លោកស្រីនាយករដ្ឋមន្ត្រីថៃយីងឡាក់ ស៊ីណាវ៉ាត់ព្រម
ទាំងប្ដីនិងកូនប្រុសឈ្មោះSupasek Amornchat
ប្រភពពីសារព័ត៌មានថៃបានឲ្យដឹងថាក្រុមបាតុករអាវលឿងបានប្រើប្រាស់កូនប្រុសរបស់លោកស្រីយីងឡាក់ឈ្មោះស៊ូផាស៊ិក អេម៉នឆាត(Supasek Amornchat)ដែលកំពុងរៀននៅសាលាមួយក្នុងទីក្រុងបាងកកឲ្យចូលរួមក្នុងចលនាបាតុកម្ម។
អ្នកវិភាគយល់ថា ក្រុមបាតុករអាវលឿងធ្វើបែបនេះគឺ ក្នុងបំណងបង្ហាញឲ្យសាធារណៈមតិយល់ច្រឡំថា សូម្បីតែកូនបង្កើតរបស់លោកស្រីយីងឡាក់ក៏ប្រឆាំងនិងការដឹកនាំរបស់លោកស្រីដែរ។
កាលពីថ្ងៃសៅរ៍ទី៣០ខែវិច្ឆិកាលោកស្រីយីងឡាក់បានមានប្រសាសន៍ទៅកាន់បណ្ដាញសារព័ត៌មានថា លោកស្រីសុំចិត្តក្រុមអ្នកតវ៉ាកុំយកកូនប្រុសសំណព្វចិត្តរបស់លោកស្រីដើម្បី អូសទាញឲ្យប្រឆាំងនឹងអ្នកម្តាយខ្លួនឯងអី។លោកស្រីមានប្រសាសន៍យ៉ាងដូច្នេះ ខណៈដែលមានព័ត៌មានលេចឮថាកូនប្រុសរបស់លោកស្រីត្រូវ បានគេលើកទឹកចិត្តឲ្យប្រឆាំងនិងម្តាយនៅឯសាលារៀន។
លោកស្រីមានប្រសាសន៍ថា“កូនប្រុសរបស់ខ្ញុំ Supasek Amornchat ជាក្មេងគ្មានកំហុសនោះទេគាត់ មិនដឹងអ្វីនោះទេអំពីជម្លោះនយោបាយបច្ចុប្បន្ន” ។លោកស្រីថ្លែងទៀតថា“ ខ្ញុំមិនរត់ចោលប្រទេស ជាតិខ្ញុំនោះទេ ថ្វីត្បិតតែខ្ញុំជាស្រ្តីតែខ្ញុំនឹងនៅប្រឈមជានិច្ចនិងបញ្ហាទាំងឡាយដែលកើតឡើងក្នុងប្រទេសនេះ ” ៕
No comments:
Post a Comment
yes