សកម្មជនដីធ្លី ដែលត្រូវបានគេប៉ុនប៉ងមនុស្សឃាត
ផ្តល់បទសម្ភាសន៍ដល់អ្នកសារព័ត៌មាន នៅមុខប៉ុស្តិ៍នគរបាលរដ្ឋបាលស្រះចក
នាព្រឹកនេះ (រូបថត៖ ញឹម សុខន)
កាលពីម៉ោង ៨យប់ ថ្ងៃទី២២ ខែមីនា មានជនមិនស្គាល់មុខពីរនាក់ បានបាញ់ប្រហារទៅលើរថយន្តក្រុង ដែលសកម្មជនដីធ្លី និងគ្រួសារពលរដ្ឋរងគ្រោះដោយសារការបាញ់ប្រហារនៅផ្លូវវ៉េងស្រេង កំពុងជិះនៅក្បែរគល់ស្ពានជ្រោយចង្វា ខណ្ឌដូនពេញ បន្ទាប់ពីចូលរួមពិធីបុណ្យនៅស្រុកជីក្រែង ខែត្តសៀមរាប។ ហេតុការណ៍នោះ ពុំបានបង្កឲ្យនណារម្នាក់រងរបួសនោះទេ។ ហើយសកម្មជនដីធ្លី បានដាក់ពាក្យបណ្តឹងករណីនេះ នៅយប់កើតហេតុ។
ខណៈដែលពុំទាន់មានចំណាត់ការលើករណីនេះ នៅព្រឹកថ្ងៃទី២៦ ខែមីនានេះ សកម្មជនដីធ្លី នៅរាជធានីភ្នំពេញ រួមមាន ប្រជាសហគមន៍បុរីកីឡា ថ្មគោល បឹងកក់ និងអតីតអ្នកបឹងកក់ ប្រមាណ១០០នាក់ បានប្រមូលផ្តុំគ្នាទាមទារឲ្យអាជ្ញាធរពន្លឿនការស៊ើបអង្កេតករណីនេះ ឲ្យបានឆាប់។
នៅម៉ោងជាង៩ព្រឹកនេះ តំណាងសកម្មជនដីធ្លី មួយចំនួន ត្រូវបានអាជ្ញាធរកាសង្ត់ស្រះចក ហៅចូលជួប។ ចំណែកនៅខាងក្រៅវិញ គេសង្កេតឃើញមានកម្លាំងបង្ក្រាបប្រមាណ ជាង១០នាក់ កំពុងឃ្លាំមើលការតវ៉ានេះ ប៉ុន្តែពុំមានការប៉ះទង្គិចណាមួយទេ៕
No comments:
Post a Comment
yes