រាជរដ្ឋាភិបាលកម្ពុជា កែសម្រួលគណៈកម្មការសម្រាប់ដោះស្រាយបញ្ហាបាតុកម្ម-កូដកម្ម នៅតាមគ្រប់មុខសញ្ញា ដោយមានសមាភាពមន្ត្រី ៤៨រូប និងអភិបាលរាជធានី-ខេត្ត។
សេចក្តីសម្រេចរបស់រាជរដ្ឋាភិបាលកម្ពុជា ចុះហត្ថលេខាដោយលោកនាយករដ្ឋមន្ត្រី ហ៊ុន សែន ថ្ងៃទី១៩ ខែកុម្ភៈ ឲ្យដឹងថា គណៈកម្មការសម្រាប់ដោះស្រាយបញ្ហាកូដកម្ម-បាតុកម្មនៅតាមគ្រប់មុខសញ្ញា ដែលបានកែសម្រួលនោះ បានតែងតាំង លោក អ៊ិត សំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ ជាប្រធាន និងអនុប្រធានចំនួន ១២ ព្រមទាំងសមាជិក ជាច្រើនរូប។
បើតាមរបាយការណ៍លទ្ធផលការងារ ឆ្នាំ២០១៣ របស់ក្រសួងមហាផ្ទៃ ចេញផ្សាយនៅថ្ងៃទី១៩ ខែកុម្ភៈនេះ បង្ហាញថា ការធ្វើបាតុកម្ម-កូដកម្ម ក្នុងឆ្នាំ២០១៣ សរុបមានចំនួន ៨៤២លើក ក្នុងនោះបង្កដោយប្រជាពលរដ្ឋមានចំនួន ៤២៤លើក និងកម្មករ ៤១៨លើក ដោយមានការលូកដៃពីអ្នកនយោបាយ សង្គមស៊ីវិល និងសហជីពមួយចំនួនផងដែរ។
របាយការណ៍លទ្ធផលការងារ ឲ្យដឹងទៀតថា ក្នុងការប៉ះទង្គិចរវាងសមត្ថកិច្ច និងកម្លាំងអនាធិបតេយ្យ ចំនួន ៦លើក បានបង្កឲ្យស្លាប់មនុស្ស ០៦នាក់ របួស ៣៥នាក់ និងសមត្ថកិច្ចរងរបួស ៨០នាក់ ព្រមទាំងខូចខាតទ្រព្យសម្បត្តិចំនួនធំ៕
No comments:
Post a Comment
yes