រូបថតជាមួយក្រុមនិស្សិតដែលទើបបញ្ចប់ការសិក្សាពីប្រទេសអូស្ត្រាលី
រូបភាពដោយ សរ សុវណ្ណារ៉ា (Credit: ABC Licensed)
ABC RADIO Australia
ស្ថានទូតអូស្រ្តាលីបានប្រកាសជ្រើសរើសនិស្សិតកម្ពុជា ចាប់ពីពេលនេះតទៅ ដើម្បីទៅសិក្សានៅប្រទេសអូស្រ្តាលី សម្រាប់ឆ្នាំ២០១៥ ខាងមុខនេះ។
មន្រ្តីស្ថានទូតអូស្រ្តាលីបានឲ្យដឹងថា អាហារូបករណ៍ឆ្នាំ២០១៥ មានផ្នែកសុខាភិបាល កសិកម្ម ហេដ្ឋារចនាសម្ព័ន្ធ និង ពាណិជ្ជកម្ម។
អាហារូបករណ៍នេះបានផ្តល់ឱកាសដល់មនុស្សគ្រប់គ្នា ហើយការដាក់ពាក្យត្រូវបានលើកទឹកចិត្ត ដល់ស្រ្តី ជនពិការ និងអ្នកដែលមកពីបណ្តាខេត្ត។
កម្មវិធីអាហារូបករណ៍អូស្រ្តាលីត្រូវបានបើកសម្រាប់មន្រ្តីពីស្ថាប័នរដ្ឋ អង្គការមិនមែនរដ្ឋាភិបាល និងវិស័យឯកជន។
សូមបញ្ជាក់ថា នៅក្នុងពិធីប្រកាសកម្មវិធីអាហារូបករណ៍ឆ្នាំ២០១៥ នេះ ក៏មានការបង្ហាញនិស្សិតអាហារូបករណ៍ ដែលទើបបានបញ្ចប់ចំនួន៤៧នាក់។
អ្នកស្រី លី សុខលាភ និស្សិតបានទៅសិក្សាផ្នែកការទូត បានឲ្យដឹងអំពីការយកចំណេះវិជ្ជាមកប្រើប្រាស់នៅកម្ពុជា។
(សំឡេង អ្នកស្រី លី សុខលាភ)
ជាមួយគ្នានេះ លោក ឈួន ភក្តិ និស្សិតដែលទើបត្រលប់មកវិញ ក៏បានបង្ហាញអំពីការយកចំណេះ វិជ្ជាមកជួយដល់សង្គមកម្ពុជា។
(សំឡេង លោក ឈួន ភក្តិ)
មន្រ្តីស្ថានទូតអូស្រ្តាលី បានឲ្យដឹងថា និស្សិតទើបបញ្ចប់ពីការសិក្សា បានទទួលជំនាញផ្នែក គ្រប់គ្រងចំណូលអន្តរជាតិ សេដ្ឋកិច្ច សុខាភិបាល ការគ្រប់គ្រងធនធានទឹក និងផ្នែករៀបចំនគរូបនីយកម្ម។
លោក ហង់ ជួនណារ៉ុន រដ្ឋមន្រ្តីក្រសួងអប់រំ ដែលមានវត្តមាននៅក្នុងពិធីនេះដែរ បានបង្ហាញថានិស្សិត ដែលបានទទួលការសិក្សាពីប្រទេសអូស្ត្រាលី រហូតមកដល់ពេលនេះ បានចំនួនជាង៥០០នាក់ហើយ។ លោកបានបញ្ជាក់ថា និស្សិតទាំងនោះបានយកជំនាញទាំងនោះ មកបម្រើសង្គមកម្ពុជា។
(សំឡេង លោក ហង់ ជួនណារ៉ុន)
មន្រ្តីស្ថានទូតអូស្រ្តាលី បានបញ្ជាក់ថា ការដាក់ពាក្យអាហារូបករណ៍ឆ្នាំ២០១៥ ត្រូវចាប់ផ្តើម ទទួលពាក្យចាប់ពីពេលនេះតទៅ ហើយនឹងឈប់ទទួលពាក្យនៅថ្ងៃទី៣០ ខែមេសាឆ្នាំ២០១៤ ខាងមុខនេះ។
មន្រ្តីអប់រំកម្ពុជាបានឲ្យដឹងថា រហូតមកដល់ពេលនេះ និស្សិតកម្ពុជាបានទទួលអាហារូបករណ៍ទៅសិក្សានៅប្រទេសអូស្រ្តាលី អាម៉េរិក ជប៉ុន បារាំង ចិន រុស្សី និងបណ្តាប្រទេសមួយចំនួនទៀត៕
No comments:
Post a Comment
yes