លោកអាប់ភីស៊ិត មេដឹកនាំបក្សប្រឆាំងនៅថៃ មកពីគណបក្ស
ប្រជាធិបតេយ្យ (រូបភាពពី pd.co.th)
តុលាការរដ្ឋធម្មនុញ្ញ កាលពីល្ងាចថ្ងៃពុធម្សិលមិញ បានទំលាក់ចោលករណីប្រឆាំងមេដឹកនាំបក្សប្រឆាំង លោកអាប់ភីស៊ីត ក្នុងឋានៈជាអ្នកតំណាងរាស្ដ្រទាក់ទិន និងតួនាទីរបស់លោកជាគ្រូបណ្ដុះបណ្ដាលកងទ័ព។
ពាក្យបណ្ដឹងប្រឆាំងលោកអាប់ភីស៊ីត បានប្ដឹងឡើងដោយគណបក្សភឿថៃ តាមរយៈប្រធានរដ្ឋសភាលោក Somsak Kiartsuranon ។ កាលនោះសមាជិកសភាបានស្នើឲ្យតុលាការចេញសេចក្ដីសំរេចមួយថា តើគួរតែដកហូតសមាជិកសភារបស់លោកអាភីស៊ីតបានដែរឬទេ ព្រោះលោកធ្វើជាអ្នកដំណាងរាស្ដ្រផង ធ្វើជាគ្រូបង្វឹកម្នាក់នៃក្រសួងការពារជាតិតាមរាជក្រឹត្យខែវិច្ឆិកា ឆ្នាំ២០១២។
តុលាការបានលើកហេតុផងថា បន្ទាប់ពីការរំលាយសភានៅថ្ងៃទី៩ ខែធ្នូ ឆ្នាំ២០១៣ សមាជិកភាពរបស់លោកអាប់ភីស៊ីត នៅពេលនេះគឺមិនមានភាពទៀតទាត់ទេ ហើយមិនចាំបាច់តុលាការធ្វើសេចក្ដីសំរេចថា លោកអាប់ភីស៊ីត ប្រាកចាកលក្ខន្ដិកៈមន្ត្រីរាជការអ្វីឡើយ។ នៅជាមួយគ្នានេះតុលាការរដ្ឋធម្មនុញ្ញ ក៏បានច្រានចោលបណ្ដឹងរបស់គណបក្សប្រជាធិបតេយ្យ ដើម្បីឲ្យរំលាយគណបក្សភឿថៃដែរ។
ក្រុមគណបក្សប្រជាធិបតេយ្យ បានប្រកាសថាការបោះឆ្នោតនៅថ្ងៃទី២កុម្ភៈ គឺជាផ្នែកមួយរំលោភលើក្រឹត្យច្បាប់ គ្រាមានអាសន្ន ហើយគណបក្សភឿថៃព្យាយាមរៀបចំការបោះឆ្នោត ដែលមិនមានភាពសេរី និងត្រឹមត្រូវ។ ដោយមានចៅក្រមចូលរួមអនុម័តដោយសំឡេងភាគច្រើនបានសំរេចថា មិនមានមូលដ្ឋានរឹងមាំ ដើម្បីធ្វើការចោទប្រកាសគណបក្សភឿថៃថា បានរំលោភរដ្ឋធម្មនុញ្ញចំនុច៦៨ ក្នុងពេលដែលគណបក្សចាំផ្ទះនេះ បានរៀបចំដំណើរការបោះឆ្នោតថ្ងៃទី២កុម្ភៈនោះ។
ប៉ុន្ដែដើមបណ្ដឹង គឺមានសមាជិកសភាមកពីគណបក្សប្រជាធិបតេយ្យ ចំនួន៣នាក់ ជាអ្នករៀបចំពាក្យបណ្ដឹងនេះឡើង។
បើទោះយ៉ាងណា នៅថ្ងៃម្សិលមិញនេះលោកអាប់ភីស៊ីត មេដឹកនាំបក្សប្រឆាំងបានប្រកាសថា លោកកំពុងតែសិក្សាខាងផ្លូវច្បាប់ដើម្បីប្ដឹងគណបក្សភឿថៃជាថ្មីម្ដងទៀត ពីបទរំលោភរដ្ឋធម្មនុញ្ញ និងបំពានអំណាចរដ្ឋ ដោយសារតែរៀបចំបោះឆ្នោតថ្ងៃទី២កុម្ភៈ ប្រព្រឹត្តទៅមិនមានភាពត្រឹមត្រូវ និងសេរី ហើយបានធ្វើឲ្យខាត់បង់ថវិការដ្ឋរាប់លានដុល្លារអាមេរិក។
ជាមួយគ្នានេះគណបក្សភឿថៃ គំរាមថា នឹងប្ដឹងបកវិញទៅលើគណបក្សប្រជាធិបតេយ្យ របស់លោក អាប់ភីស៊ីត ផងដែរ៕
No comments:
Post a Comment
yes