ជនជាប់ចោទទាំង
៧នាក់ដែលត្រូវរដ្ឋាភិបាលចោទប្រកាន់ពីបទរួមគំនិតក្បត់ជាតិ
ដើរចេញពីបន្ទប់ជនជាប់ចោទចូលក្នុងសវនាការនាសាលាដំបូងរាជធានី
ភ្នំពេញ នៅថ្ងៃទី២៨ ខែមីនា ឆ្នាំ២០១៤
សាលាដំបូងរាជធានីភ្នំពេញ នៅថ្ងៃទី២៨ មីនា នេះ
បានបើកសវនាការជំនុំជម្រះលើរឿងក្តីជនជាប់ចោទ ៧នាក់
ដែលត្រូវបានរដ្ឋាភិបាលចោទប្រកាន់ពីបទរួមគំនិតក្បត់
ចូលរួមសកម្មភាពជាមួយរណសិរ្សរំដោះជាតិខ្មែរ
ដើម្បីផ្ដួលរដ្ឋាភិបាលក្រុងភ្នំពេញ និងពីបទឆ្លងដែនខុសច្បាប់។
ជនជាប់ចោទទាំង ៧នាក់នោះ
៣នាក់មានដើមកំណើតជាខ្មែរកម្ពុជាក្រោម និង
៤នាក់ផ្សេងទៀតជាប្រជាពលរដ្ឋខ្មែរ
ដែលបានឆ្លងដែនទៅរស់នៅប្រទេសថៃ ហើយពួកគេត្រូវអាជ្ញាធរថៃ
និងកម្ពុជា ចាប់ខ្លួនកាលពីខែមីនា ឆ្នាំ២០១៣។
បន្ទាប់ពីបើកសវនាការពេញមួយថ្ងៃ និងទើបបិទបញ្ចប់នៅម៉ោងជាង
៦ល្ងាចនេះ តុលាការសម្រេចលើកពេលប្រកាសសាលក្រមអំពីរឿងក្តីនេះ
នៅថ្ងៃទី១១ ខែមេសា ឆ្នាំ២០១៤ ខាងមុខ។
No comments:
Post a Comment
yes