បុរស ជាអ្នកដឹកពងទាលក់តាមម៉ូតូម្នាក់ត្រូវរថយន្តរបស់បញ្ជាការ ឯកភាពខណ្ឌសែនសុខបើកបុកហើយថែមទាំងចុះវាយបុរសខាងលើបណ្តាលរង របួសហើមមុខមាត់ទៀត។ ហេតុការណ៍គ្រោះថ្នាក់ខាងលើកាលពីម៉ោង7និង40នាទីព្រឹកថ្ងៃទី 08 ខែឧសភា ឆ្នាំ2014 នៅចំណុចផ្លូវ2002កែងផ្លូវលំ ភូមិត្រពាំងឈូក សង្កាត់ទឹកថ្លា ខណ្ឌសែនសុខ។
សាក្សីនៅកន្លែងកើតហេតុបាន ប្រាប់ថាមុនកើតហេតុឃើញរថយន្តគណៈបញ្ជាការឯកភាពខណ្ឌសែនសុខដឹកនាំ ដោយឈ្មោះ សៀក បានបើកតាមផ្លូវ2004ក្នុងទិសដៅពីកើតទៅលិចខណៈដល់ចំណុចខាងលើ ជាផ្លូវកែងស្រាប់តែរថយន្តបានទៅបុកម៉ូតូC125ពណ៌ខ្មៅពាក់ស្លាក លេខប៉ៃលិន1A-4499 ដែលបើកដោយបុរសម្នាក់ក្នុងទិសដៅពីត្បូងទៅជើងតាមផ្លូវលំនិងមាន ដឹកពងទាមួយចៀលធំបណ្តាលឲ្យម៉ូតូដួលចាក់ពងទាពេញផ្លូវ។
ប្រភព ដដែលបានប្រាប់ទៀតថា ក្រោយពីបុកម៉ូតូបណ្តាលឲ្យដួលហើយក្រុមប្រជាការពារខាងលើមិនត្រឹម ចុះមកជួយរើសពងទាឲ្យជនរងគ្រោះទេបែជាចុះមកស្តីឲ្យថែមទាំង ប្រធានក្រុមខាងលើចុះមកវាយជនរងគ្រោះថែមទៀតបណ្តាលឲ្យហើមមុខ មាត់រួចនាំគ្នាឡើងជិះរថយន្តចេញទៅអស់ទុកឲ្យជនរងគ្រោះអង្គុយ រើសពងទាដែលនៅពេញផ្លូវម្នាក់ឯង។ ឃើញដូច្នោះប្រជាពលរដ្ឋបាននាំគ្នាជួយរើសមួយដៃមួយជើងទៅ។
បុរស ខាងលើបានប្រាប់ថា គាត់ឈ្មោះ វ៉ា សុខឿន ភេទប្រុស អាយុ22ឆ្នាំមុខរបរដឹកពងទាលក់តាមម៉ូតូស្នាក់នៅផ្ទះជួលភូមិ ត្រពាំងឈូកសង្កាត់ទឹកថ្លាខណ្ឌសែនសុខខណៈដួលម៉ូតូរងរបួសរលាត់ដៃ ជើងបន្តិចបន្តួចទេ តែត្រូវបានខាងក្រុមប្រជាការពារខាងលើមកវាយបន្ថែម។ ប្រជាពលរដ្ឋដែលបានឃើញហេតុការណ៍ខាងលើសំដែងការមិនពេញចិត្តនឹង ទង្វើររបស់ក្រុមគណៈបញ្ជាការឯកភាពខណ្ឌសែនសុខដែលធ្វើអំពើមិនគួរ គប្បីលើបុរសជាអ្នករងគ្រោះខាងលើថែមទាំងមិនជួយ បែជាមកវាយថែមទៀត។ តើនេះជាមន្ត្រីអ្នកការពារសន្តិសុខឲ្យពលរដ្ឋឫ? ចុះលោកអភិបាលខណ្ឌ លី សាវ៉េត អប់រំកូនចៅដូចម្ដេច? ឫគ្មានអំណាចលើក្រុមនេះទេ?
ពន្យល់ផ្លូវច្បាប់
ដោយ៖ ទូច សុខៈ
អំពើ វាដំរបស់កំលាំងខណ្ឌសែនសុខ ទោះជាអ្នកឌុបពងទាជាអ្នកខុសក៏ដោយចុះ ក៏ការប្រើអំពើហិង្សាមិនត្រឹមត្រូវតាមច្បាប់ដែរ។ តាមក្រមព្រហ្មទណ្ឌសកម្មភាពបែបនេះ ជាអំពើហិង្សា។ ដោយសារប្រព្រឹត្តជាក្រុម នោះជាស្ថានទំងន់ទោសបន្ថែមទៀត។ បទល្មើសហិង្សាដោយមានស្ថានទំងន់ទោសមានចែងក្នុងមាត្រា២១៨នៃក្រម ព្រហ្មទណ្ឌឆ្នាំ២០០៩ ដាក់ពន្ធនាគារពី២ឆ្នាំ ដល់៥ឆ្នាំ។ ក្រៅពីនេះ ពិន័យជាប្រាក់ពី៤លានរៀល ដល់១០លានរៀលថែមទៀត៕
No comments:
Post a Comment
yes