រោងចក្រហ្គោលឌិនផ្លាស ស្ថិតនៅតាមផ្លូវជាតិលេខ២ ក្នុងភូមិបឹងក្អែក ឃុំព្រែករកា ស្រុកកណ្ដាលស្ទឹង ខេត្តកណ្ដាល។
មន្ត្រីសិទ្ធិមនុស្សអាដហុក (Adhoc) ប្រចាំខេត្តកណ្ដាល លោក ម៉ែន មករា ដែលចុះទៅត្រួតពិនិត្យក្រែងមានសកម្មភាពរំលោភសិទ្ធិមនុស្សនៅកន្លែងកូដកម្មនោះ ឲ្យដឹងថា កម្មករធ្វើបាតុកម្មនេះដោយសារថៅកែរោងចក្រមិនបើកប្រាក់ខែ ក្នុងខែមករា ឆ្នាំ២០១៤ ឲ្យកម្មករ៖ «ហើយសកម្មភាពនៃការតវ៉ារបស់គាត់ គឺនៅឈរមុខរោងចក្រហ្នឹង មានដាក់ធុងបាសរាំកម្សាន្ត»។
លោកថា រោងចក្រ ហ្គោលឌិន ផ្លាស មានកម្មករធ្វើការប្រហែលជាង ៤០០នាក់ តែកម្មករចំនួនប្រហែល ២០០នាក់ទេ ធ្វើបាតុកម្មទាមទារបើកប្រាក់ថែមម៉ោង។
កម្មករម្នាក់ឈ្មោះ ពលៈ សុភ័ក្រណា ដែលអ្វើកូដកម្មនេះ បញ្ជាក់ថា កម្មករបានធ្វើកូដកម្មមិនចូលធ្វើការអស់រយៈពេលបីថ្ងៃមកហើយ ក្រោយពេលលោកថៅកែជនជាតិចិន បានប្រកាសនៅដើមខែកុម្ភៈ មិនបើកប្រាក់ថែមម៉ោងឲ្យកម្មករ។ ក៏ប៉ុន្តែ មកទល់ថ្ងៃទី៥ កុម្ភៈ នេះ នៅមិនទាន់មានដំណោះស្រាយនៅឡើយទេ ខណៈមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ចុះទៅរោងចក្រនោះ នៅថ្ងៃទី៥ កុម្ភៈ នេះ។
No comments:
Post a Comment
yes