ប្រជាសហគមន៍បឹងកក់ប្រមាណ១០០នាក់ ប្រមូលផ្តុំនៅភូមិ២៣នៅព្រឹកថ្ងៃចន្ទនេះ ប្រឆាំងក្រុមហ៊ុនស៊ូកាគូអ៊ីន ដែលធ្វើរបង ហើយប៉ះពាល់ដល់ផ្លូវធ្វើដំណើរចេញរបស់ពួកគាត់ ចំនួនបីភូមិ គឺភូមិ២ ភូមិ២១ និងភូមិ២៣។
តំណាងសហគមន៍ភូមិ២៣ អ្នកស្រី នី សណ្តោស ប្រាប់VOD ព្រឹកថ្ងៃចន្ទនេះថា ក្រុមហ៊ុនស៊ូកាគូអ៊ីន កំពុងតែធ្វើរបងក្បែរផ្លូវរថភ្លើងចាក់ទៅទួលសង្កែ ដែលនាំឲ្យប្រជាសហគមន៍របស់ខ្លួនមិនមានផ្លូវចេញចូល។ អ្នកស្រីបន្តថា ប្រសិនបើការប្រមូលផ្តុំព្រឹកនេះ មិនមានដំណោះស្រាយ ពួកគាត់អាចនឹងហែក្បួនទៅកាន់សាលារាជធានីភ្នំពេញ ដើម្បីសុំឲ្យក្រុមហ៊ុនផ្អាកធ្វើរបងសិន ព្រោះពួកគាត់បារម្ភថា ពេលមានគ្រោះថ្នាក់អ្វីកើតឡើង ដូចជាភ្លើងឆេះជាដើមនោះ អត់មានផ្លូវរត់ចេញ។
ប្រជាពលរដ្ឋឲ្យដឹងថា ដោយសារតែក្រុមហ៊ុនស៊ូកាកូអ៊ីនពង្រីកផ្លូវបិទរបង ធ្វើឲ្យប៉ះពាល់ផ្លូវដើររបស់ប្រជាជនចំនួនបីភូមិ គឺភូមិ២ ភូមិ ២៣ និងភូមិ២១ ហើយពួកគេបានស្នើអាជ្ញាឲ្យជួយធ្វើផ្លូវមួយទៀតសម្រាប់ចេញចូលតែមកដល់ពេលនេះផ្លូវដែលប្រជាពលរដ្ឋស្នើនោះ អាជ្ញាធរធ្វើមិនទាន់ហើយទេ៕
No comments:
Post a Comment
yes