(រូបភាពពី បាងកកប៉ុស្ដិ៍)
ក្រសួងការបរទេសថៃ និយាយប្រាប់ អ្នកការទូតបរទេសថា កាលដែលរដ្ឋាភិបាលសម្រេចដាក់ក្រុងបាងកក ស្ថិតនៅក្នុងស្ថានភាពគ្រាមានអាសន្ន គឺជាដើម្បីកាត់បន្ថយភាពហិង្សា និងត្រូវផ្ដល់អំណាចទៅស្ថាប័នសន្តិសុខ ឲ្យខិតខំរក្សាសន្តិភាព និងសុវត្ថិភាពសាធារណៈ ហើយមិនឲ្យប៉ះទង្កិចជាមួយបាតុករជាដាច់ខាត។
លោក Sihasak Phuangketkeow និយាយថា កាលពីថ្ងៃពុធក្រសួងបានអញ្ជើញអ្នកការទូតចំនួន៦៥ប្រទេស និងទីភ្នាក់ងារ អន្តរជាតិចំនួន៨ឲ្យមកស្ដាប់ការពន្យល់របស់រដ្ឋាភិបាល ដែលប្រកាសដាក់ក្រុងបាងកកស្ថិតនៅក្នុងស្ថានភាព គ្រាមានអាសន្ន កាលពីថ្ងៃអង្គារ។ លោក បាននិយាយថា រដ្ឋាភិបាលនឹងបន្តអត់ធ្មត់ ហើយព្យាយាមដោះស្រាយអ្វីដែលកំពុងប្រឈមមុខជាមួយបាតុករ ហើយសន្យាមិនដកហូតសិទ្ធិនយោបាយ របស់ប្រជាជនជាដាច់ខាត។
ច្បាប់គ្រាមានអាសន្ននេះត្រូវបានប្រកាសថា មានរយៈពេល៦០ថ្ងៃ ដោយចាប់ពី ថ្ងៃទី២២ ខែមករានេះ តទៅ។ បើទោះជាយ៉ាងណា ក្រុមប្រឆាំងមិនបានអនុវត្តវិធានការសន្តិសុខនេះទេ ហើយចាត់ទុកថា ជាការបំពានសិទិ្ធសេរីភាព ខណៈពួកគេកំពុងទាមទារដកហូតលោកស្រី យីងឡាក់ ពីតំណែង៕
No comments:
Post a Comment
yes