីវៈចម្រុះនៅប្រទសកម្ពុជា ។
គម្រោងនេះ ត្រូវបានធ្វើឡើង នៅខណៈដែលកម្ពុជា បានជួបប្រទះនូវបញ្ហាប្រែប្រួលអាកាសធាតុ ដែលបណ្តាលមកពីការរិចរិលព្រៃធម្មជាតិ ហើយផលវិបាកនេះបាន នាំឲ្យប៉ះពាល់ដល់សន្តិសុខស្បៀង និងជីវភាពរស់នៅរបស់ប្រជាពលរដ្ឋ ដោយសារលទ្ធភាពនៃការយល់ដឹងរបស់ពួកគេ នៅមានកម្រិតនៅឡើយក្នុងការបន្សុំាខ្លួនទៅនឹងបញ្ហាទាំងនេះ។
ថ្លែងនៅក្នុងសិក្ខាសាលាពិគ្រោះយោបល់លើកចុងក្រោយ នៃគម្រោងធ្វើឲ្យប្រសើរឡើងនូវ សមត្ថភាពធន់ទ្រាំង នឹងការប្រែប្រួលអាកាសធាតុនៅព្រឹកថ្ងៃច័ន្ទនេះបានឲ្យដឹងថា លោក សុខ ហេង ប្រធានវិទ្យាស្ថានស្រាវជ្រាវនិងអភិវឌ្ឍព្រៃឈើ សត្វព្រៃ នៃក្រសួងកសិកម្ម រុក្ខា ប្រមាញ់ និងនេសាទបានធ្វើការបញ្ជាក់អំពីកញ្ចប់ថវិការបស់ធនាគារ ADB ខាងលើនេះ ដែលនឹងត្រូវអនុវត្តបន្តនៅក្នុងឆ្នាំ ២០១៤ ខាងមុខ ដោយផ្តោតលើសកម្មភាពជាច្រើន ដើម្បីធ្វើយ៉ាងណាឲ្យប្រជាពលរដ្ឋកាន់តែប្រសើរឡើងក្នុងការបន្សុំាខ្លួនទៅនឹងការប្រែប្រួលអាកាសធាតុក្នុងតំបន់រស់នៅជាដើម។
No comments:
Post a Comment
yes