អាជ្ញាធរស៊ីឈ្នួលបង្ក្រាបប្រជាសហគមន៏បូរីកីឡា
ថ្ងៃទី១៤ កុម្ភៈ
គឺជាថ្ងៃទិវានៃក្តីស្រលាញ់ ដែលទូទាំងពិភពលោកបានប្រារព្វធ្វើ
ដើម្បីសម្តែងមនោសញ្ចេតនា ឲ្យគ្នាទៅវិញទៅមករវាងកូនជាមួយឪពុកម្តា
សិស្សជាមួយលោកគ្រូអ្នកគ្រូ បងជាមួយប្អូន មិត្តជាមួយនិងមិត្ត ជាដើម ដើម្បីបង្កើតសេចក្តីសុខសុភមង្គលជាមួយគ្នា
។
យ៉ងណាម៉ិញនៅប្រទេសកម្ពុជាក៏បានប្រារព្វទិវានៃក្តីស្រលាញ់នេះផងដែរ
តែវាទាស់ត្រង់ថា នៅថ្ងៃទិវានៃក្តីស្រ លាញ់ អាជ្ញាធរក្រុងភ្នំពេញតាំងពីព្រលឹមស្រាងៗបានដាក់កម្លាំងរាប់សិបនាក់
ដែលប្រដាប់ដោយដំបង និងខែល បានបើកយុទ្ធនាការបង្ក្រាបយ៉ាងចាស់ដៃមកលើប្រជាសហគមន៏បូរីកីឡា
ដើម្បីឲ្យចាកចេញពីអាគារទី៩ ដែល បាននិងកំពុងតែសាងសង់នៅបូរីកីឡា
ដើម្បីការពារផលប្រយោជន៏របស់ឈ្មួញខិលខិច ជិះជាន់ធ្វើបាប ពលរដ្ឋ ក្រីក្រទន់ខ្សោយ
ដែលនេះគឺជាកាដូររបស់អាជ្ញាធរក្រុងភ្នំពេញ ដែលបានផ្តល់ជូនប្រជាសហគមន៏បូរីកីឡា នៅថ្ងៃទិវានៃក្តីស្រលាញ់នេះ
។
នៅក្នុងការបង្ក្រាបរបស់អាជ្ញាធរក្រុងភ្នំពេញ
មកលើប្រជាសហគមន៏បូរីកីឡា នៅព្រឹកថ្ងៃសុក្រ ១៤ កុម្ភៈ ថ្ងៃទិវានៃក្តីស្រលាញ់
និងចំថ្ងៃមាឃបូរជាផងដែរនោះ បានបណ្តាលឲ្យប្រជាសហគមន៍បុរីកីឡាចំនួន៤នាក់រងរបួសធ្ងន់និងស្រាល
ដែលនេះជាចរិករបស់អាជ្ញាធរក្រោមការដឹកនាំរបស់គណបក្សប្រជាជន ដែលមានលោក ហ៊ុន សែន
ជានាយករដ្ឋមន្រ្តី អសមត្ថភាពក្នុងការរកដំណោះស្រាយជូនពលរដ្ឋ ហើយឆ្លើយតបមកពលរដ្ឋវិញគ្រប់រឿង
គឺការប្រើអំពើហិង្សា វាយដុំ ច្រំធាក់ បាញ់បោះ និងការចាប់ខ្លួនជាដើម ។
លោកស្រី មូរ សុខហូរ
ថ្នាក់ដឹកនាំជាន់ខ្ពស់របស់គណបក្សសង្គ្រោះជាតិ ដែលបានចុះអន្តរាគមន៏ចំពោះរឿងនេះ
បានមានប្រសាសន៏ឲ្យដឹងថា រដ្ឋាភិបាលត្រូវតែបញ្ចប់វប្បធម៌នៃការបណ្តេញចេញ
វាយបង្ក្រាបបែបនេះ ហើយ ងាកមករកដំណោះស្រាយជូនពលរដ្ឋដោយសន្តិវិធី និងសមស្រប
ហើយការអភិវឌ្ឍន៏របស់រដ្ឋាភិបាលរបៀប នេះគឺជាការអភិវឌ្ឍន៏លើគំនរឈាម
និងទឹកភ្នែករបស់ពលរដ្ឋ ។
សូមរំលឹកថា សហគមន៍បុរីកីឡា
មានជម្លោះដីធ្លីជាមួយក្រុមហ៊ុនផានអ៊ីម៉ិច របស់លោកស្រី ស៊ុយសុផាន ភរិយាសមាជិកព្រឹទ្ធសភា
របស់គណបក្សប្រជាជន ដែលស្និតនិងលោក ហ៊ុន សែន ជាច្រើនឆ្នាំមកហើយ
ដោយខាងក្រុមហ៊ុនផានអ៊ីម៉ិច បានសន្យាថានឹងសាងសង់អាគារចំនួន១០
សម្រាប់ជាថ្នូរនឹងការយកដីតំបន់បុរីកីឡាទៅអភិវឌ្ឍន៍
ប៉ុន្តែក្រុមហ៊ុននេះ សាងសង់បានតែ៨អាគារ ជាហេតុនាំឲ្យពលរដ្ឋដែលមិនទទួលបានសំណង
ផ្ទុះការតវ៉ារហូតមកដល់បច្ចុប្បន្ននេះ ៕
No comments:
Post a Comment
yes