ថ្ងៃទី៣០មីនា២០១៤គឺជាថ្ងៃដែលគណបក្សសង្គ្រោះជាតិប្រារព្វពិធីធំ២ដាច់ដោយឡែកពីគ្នា

ថ្ងៃ៣០ មីនា ១៩៩៧ ថ្ងៃទី៣០ មីនា ២០១៤ គឺជាឆ្នាំទី១៧ នៃសោកនាដកម្ម ដោយការគប់គ្រាប់ បែកដៃចំនួន៣គ្រាប់មកលើហ្វូងបាតុករ ដែលដឹកនាំដោយលោកប្រធាន សម រង្ស៊ី ដើម្បីទាមទារ ឲ្យតុលាមានយុត្តិធម៌ ។

កាលនោះ នៅបន្ទាប់ពីការថ្លែងសន្ទរកថា និងការលើកឡើងរបស់ពលរដ្ឋរងគ្រោះដោយ​សារប្រ​ព័ន្ធ​តុលា មិនទាន់ទាំងបានបញ្ចប់ផង គ្រាប់បែបចំនួន៣គ្រាន់បានផ្ទុះឡើងព្រមៗគ្នា កណ្តាល​ហ្វូង​បាតុករ ដែលបណ្តាលឲ្យវីរបាតុចំនួន១៦នាក់បានស្លាប់បាត់បង់ជីវិតភ្លាមៗនៅនិងកន្លែង និងចំនួនជាង១០០នាក់ទៀតរងរបួសធ្ងន់ ហើយនិងស្រាល ដែលមានបាតុករខ្លះ​ធ្លាក់ខ្លួនពិការ​រហូតមកទល់និងពេលបច្ចុប្បន្ននេះ ។

អស់រយៈពេល១៧ឆ្នាំហើយ រដ្ឋាភិបាលរបស់លោក ហ៊ុន សែន នៅមិនទាន់វែកមុខឃាតករដៃ ឆៅ ដែលបានគប់គ្រាប់បែកមកលើហ្វូងបាតុករដើម្បីផ្តន្ទាទោស ផ្តល់យុត្តិធម៌ជូនជនរងគ្រោះ និងគ្រួសារជនរងគ្រោះនៅឡើយទេ ។

សូមជំរាបថា ពិធីបង្សុកូល ឧទ្ធិសកុសល ជូនដល់វិញ្ញាណក្ខន្ធ វីរបាតុករ ខួបឆ្នាំទី១៧ និងប្រព្រឹត្តិ​ទៅនៅចេតិយមុខវត្តបទុមវត្តី ថ្ងៃទី៣០ មីនា ២០១៤ ចាប់ពីម៉ោង ៧.០០ ព្រឹកតទៅ ដោយមាន

ការរាប់បាត្រព្រះសង្ឃចំនួន៥០អង្គ ។

ជាមួយគ្នានោះផងដែរ នៅបន្ទាប់ពីបញ្ចប់ពិធីបង្សុកូល គណបក្សសង្គ្រោះជាតិ ដែលដឹកនាំដោយ​លោកប្រធាន សម រង្ស៊ី និងលោកអនុប្រធាន កឹម សុខា និងបន្តធ្វើពិធីសមាជមហា​ជន​នៅ

​មុខ​ចេតិយ មុខវត្តបទុមវត្តី នោះផ្ទាល់តែម្តង ។

សូមជំរាបថា គណបក្សសង្គ្រោះជាតិ គ្រោងរៀបចំពិធីសមាជមហាជន នៅទីលានប្រជាធិប​តេយ្យ តែត្រូវបានសាលារាជធានីភ្នំពេញ និងក្រសួងមហាផ្ទៃមិនអនុញ្ញាត ។

ហេតុដូច្នេះគណបក្សបាន បង្វែមកធ្វើពិធីនេះនៅមុខចេតិយ មុខវត្តបទុមវត្តី ដែលលិខិត​ស្នើសុំ​គណបក្សបានដាក់ជូនសាលារាជធានី នៅព្រឹកថ្ងៃទី២៩ មីនា រួចរាល់ហើយដែរ តែមិនត្រូវ​បាន​ប្រធានរដ្ឋបាលស៊ីញ៉េទទួលឡើយ គ្រាន់តែទទួលទុកតែប៉ុណ្ណោះ ដោយលើកហេតុផលថា​ ជាថ្ងៃសៅរ៍ ។

គួរជំរាបជូនថា សមាជមហាជន របស់គណបក្សសង្គ្រោះជាតិ ប្រារព្វធ្វើនៅមុខចេតិយ មុខវត្ត​បទុមវត្តី ថ្ងៃទី៣០ មីនា បន្ទាប់ពីពិធីបង្សុកូលជូនវិញ្ញាណក្ខណ្ឌវីរបាតុករបញ្ចប់ គឺក្នុងគោលបំ ណង ដើម្បី បូកសរុបលទ្ធផល នៃការអនុវត្តសេចក្តីសម្រេចសមាជលើកដំបូងរបស់គណបក្ស កាលពីថ្ងៃទី០៦ តុលា ២០១៣ កន្លងមក និងការបញ្ជាក់ពីគោលជំហរគណបក្ស និងលទ្ធផលនៃ កិច្ចចរចាររវាងគណបក្សសង្គ្រោះជាតិ និងគណបក្សប្រជាជន ព្រមទាំងសុំមតិយោបល់ពីប្រជា ពលរដ្ឋ ដើម្បីឲ្យគណបក្សសង្គ្រោះជាតិ នឹងអនុវត្តការងារបន្តទៀត ៕