ការប៉ះទង្គិចគ្នានៃក្រុមបាតុករនៅថៃ(រូបភាពពី បាងកកប៉ុស្ដិ៍)
លោក ស៊ូថេប ថងស៊ូបាន មេដឹកនាំក្រុមប្រឆាំងថៃបានប្រកាសជាថ្មីទុកពេលឲ្យ លោកស្រី យីង ឡាក់ ពីរថ្ងៃឲ្យចុះចេញពីតំណែង ប្រគល់អំណាចឲ្យក្រុមប្រឹក្សាប្រជាជន ចាត់តាំងមួយ ដើម្បីធ្វើកំណែទម្រង់លទ្ធិប្រជាធិបតេយ្យក្នុងការដឹកនាំ។
លោក ស៊ូថេប ថងស៊ូបាន ថ្លែងប្រាប់បាតុករនៅក្បែរវិមានរដ្ឋាភិបាលនៅយប់ថ្ងៃអាទិត្យ ម្សិលមិញថា លោកបានជួបលោកស្រី យីងឡាក់ ហើយបានប្រកាសទុកពេលឲ្យលោកស្រី ពីរថ្ងៃត្រូវចុះចេញពីតំណែង។ លោកបញ្ជាក់ថា មិនមានការចរចា ឬសម្របសម្រួលណាមួយក្រៅពីការទាមទារឲ្យចុះចេញពីតំណែងនោះទេ។ លោកថា ជំនួបនោះធ្វើឡើងដោយមានការសម្របសម្រួលពីក្រុមយោធា ដែលតាំងខ្លួននៅអព្យាក្រឹត្យ។ នេះបើតាមការចុះផ្សាយរបស់បណ្តាញសារព័ត៌មានបាងកកប៉ុស្តិ៍។
លោក ស៊ូ ថេប បានដាក់ឱសានវាទពីរលើកមកហើយ ដែលកំណត់ឲ្យលោកស្រី យីងឡាក់ ចុះចេញពីតំណែង គឺកាលពីថ្ងៃអង្គារដើមសប្តាហ៍មុន និងនៅថ្ងៃអាទិត្យម្សិលមិញ តែលោកស្រី យីងឡាក់ ស្នើឲ្យមានការបោះឆ្នោតឡើងវិញ ដើម្បីដោះស្រាយបញ្ហា តែក្រុមប្រឆាំងមិនព្រម។
ទោះយ៉ាងណាការផ្ទុះហិង្សានៅថ្ងៃសៅរ៍ និងថ្ងៃអាទិត្យ កន្លងទៅ បានបណ្តាលឲ្យបាតុករយ៉ាងហោច៤នាក់ស្លាប់ និងរាប់សិបនាក់ផ្សេងទៀតរងរបួស៕
No comments:
Post a Comment
yes