លោក កឹម សុខា(ស្ដាំ) អនុប្រធានគណបក្សសង្គ្រោះជាតិ ក្នុងវេទិកាសម្ដែង
មតិនៅកំពង់ធំ ថ្ងៃទី២៧ ខែមករា ឆ្នាំ២០១៤(រូបភាពដោយ ញឹម សុខន)
ប្រធានស្តីទីគណបក្សសង្គ្រោះជាតិលោក កឹម សុខា បន្តចុះជួបអ្នកគាំទ្ររបស់ខ្លួននៅខេត្តកំពង់ធំទៀតនៅថ្ងៃចន្ទនេះទៀត បើទោះជាថ្ងៃអាទិត្យម្សិលមិញលោកបញ្ជាក់ថា មានការប៉ុនប៉ងសម្លាប់ក៏ដោយ។
នៅព្រឹកនេះលោក កឹម សុខា ចុះជួបអ្នកគាំទ្ររបស់លោកនៅទួលដំណាក់ ឃុំចុងដូង ស្រុកបារាយ ខេត្តកំពង់ធំ តាមការគ្រោងទុក។
នៅថ្ងៃអាទិត្យម្សិលមិញលោក កឹម សុខា បានចុះទៅជួបអ្នកគាំទ្រនៅខេត្តកំពង់ចាម តែគម្រោងនោះត្រូវរំសាយវិញដោយសារមានអ្នកគាំទ្រគណបក្សប្រជាជនកម្ពុជាចុះទៅរំខាន។ លោក កឹម សុខា ក៏បានឲ្យដឹងថា ក្រោយពីការរំសាយនោះ មានសមត្ថកិច្ចមួយក្រុម ព្យាយាមបើករថយន្តបើកបុករថយន្តលោក ហើយត្រៀមកាំភ្លើងបាញ់សម្លាប់ទៀតផង។
តែអ្នកនាំពាក្យកងរាជអាវុធហត្ថលើផ្ទៃប្រទេសលោក ខេង ទីតូ ច្រានចោលការចោទប្រកាន់របស់លោក កឹម សុខា ហើយថា កម្លាំងសមត្ថកិច្ចមានបំណងការពារសន្តិសុខសណ្តាប់ធ្នាប់តែប៉ុណ្ណោះ៕
No comments:
Post a Comment
yes