ប្រធានគណបក្សសង្គ្រោះជាតិ លោក សម
រង្ស៊ី លើកឡើងថា អាជ្ញាធរបារាំង បានចាត់តាំងចៅក្រមថ្មីមួយរូប
ដើម្បីពិនិត្យ
និងពន្លឿនការស៊ើបអង្កេតទៅលើព្រឹត្តិការណ៍គប់គ្រាប់បែកនៅរាជធានី
ភ្នំពេញកាលពីឆ្នាំ១៩៩៧ ដែលបណ្តាលឲ្យមនុស្ស១៦នាក់ ស្លាប់។
លោក សម រង្ស៊ី
បានសរសេរនៅលើហ្វេសប៊ុកខ្លួននៅថ្ងៃសៅរ៍នេះថា អាជ្ញាធរបារាំង
ទើបតែបានចាត់ចៅក្រមថ្មីម្នាក់ប្រចាំតុលាការទីក្រុងប៉ារីស
ដើម្បីពន្លឿនការស៊ើបអង្កេតទៅលើការគប់គ្រាប់បែក នៅរាជធានីភ្នំពេញ
កាលពីថ្ងៃ ៣០ មីនា ១៩៩៧។ លោកបន្តថា«នេះជាកាតព្វកិច្ចនៃ
អាជ្ញាធរបារាំង ពីព្រោះមានជនរងគ្រោះ ឬជនដែលគេប៉ុនប៉ងសម្លាប់
មួយចំនួននៅពេលនោះ ក៏មានសញ្ជាតិបារាំង ទន្ទឹមនឹងសញ្ជាតិខ្មែរ»។
គណបក្សសង្គ្រោះជាតិ
បានស្នើសាលារាជរាធានីភ្នំពេញ
ធ្វើពិធីបង្សុកូលឧទិ្ទសកុសលខួបលើកទី១៧ ថ្ងៃទី៣០ខែមីនា
ជូនដល់វិញ្ញាណក្ខន្ធបាតុករ
ដែលបានស្លាប់ដោយសារការគប់គ្រាប់បែកនៅមុខអតីតមន្ទីររដ្ឋសភា។
ពិធីនេះ នឹងចាប់ពីម៉ោង៧ព្រឹកទៅ
ដោយមានការៀបចំរាប់បាតប្រគេនព្រះសង្ឃចំនួន៥០អង្គ
នឹងមានអ្នកចូលរួមប្រមាណ ៧០០នាក់ ក្រោមអធិបតីភាពប្រធាន
និងអនុប្រធានគណបក្សសង្គ្រោះជាតិ លោកសម រង្ស៊ី និងលោក កឹម សុខា។
ព្រឹត្តិការណ៍វាយប្រហារដោយគ្រាប់បែក
៤គ្រាប់ កាលពីថ្ងៃទី ៣០ ខែមីនា ឆ្នាំ១៩៩៧
លើហ្វូងបាតុកម្មដឹកនាំដោយលោកសម រង្ស៊ី
នៅមុខរដ្ឋសភាបានបណ្តាលឲ្យមនុស្សស្លាប់ ១៦នាក់
និងជាង១៥០នាក់ផ្សេងទៀតរងរបួស។ ប៉ុន្មានខែក្រោយមក
ការិយាល័យសហព័ន្ធស៊ើបអង្កេតរបស់សហរដ្ឋអាមេរិក FBI
បានបើកការស៊ើបអង្កេតភ្លាមៗ។
ការស៊ើបអង្កេតរបស់ FBI កាលនោះ
បានបិទបញ្ចប់ នៅឆ្នាំ១៩៩៩
ដោយមិនទទួលបានលទ្ធផលឈានដល់ការចាប់ខ្លួនជនបោកគ្រាប់បែកទេ។
ភ្នាក់ងារស៊ើបអង្កេត FBI បានប្រកាសថា
ខ្លួនបានបង្ខំចិត្តចាកចេញពីកម្ពុជា
ដោយសារតែគ្មានកិច្ចសហការពីអាជ្ញាធរកម្ពុជា។ ក៏ប៉ុន្តែ
អាជ្ញាធរកម្ពុជា បានច្រានចោលរាល់ការលើកឡើងខាងលើនេះ៕
No comments:
Post a Comment
yes