មន្រ្តីការិយាបោះឆ្នោត នៅក្រុងបាងកក រាប់សន្លឹកឆ្នោត បន្ទាប់ពី
ការបោះឆ្នោតត្រូវបានបញ្ចប់ (រូបភាពពី AFP)
គណៈកម្មការរៀបចំការបោះឆ្នោតប្រទេសថៃ នៅថ្ងៃសុក្រនេះ នឹងធ្វើសេចក្ដីសំរេចមួយ អំពីអ្វីដែលខ្លួនបានមើឃើញការលំបាកមួយចំនួន ទាក់ទិនទៅនិងការបោះឆ្នោតកាលពីថ្ងៃអាទិត្យដែលបានអុកឡុង និងប្រឆាំងពីសំណាក់ក្រុមប្រឆាំងរដ្ឋាភិបាល។
លោកស្នងការរៀបចំការបោះឆ្នោត របស់ប្រទេសថៃ លោក សុនឆៃ ស្រីសុធីយ៉ាខន បាននិយាយថា ស្នងការទាំង៥នៃស្ថាប័នរបស់លោក និងកោះឲ្យមានកិច្ចប្រជុំពិសេសមួយនៅថ្ងៃនេះដើម្បីពិភាក្សា និងវាយតំលៃទៅលើលទ្ធផលបោះឆ្នោតថ្ងៃទី២កុម្ភៈ ថាតើមានអ្វីខ្លះដែលត្រូវដោះស្រាយបន្ដទៀត។
លោកបានបន្ដទៀតថា នៅក្នុងកិច្ចប្រជុំនេះក៏មានការចូលរួមផងដែរ ពីអ្នកជំនាញខាងច្បាប់ ទាំងច្បាប់រដ្ឋធម្មនុញ្ញ និងច្បាប់បោះឆ្នោត។ លោកឲ្យដឹងថា លោកមិនបានគិតថានឹងមានសេចក្ដីសំរេចណាមួយ ត្រូវបានធ្វើឡើងនៅឯកិច្ចប្រជុំនោះទេ។
បើទោះជាយ៉ាងណា លោកព្រួយបារម្ភអំពីការប្រកាសលទ្ធផលបោះឆ្នោតនៅថៃ ដែលអាចទាញឲ្យមានជម្លោះនយោបាយកាន់តែខ្លាំងឡើងថែមទៀត។ នៅក្នុងការបោះឆ្នោតនៅក្នុងប្រទេសថៃ កាលពីថ្ងៃអាទិត្យ មានគណបក្សចូលរួមប្រមាណជា៥៣ ប៉ុន្ដែមណ្ឌលបោះឆ្នោតប្រមាណជា៤៥មណ្ឌល ក្នុងចំណោម៣៧៥មណ្ឌល មិនអាចដំណើរការបានព្រោះតែក្រុមប្រឆាំងបានអុកឡុកយ៉ាងខ្លាំង ហើយនៅពេលជាមួយគ្នានោះ ស្ថានីយបោះឆ្នោតចំនួន១២០០០ មិនអាចបោះឆ្នោតបានខណៈដែលអ្នកបោះឆ្នោតប្រមាណជាង១០លាននាក់ ក្នុងចំណោម៤៣លាននាក់ មិនបានចេញទៅបោះឆ្នោត។
តាមគណៈកម្មការរៀបចំការបោះឆ្នោត បញ្ជាក់ថា ការបោះឆ្នោតមុនអាណត្តិ នៃរាជាណាចក្រថៃ គឺចំនួនប្រជាជនចេញទៅបោះឆ្នោតប្រមាណជា៥០%ប៉ុណ្ណោះ បើប្រៀបធៀបការបោះឆ្នោតឆ្នាំ២០១១ មាន៧៥%៕
No comments:
Post a Comment
yes